بينَ يَدّي أربعيني

الجزء الثاني الحلقة السادسة

يسعد يومكم ورداتي .
بارت جديد . ..
لا تنسون التصويت . احبكم 🥰
.
#rose_____ali
.
•
حَنيتلَّك
و أدري اليحن يبچي
و يموت بسَكتة
مو مال نِتعاتَب بَعد
راح المعاتَب وَگتة
و مِن يا هِي أبدي ، بفرّگتَك ؟
خَليّتني معلعَل و أوّن
ما ظَل وِجع ما ضگتة .

..

يمكن كانت نظرة عتب. او لا نظرة الم . ابتسمت بوجهة ودمعتي بعيني. وبقيت اسولف وياها . الى ان اخذت الممة بعد عدة محاولات . تمص شوية وتوكف . سودة علية بنيتي تعبانة . ورة فترة حاولو يطلعوني الدكاترة بس ترجيتهم ابقى بعد شوية حتى تحس بأمان .
.
الى ان طلعت من يمها بس هالمرة احس براحة . فرشت سجادتي وصليت ركعتين شكر لله لانه مراحت مني .
.
لليل اجة علينة الدكتور .
.
الدكتور . السلام عليكم .
.
قمر . عليكم السلام .
.
الدكتور . راح نطلع فاطمة للردهة صحتها الحمد لله زينة .
.
قمر . الحمد لله يارب. شكراً دكتور .
.
الدكتور . العفو هذا واجبنة .
.
قمر . رجعت استلمت غرفة . بقيت منتظرة الى ان جابوها . بس من جابوها هية وصونداتها وتعبانة كلش من غير ايدها ترجف رجف كلت ماكو غير ضاربين عصب ايدها بأبرة وبنتي بيها شي . بهالاثناء اجة الدكتور الهندي الي سوالها العملية و ويا دكاترة عراقيين بدا يفحص بيها .
.
عفية دكتور ايدها كلش دترجف .
.
الدكتور . لا تخافين حالياً. هي تمر بفترة ضعف بعد انتي واهتمامج .
.
الحليب ممنوع تنطيها بكيفج مدة شهرين عدل. تنطين حليب كل ٣ ساعات رقمين . . حاولي من تجوع تنطيها عصير برتقال او شوية مقدار ماعون جاي شوربة خفيفة وبس المي.
.
قمر. ان شاء الله دكتور.

