تزوجي من رجل أربعيني فهو رأى من الحياة ودروسها مايكفي لحمايتك من عقبات هذه الحياة .
.
الحب يأتي بلا استأذان لا ينظر الى الاعمار ولا الى العواقب . ولا يفهم حتى بالظروف . دخيل على القلوب اناني الطباع متملك يرفعك الى السماء بلمح البصر. . ويدعك ترتطم...
بين يدي أربعيني . الجزء الثاني . الحلقة الثانية . . مرحبا يا حلوين 🥰.شلونكم 🤩 . بما انه كملت البارت الثاني حبيت أنشرة الكم . . بس لتنسون تفاعلكم وتصويتكم يسعدني . كل الحب الكم . قراءة ممتعة . #rose_____ali .
متى ترجع ليالينا
وسوالفنة واغانينا
وعدك يالوفي وينة
حبيبي ليش ناسينة . قمر .استمرت هذة الايام بين انين ممرات المستشفى وبين عايط الامهات الي يتوفون اطفالهن وبين وجع القلب وبين صرخات بنوتي وبين دمعاتي وبين الوجع الي اعيشة ع بنتي بس الحمد لله صدرها يوم عن يوم يتحسن ومن هالناحية الحمد لله بديت ارتاح لكن يبقى الاهم قلبها وتشخيص وضعها فزيت بنص الليل ارجف احس عظامي الي ترجف اريد اوكف ما اكدر . كامت امي ترست بطلين مي حار من الغلاية . ولفيتهن بقطع من الملابس وحظنتهن شوية ارتاحيت ونمت بقت امي سهرانة . سودة علية جانت فطومة نايمة والكانيولا بايدها وبرجلها . .الكاتبة ((هذة صورة الطفلة بالمستشفى ))
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فزيت ع صوت امي تصيح ماتت البنية لحظتها ما اوصف الكم الشعور الي حسيت بي كعدت واشوف امي مكابلة بنتي وتعيط ماتت اباوع ع بنتي وجهة ازرك شلت بنتي وركضت بيها بالممرات الغرفة الدكتورة الخفر لكيتها نايمة وسادة الباب عليها دكيتها كم مرة متفتحها . لابت روحي ورحت اركض للمصعد نزلت و اباوع ع بنتي وجهة ازرك اكثر من الاول وشفايفها زرك والكانيولات مأوتة . شلعتهن من ايدخا ورجلها كمت اضرب بيها راجديات ع خدها واخضها اريدها تتحرك بس حتى قلبي يامن بنتي بعدها عايشة نزلت من الطابق السادس للطوارئ بالبناية الثانية ركض .. تلكتني دكتورة .
دكتورة فدوة العينج بنتي حتموت زركة .
الدكتورة . انتي جاية من الطابق السادس .
قمر . اي .
الدكتورة . منستلم احنة من الطابق السادس وخري من وجهي .
قمر .
ردها كان مثل السهم الي ضرب قلبي .. شفت دكتور ثاني رحت ركضت علية اخذ بنتي مني وفات للغرفة اباوع علية شلون كالبها ولازمها من رجلها ويضرب بيها ورجع نيمها وبدة يسويلها انعاش بقلبها والاوكسجين بحلكها ويفحص بيها . اني بهاللحظة انهد حيلي كلة كعدت برة الغرفة بالكاع لايبة روحي و مفرفحة ودموعي تجري الى ان سمعت صوتها صرخت يالة امنت شوية اخذت نفس وكمزت عليها اخذتها بيدي .وحضنتها احس روحي رجعتلي يا ناس الله لا يضوك احد هيج لوعة
