بينَ يَدّي أربعيني

الجزء الثاني

مرحبا  يا حلوين . يسعد أيامكم  .
.
أن شاء الله دائماً تكونون بخير . أشتاقيتلكم هواي . 😘🤩
.
رجعنة وياكم . اني الكاتبة rose_____ali .  وقمورة . بالجزء الثاني من رواية بين يدي أربعيني اتمنى تعجبكم وتستمتعون بقرائتها .
.
قراءة ممتعة حبايب ❤

_____
كنت دائماً اكول واردد  انه ماكو شي مستحيل   مهما كانت صعوبة الامور   
او يمكن احنه الي نصعب الوضع او الاحداث؟
.
بالحقيقة اني حالياً ما اعرف شنو دا اكتب .  وهل كلامي هذا راح ينفع  ويرجع كل الي قدمتة او خسرتة ؟.
.
صرت افكر معقولة الهدرجة يكونون الاهل محقين بكلامهم وعدهم نظرة مستقبلية بخصوص مستقبل اولادهم .
.

بين يدي اربعيني .  انثى تحمل من االحب ما لم يحمله احد

انثى تملك مزيجاً من الرقة والعنفوان .

لبوة شرسة  . واماً حنونة . وحبيبة مخلصة .  لأسد  او لا ربما هو يشبه نفسه بالاسد لا يهمه سوا جبروته ونفسه . نرجسي .. واسوء ما تقع به المراة هو الزوج النرجسي الذي لايهمه شي حتى وان عاشت معه اجمل ايام او لحظات لكن في الحقيقة نجد تلك اللحظات وجمالها من الاساس نابعة عن ارضاء نفسه فقط ومتعة نفسه فقط لا غير .

اكثر ما يؤلم الانسان  هو التفكير .التفكير الي يوصلك الى مرحلة المتاهة عجبا شلون راح نكدر نسيطر على تفكيرنة شلون نكدر نسيطر على الكلمات الي محورها عقلنة وهي تدور دوران دائم .شنو الي يخلينة نوصل الهذة المرحلة المتعبة ..

كلكم تعرفون قمر وكلكم تعرفتو عليها بالجزء الاول من رواية بين يدي اربعيني .ممكن الي راح اروي الكم عن طريق قلم الكاتبة  روز هو بحد ذاتة صدمة بالنسبة الي و الكم .بحد ذاتة انهيار بالنسبة الانسانة عاشت كل معاني الحب او هيج كانت تشوف من منظورها  لمدة  قصيرة  بسس 

كلكم تعرفون قصتي وشنو الي واجهتة  وشنو الي قدمتة .

بس الحياة عمرها ما بقت ثابتة على نفس العطاء وبكد ما تنطينة راح تاخذ من عدنة اضعاف . او ربما احنة كل شي يصير بينة نعلكة بشماعة الحياة .رغم كل شي يصير هو من اختيارنة .

قمر 

كعدت من النوم اتلوة من الالم .  وجع بطني . والطلوكة وحدة ورة الثانية .   التفتت ردت اكعد علي مشفتة نايم يمي .   كمت من مكاني وتمشيت للحمام واسمع صوت همس . وكلام يدوي اني وذيج حالتي تقربت من الباب اسمع كلمات الحب والغزل وكيف يتوسل بيها حتى يشوفها لحظتها صدمتي و وجع قلبي طغة على الالم الي عندي  رجعت للغرفة وبقيت الوب بمكاني احس بكسرة صارت بصدري شايفين من تشربون المي ومرات ينكسر بالصدر تقريب هيج واقوة  .  تعودت على هذا الوضع .تعودت اسمع مغازلاتة وياهن بس مرة عن مرة وجع قلبي يزيد وهالشي بالمقابل . يبرد مشاعري تجاه علي . سمعت صوت باب الحمام انفتح وطلع هو . .  
.