بينَ يَدّي أربعيني

بينَ يَدّي أربعيني ٥

" تعجبيني حين تصمتين
لأنك تكونين كالغائبة وتسمعينني من بعيدٍ،
وصوتي لا يلامسك
تبدو عيناكِ مرتبكتين
ويبدو أن قبلةً ستطبقُ  على فمك
تعجبيني حين تصمتين،
لأنك تكونين كالغائبةوأنت كأنك تئنين،
فراشة ترفّ وتسمعينني من بعيد،
وصوتي لا يصل إليكِ ..
دعيني أصمت مع صمتك،
دعيني أكلمكِ أيضاً مع صمتِك "
- بابلو نيرودا
.

rose_____ali
..
اخذت سيلفي ع طولي ودزيته اله .
.
قمر . هاي شنو الحمرة هيج .. انتي بلا مكياج احلى وتصيرين مثل الكمر . تضيعين جمالج بالمكياج الطوخ . ياله اخذي كلينسه وخففي من شفتج وصوريلي خل اشوف
.
قمر . اووووف هم اعترضت ع الحمرة .
..
علي . مو اعترض وانما هاي نصيحة من رجل . تظلمين جمالج بالمكياج .يالة خل اشوف مسحتيهه لو لا ...
.
قمر . اوك لحظة
..rose_____ali
اخذت كلينسه ومسحت الحمرة خففتهه ورجعت صورت اله ودزيتله الصورة .
.
علي . اي هسه تمام . يالة قمورة اني اروح وما اوصيج ديري بالج ع نفسج واي شي تحتاجي خابريني يتنفذ الج ماشي باباتي
..
قمر . هههههه اي بابا .زين يعني شنو بعد ما اكدر احجي وياك
.
علي . فدوة لبنيتي .لا شلون . بس يصير عندي وقت وامي شوية تتحسن . اتصل بيج

.
قمر . اوك انتظر .
.
علي .ياله قمورة ادعي الامي فدوة راح نسافر هسه اللبنان
.
قمر . تروحون وترجعون بالسلامة . وان شاء االله الشفاء
.
علي . فدوة لبنيتي . ياله في امان الله .
.
قمر . في امان االله .
.
سديت الفون . ورجعت اكمل شغلي روتيني المعتاد . وية زملائي لكن مع هذا بقه بالي وية علي .

______
rose_____ali
علي .
صار الوقت الي اعرفكم بنفسي .
علي .عمري ٤٢ سنة . خريج كليتين قانون وعلوم سياسية . مدير لاحد شركات الدواجن الي بيهه شريك اني واخوية ونسيبي . قائد عسكري ميداني بأحد فصائل المقاومة .وايضاً .. متزوج واب لطفل واحد حیدوري عمرة سنه .حالتي المادية ممتازة جداً . عندي اخ  واحد .  دكتور .  و متزوج وعندة اطفال واخت وحدة متزوجة . وعدهه طفلين .
.
شكلي كأي رجل عادي . لكن بحكم عملي العسكري وبحكم التدريبات الي اخذتهه ومن غير استمراري برفع الاثقال صارت عندي بنية قوية عسكرية جسم ضخم لكن بترتيب .
.
حياتي من اني وقبل ما اتزوج عانيت منهه هواي . بالبداية بطفولتي .  نسجنت واني صغير عمري ميتجاوز العشر سنين . بقيت ٣ سنوات بالسجن استشهد ابوية   لان هو كان احد الموجودين بالانتفاضة الشعبانية عفنه بيتنه ومنطقتنه ورحنه البيت خوالي عانينه كل شي بوقتهه . صرنه حتى اللكمة نتحصر عليها من بعد ما جنه بخير . سقط صدام وبدا وقت الحرب والامريكان واني من كنت من ضمن الي اعتقلوهم الامريكان بسجون ابو غريب لأسباب ما احب اذكرهه بقيت تقريباً سنة وطلعت . بس هاي السنه كانت تعتبر سنين من عمرك ع كد متشوف تعذيب واذية نفس .   . .طلعت واني حالتي النفسية صفر . اثار التعذيب الي ع جسمي تفكيري و حلمي صار انام وما افز . بالموت يالة رجعت شوية الطبيعتي .ورة مطلعت بفترة بدينة نأسس شغلنه اني واخوية وشوية شوية كبر الشغل وصارت بدل الشركة شركات دخل ويانه زوج اختي شريك . من شاف شغلنه خير من الله . . كملت دراستي عن كبر وخلصت قانون مسائي ورجعت علوم سياسية . وكل هذا شغل ودراسه . حبيت وحده وياية كانت تداوم ومن نفس المنطقة .صدك تعلقت بيهه وشفتهه هي الروح .خطبتهه من بعد ما تخرجنه . من العلوم . تقدمت الهه تقريب ٣ مرات وال ٣ مرات اهلهه يرفضون وزاد اصرارهم ع الرفض من عرفو حياتي . (خريج سجون) . من رفضوني اهلهه . سافرت . اللبنان متحملت ابقه بنفس المنطقة بقيت سنة عايش بلبنان وراها رجعت ومن رجعت عرفت هي توفت نتيجة مرض التيفوئيد حسب مكالو . . لحظات مكنت اتمناها العدوي .الم و وجع وانكسار كلهه عشتهه بهالخبر . لو باقية تتنفس وبعيدة افضل مما تندفن جوة التراب . خابرت بيومهه صاحبي يصير ابن خالتهه وعرفت وين مكان قبرهه . بليلتهه رحت للنجف شفت قبرهه وحدهه كعدت يمهه بدون ما احجي اي كلمة . كنت ما احس اي كلمة تعبر عن الي بداخلي . بقيت تقريب اكثر من ساعتين ورجعت رغم محجيت شي ولا كلمة وياها مجرد كاعد يم قبرها بس . لكن ارتاحيت .من بعد فترة بدت معاناتي وية امي االه اتزوج كنت بكل اصراري احاول ارفض لان ماكدر اتزوج وحده قلبي مهاويهه خصوصا اني شلت فكرة الزواج من عقلي من بعد ما رفضوني اهل حبيبتي . كانت امي تسكت فترة وترجع تعاديني اكثر من السابق . صارت تزعل ومتحجي نهائي وياية واني كان هذا الشي اكثر يأذيني خصوصا من بعد ما يصير نقاش وياية تتاذه وتوكع وتتخربط . من بعد ملحتهه كتلهه بكيفج وبراحتج . راحت هي واختي وشافو الي بنية مواليد ٨٨ اسمهه زينة كانت تشبه سولاف الممثلة بالشكل والسمن . مرة ثانية رحت اني وياهن حتى اشوفهه . شفتهه بنظرة عادية حتى قلبي ممتلهف ولا مقتنع . مشفت عندي رغبة الهه ابد وكنت مقرر ارفض لكن من شفت الفرحة بعيون امي واختي مكدرت اكسر بخاطرهن . صارت الخطوبة وصار الزواج واني احس نفسي ضايع مجرد واجب وعلية اسوي .