مصر أم الدنيا |1D| (مُكتَملة✔)

17-اترص اترص يا ورق الخس

اليوم ده كان يوم مشرق ، و السماء كانت صافيه و الجو كان جميل و لطيف للتمشيه علي الكورنيش ف اسكندريه..

الكورنيش الساعه 6 الصبح مبيكونش فيه ناس كتير و ده بيكون مريح للاعصاب لو انت من الناس اللي بتحب تحط الهاند فري و تتمشي بهدوء منغير ازعاج ..

لكن أنكم تكونوا حداشر فرد بتتمشوا علي الكورنيش الساعه 6 الصبح ، ده كان ازعاج للناس اللي نازله تصفي ذهنها.

مورا : بيو بيو ، تم اغتيال القائد بول قائد السفينه الفضائيه بنجاح

بول : لقد تم الغدر بي!

نايل : انا جعان

مورا : يحبيب ماما تعالي نجيب اكل بسرعه

لورا : خدوني معاكوا عشان انا كمان جعان

و فعلاً دخلوا محل صغنن و جابوا اكل و طلعوا قعدوا علي الكراسي اللي ع الكورنيش..

--

الوقت بيعدي بسرعه ، بسرعه اوي اوي اوي يعني..

البويز مقعدوش وقت كفايه ف مصر عشان يشوفوا جمالها و يقضوا وقت ممتع اكتر يخليهم يفكروا حتي انهم يزوروها مره تانيه..

و معاد رجوعهم بلدهم بيقرب و مفيش وقت يلفوا ف اماكن تانيه عشان اسكندريه لوحدها ممكن تاخد منهم بالقليل تلت ايام!

هما كانوا مستمتعين انهم بيقابلوا الفانز ف كل مكان و مبسوطين بالوقت اللي بيقضوه ف مصر..

لورا أخدت مورا و هاڤ علي جنب عشان تقولهم حاجه مهمه

لورا : تيجوا نجهز لبروچيكت صغنون ف القاهره عقبال م نوصل هناك؟

مورا : بروچيكت لمين؟

لورا : عشان نودع البويز ، الطياره بتاعتهم المفروض هتاخدهم بعد اسبوع واحد بس ، هناخد تلت ايام هنا ف اسكندريه و هيفضل اربع ايام ف القاهره و اخر يوم نعمل البروچيكت

هاڤرس : دي فكره جميله فعلاً بس تقترحوا نعمل ايه؟

لورا : فكروا سوا ف حاجه نعملها و انا هكلم الشباب لو عندهم افكار برضو

و فعلاً لورا سابتهم و راحت كلمت حسام عشان يقول للشباب و ف نهاية اليوم يختاروا فكره من الافكار اللي هيجمعوها

--

بعد الضهر لورا و مورا كانوا قاعدين مع البويز ف الفندق بيتفرجوا علي فيلم عربي

لورا كانت ماسكه التليفون و قالت لناس صحابها كتير إنهم إحتمال يعملوا إيڤينت ف القاهره كمان إسبوع ، كلهم وافقوا و إختاروا مكان كبير يشيلهم مع البويز ..

و بما إن خبر وجود البويز ف مصر إنتشر طبعاً ف هي كلمت صحابها بتوع إسكندريه تقولهم علي موقعها و إتفقوا يتقابلوا تاني يوم ف مكان قريب من الفندق