يسعد مسائكم ورداتي .
بارت جديد . يالة وينكم محضرين حبشكلاتكم جبوستكم ع نساتلكم .
قراءة ممتعة . ولتنسون التصويت . تفاعلكم يسعدني 🥰
#rose_____ali
ياهو الي يرجعلي عمر
ضيعته ؏ المايسوة
وياهو اليعوضني صبر
مرمر ايامي الحلوة
ياا ناس ڪلبـَʊ̤ المنكسر
مو مال اكولن فدوة. .
بعد مرور كم يوم .
صافنة بوجهة وضحكتها وشلون تناغي .ابتسمت لا ارادي .. رجعت اباوع ع امي نايمة . باوعت ع الساعة ب ٨ بالليل.كانت ليلة عظيمة . ليلة القدر . كمت مشيت بخطواتي الثكيلة بنص هوسة الممرات وضجيج وصراخ بالمستشفى . رحت للحمامات توضيت ورجعت للغرفة فرشت سجادتي وعلكت تلفوني بث مباشر ع كربلاء . وبديت اسوي اعمال ليلة القدر كلها . وية كل كلمة تنقري دموعي تجري .
صارت الساعة ١١ كملت كل الاعمال. سجدت ع التربة شكر وحمد لله عن كل الي دا امر بي بست التربة ورفعت راسي بهالاثناء سمعت شخص كال .
__تقبل الله .
.
.
قمر.
التفتت كان الدكتور شايل الطبلة و واكف و ويا دكاترة ٤ هنود .جاوبتة
.
تقبل الله اعمالك دكتور ..
.
الدكتور . فاطمة ماشاء الله كلش زينة بس الي مستغربين منة انه وزنها يختلف عن مرضى القلب . .
.
قمر . اني مشيت حسب نصائح دكتور حسين و كنت اشبعها وابد ما اخليها تجوع حتى بنص الليل هي ونايمة اكعد اشربها .
.
التفت الدكتوور على الدكاترة الهنود . وصار يحجي وياهم انكليزي ورجع الدكتور الهندي يحجي مكسر
.
الدكتور الهندي .باجر فاطمة يسوي ئملية بالتسئة يسوي
.
الدكتور العراقي . ان شاء الله باجر فاطمة تسوي العملية ساعة تسعة الصبح بس هسة ضروري تحضرين النة دم وبلازما من مصرف الدم ..
.
قمر . دكتور عفية وين صاير مصرف الدم بيا طابق .
.
الدكتور . عزيزتي المصرف بغير مكان مو بالمستشفى روحي انتي و واحد من الاهل او دزي احد . اذا محضرتيهم اليوم سراها يتأجل ..
.
قمر .
نطوني ورقة مختومة . وعافوني وراحو . التفتت ع امي كعدتها . سودة علية فزت من نومتها .
.
لتخافين ماكو شي . ديري بالج ع فطومة رايحة اجيب دم وبلازما حددو موعد العملية هسة ان شاء االه باجر الصبح يسوولها .
.
ام احمد . يا الله ياربي عليك .
.
قمر .
عفت امي وطلعت . للممر . صفنت. وين اروح. واني كلشي ما اندل . ولا عبالك اني متزوجة وكاعدة بالحلة سبحان الله كل ما احاول اطلع منا يصير شي يرجعني . بقيت حايرة مين ادبر دم وبلازما . فتحت موبايلي واتصلت على علي . يمكن كان المفروض بعد الي صار ما اتصل بس فعلاً ما اندل شي هنا . فتغاضيت عن كل شي مؤقت علمود فطومة .
.
📱📱📱
علي .. اهلاً شعجب لازم اشتاقيتي .
.
قمر . لا والله بس شسوي للعازة .
.
علي . محتاجة فلوس .
.
قمر . لا . بس اني هنا بالحلة بمستشفى الامام الصادق .
.
علي . المستشفى التركي مو .
.
قمر . اي . وانت مو كتلي احمد اخوية يداوم بيهة .
.
علي . اي .
.
قمر . ليش متكلة احنه هنا ع الاقل يهتمون اكثر بيها باجر عمليتها .
.
علي. اي بالسلامة ان شاء الله . بس احمد مسافر.
.
قمر . هذا كل الي كدرت علية . شهالقساوة العندك المهم مو وكت هالكلام.اني هسة طلبو مني دم وبلازما ولازم من المصرف يعني من غير مكان اجيب واخاف اروح وحدي وهسة ساعة ب ١٢ بالليل .
.
علي . شكو عليج اذا رحتي وحدج .مين ادبرلج دم اني .
.
قمر . بس علي ما اندل واخاف .
.
علي . يمعودة مو بالقنادر اني مو بالبيت لتخبصيني بشغل حتى ما اكدر احجي بالموبايل . مين ادبرلج هسه . ها وغصباً عنج ترجعين للبيت كافي عاد انطيتج هواي مجال .
.
قمر . تعرف انت شدتحجي اني بيا حال اكلك باجر عملية بنتك
أنت تقرأ
بينَ يَدّي أربعيني
Kurt Adamتزوجي من رجل أربعيني فهو رأى من الحياة ودروسها مايكفي لحمايتك من عقبات هذه الحياة . . الحب يأتي بلا استأذان لا ينظر الى الاعمار ولا الى العواقب . ولا يفهم حتى بالظروف . دخيل على القلوب اناني الطباع متملك يرفعك الى السماء بلمح البصر. . ويدعك ترتطم...