بقو يحجون هو والدكتور الهندي .
.
الدكتور الهندي . انت باجر يطلع بعد ما يبقى هنا.
.
الدكتور . يكلج باجر الصبح ان شاء الله تطلعون. بس تبقون تراجعون دكتور ولاء موجود هنا بالحلة .لان هو المشرف ع الحالة وية الوفد . ويعرف تفاصيلها .
.
قمر . ان شاء الله دكتور. وشكرا الكم والجهودكم وربي يوفقكم. .
.
الدكتور. واجبنة.
.
قمر .
كانت اجمل لحظات حياتي من كلولي باجر تطلعين. من الفرحة امي بقت تتصل ع الكرايب والعشيرة كلها حتى اهل علي خابرتم . ورجعت خابرت ابوية بشرتة. وحتى تنطي علم ويجي علينة .
عدت الساعات وكل ساعة تمر احمد الله واشكرة انه رب العالمين رجعها الي وسيدتي ومولاتي فاطمة الزهراء ما خجلتني من طلبتها .
.
مر اليوم بسرعة ثاني يوم من الصبح اجة ابوية كملنة الاجراءات ونطونة تعليمات . وشرطو من ضمن التعليمات ممنوع احد يفوت عليها للغرفة الة كمامة وجفوف وتعقيم . لان مناعتها صفر. وتلقط كل شي. ولازم نهائي متتمرض.
.
الحمد لله طلعنة من المستشفى. ومن خلال اهتمامي واهتمام امي رجعنة صحة فطومة. للاحسن لكن بقينة نراجع بيها معفتها ابد . تخيلو الي مريت بي. وياها . وصلت مرحلة بخاشوكة الجاي انطيها حليب لان تخاف تبلع وتتأذة . ذبلت فد مرة . . وتعبت بالموت يالة رجعتها الصحتها .
الى ان بدت تتحسن ونشنشت. بس بعدني اخاف عليها من كل شي.
.
خلال هالفترة كلها . مشفت من علي ولا مسج ولا حتى سأل ولا عرفت عنه شي من بدا يصير عندي فراغ. كنت اراقبة بس بعدين عرفت انه حظرني والامر من كل هذا حاظرني من كل البرامج . ورغم حاظرني كنت ادزلة مسجات اعرف هو ميشوفها بس ردت اطلع الي بقلبي بأي طريقة ..عتب وحب كلام يكون بداخلي بس مردت اواجهة بي . فوك هذا كلة اي واحد من اهلي يتصل علية يحظرة . الهدرجة وصل من عدم التقدير والاحترام . رجعت سويت حساب ميعرفة. اعرف هالتصرفاات ميسويها الة المراهقين . ماعرف ليش كنت اسويها وبقيت اتابعة من الحساب الجديد ومرت الايام والشهور وبديت بالتدريج ابتعد عن هالشغلة صرت ما اشوف اي حساب الة . حتى الحساب الي سويتة اني نسيت رمزة . . كنت عايشة حرب بداخلي. من غير ضغط اهلي .. خلص قفلو مكامو يتحملون الوضع الي اني بي. مو ميتحملوني لا وانما يريدون يفهمون سالفتي شنو. خصوصا اني تعبت من وضعي ويا وهالشي كلش ديأأثر ع نفسيتي اريد اخلص روحي منه . بس احس نفسي متجذرة بي . دخلت بحالة اكتئاب يمكن كان وضع فطومة شاغلني وممخليني افكر . بس هسة صارت اغلب الاوقات دمعتي ع خدي . من تحب شخص اكثر من نفسك صعب كلش من يتعامل وياك هيج او تكتشف انه مو نفسة الانسان الي حبيتة والي كنت تشوفة كبير بعينك . . صح اتواصل وية امه واختة بس لان هن يراسلني واخجل ما ارد . وبكل مرة يفتحن موضوعة او اسمة من يمي اسد السالفة واتنرفز لكن مع هذا . تصدف مرات اسأل عنة . .حتى هن ماكانن يعرفن عنه اشياء هواي لان كان اكثر اواقاتة ميتواجد بالبيت . . بليلة تاريخ ٢١ /٧ .
.
كانت ليلة عيد ميلادة . اخذت موبايل ابوية وفتحت واتس ع خطة الثاني. لان الخط الاول محظور. ماعرف اذا كان هذا تصرفي صح او خطأ بس كان بقلبي حنين مو طبيعي . راح تكلولي انتي وحدة بلا كرامة . بعد الي حجا وسوا وترجعين ترسليلة . اي اتفق وياكم . بس كان لازم اسوي كل الي اريدة . وية كل رد فعل منة يطيب خاطري منه اكثر . ووكنت اشوف كل الي سويته هو مثل الدرج صعدت على درجاتة حتى اكدر اتخلص من علي
.
علي مو انسان عادي بالنسبة الي . علي الحب الاول ابو بنتي . طفلي المولود من رحم قلبي . اني انسانة تغيرت حياتي بشكل مو طبيعي وية هذا الانسان .وانتو شهدتو شلون تغيرت ويا وشلون كنت . انسانة عاشت اجمل معاني الحب ويا. حتى لو فترة قصيرة بس طبعت بعقلي وتركت اثر بقلبي. يمكن فعلاً مثل ما اشوفها هسه هي كانت نزوة. شي حب يتملكة ومن صار ملكة خلص بعد ..
فتحت المحادثة الي بأسمة . وراح يكون هذا اول مسج بيناتنة اقصد هو يشوفة . من بعد ما يقارب اكثر من ٣ شهور. . . كتبت .
.
✉️📩📥
.
قمر . مرحبا .
.
علي . مراحب. بس معرفت منو .
.
قمر .
اني متأكدة انت تعرف منو الي ديراسلك . بس ردت اكلك شي بخاطري . اني كتبتة.