طبعاً بعد كل اللي حصل ف المطعم ، و الأكل اللي نايل أكله كله لوحده ، و الماشاب اللي انتشر بطريقه مريبه ع السوشيال و كل القنوات الإخباريه بقت بتتكلم عن وجود الفرقه البريطانيه المشهوره one direction ف مصر..
لورا و و مورا و باقي الشباب مبقوش عارفين يعملوا ايه ، و الموضوع خرج عن سيطرتهم تماماً.
الشباب خلاص اقتنعوا ان ده اللي كان المفروض يحصل ، لأنهم فرقه مشهوره و كانوا عارفين انهم هيتعرفوا طبيعي و لازم الناس كلها هتعرف انهم ف مصر ، صحيح الموضوع مبقاش مريح اوي انهم يتمشوا ف الشوارع براحتهم و رجعت حياتهم زي م كانت ف لندن لازم يمشوا بحراس و هكذا ، بس دي حياتهم و ميقدروش يهربوا منها مهما حصل..
صحاب لورا استسلموا للأمر الواقع برضو ، و بقوا بيمشوا مع البويز ف اي مكان عادي و بيقابلوا فانز كتير ف طريقهم لكل مكان طبعاً لأن الموضوع انتشر بس هما بالنسبالهم عادي ، المشكله بقا ف لورا اللي مقدرتش لحد دلوقتي تستوعب الموضوع و حاسه انها هي السبب.
لورا بطبيعتها بتحس نفسها مسئوله عن كل حاجه حواليها و بتحس دايماً إنها الكبيره و لازم تبقا كل حاجه تمام و مفيش حاجه تخرج عن سيطرتها و لازم البويز يبقوا مرتاحين ، و الوضع ده مش عاجبها خالص و فضلت حاسه انها السبب عشان هي اللي طلبت انهم يغنوا يومها و هي اللي طلعت الفكره ف دماغهم اصلا..
طبعاً دي طبيعتها و كل صحابها عارفين ده ف محبوش يضغطوا عليها ، ماعدا مورا اللي حاولت بكل الطرق تطلعها من اوضتها و تكلمها ، لدرجة ان لما لورا مرضيتش تفتحلها الباب قامت بعتالها واتس و لما مرديتش اتصلت بيها..
مورا كانت عارفه انها لو سابت لورا تستسلم للإحساس ده و تفضل حاطه الذنب كله عليها ، هي ممكن تنهار ف اي لحظه و ساعتها محدش هيقدر يسيطر عليها هي كمان ، ف الحل بالنسبه لمورا كان إنها تقعد تلح عليها عشان تطلع و يعرفوا يكلموها كويس..
مورا : يا لورا بأمانه هخلي لوي يشدك من شعرك لو مطلعتيش
و ايه المقابل؟ مفيش اي استجابه و لو بهمسه.
مورا : لورا بجد لو مفتحتيش الباب ده انا هخلي العيال يكسروه
و برضو مفيش رد..
مورا : طيب انتِ اللي جنيتي علي نفسك بقا
و بعدها بربع ساعه او اكتر كانوا جايبين مفتاح احتياطي كان ف الريسيبشن تحت و فتحوا باب الاوضه و لورا كانت قاعده ع السرير ف ايدها كراسه و بتشخبط فيها..
مورا : بنادي عليك يا حيوان م الصبح مبتردش ليه؟
لورا : مش عاوزه اخرج يا مورا
مورا : حبيبي اللي بتعمله مش حل ، هما تأقلموا مع الوضع خلاص
لورا : بس انا السبب
أنت تقرأ
مصر أم الدنيا |1D| (مُكتَملة✔)
Fanfictionتتلاقي الأرواح في السماء أو في العالم الموازي و تتجمع الأصوات حينما تشرق الشمس و يختفي القمر، و لكن أرواحنا ستتجمع في مكان غريب مكان فريد و عجيب ستتجمع أرواحنا و تتلاقي أعيننا في مصر أم الدنيا ! عزيزي الدايركشنر لو متعرفش إن الدايركشنرز العرب أجمد ن...
