اليوم التاني اوضة الفندق اللي قاعدين فيها كانت فوضي بطريقه مرعبه ، لدرجة ان مش ليام بس اللي صحي يزعق فيهم..
لورا : في ايه ع الصبح!
كلهم سكتوا اول م زعقت فيهم و بصولها باستغراب كده
نايل : حلوين القططين دول
انتبهت لورا انها عامله قططين ف شعرها و متنعكشين ف غمضت عينها كده بتحاول تمسك اعصابها
لورا : ايه الفوضي و الكركبه دي؟
حسام : اصل لوي كان بيحاول يعمل فطار
لورا رفعت حاجبها : كل ده عشان لوي كان بيعمل الفطار!
محمد : ده مطلعش فطار ، ده خلص الاكل اللي جيبناه للطبخ كله عشان كل م تبوظ منه حاجه يرميها و يعمل غيرها
لورا : ؤحا؟ خلص الاكل كله! انا صارفه فلوسي كلها امبارح ع الاكل ده!
لورا كانت متعصبه بطريقه غبيه ، عشان هي مش شخص لطيف ف الصبح ابداً هه
اوليڤر : ملافظك يحبيبتي معانا ناس اغراب هنا هه
لورا : هو ده وقته! فين لوي؟
لوي : انا هنا
لورا بصتله و هي ناويه انها هتنزل فيه تهزيق و مش هيهمها مين واقف و مين مش واقف ، بس هي اول م شافت ملامحه كده سكتت و إبتسمت إبتسامه خفيفه و كل العصبيه اختفت
لورا : أهم حاجه إنتَ كويس ولا اذيت نفسك جوا؟
لوي : لا أنا كويس
لورا : طيب الحمدلله ، أنا هنزل أجيب الفطار أنا و حسام خليكوا هنا
و فعلاً لورا أخدت حسام و نزلوا سوا..
هاري : هي كويسه؟؟
محمد كان قاعد مبتسم عشان فاهم اللي حصل ف حين إن كلهم واقفين مصدومين
احمد : انا قايم اذاكر
و دخل احمد اوضته المشتركه مع لوي
و بعدين كلهم قعدوا ف اوضة الجلوس بيحكوا سوا و العيال بيشرحولهم اوضاع الفاندوم العربي عامة ، و ازاي هما بيعملوا كل البروجيكتس سوا ، و انهم هنا ف مصر مترابطين مع ناس تاني ف ليبيا زي هاف و ناس من سوريا و العراق و بلاد عربيه كتير اوي..
هافرس : أنا مش عارف حاجات كتير هنا ، رغم اني دورت كتير بس إنك تشوف ف تليفونك او تسمع عنها غير اما تشوفها علي حقيقتها ، مصر أجمل علي الحقيقه فعلاً ، أجمل بكثير عن اللي بيتكتب عنها و الصور اللي كنت بشوفها
أوليڤر : خليك عايش هنا بقا ، مترجعش ليبيا تاني
هافرس : هيحصل يا صديقي متقلقش
محمد : تتفرجوا علي فيفتي شيدز؟
أوليڤر : الحمدلله لورا نزلت ، موافق
أنت تقرأ
مصر أم الدنيا |1D| (مُكتَملة✔)
Fanficتتلاقي الأرواح في السماء أو في العالم الموازي و تتجمع الأصوات حينما تشرق الشمس و يختفي القمر، و لكن أرواحنا ستتجمع في مكان غريب مكان فريد و عجيب ستتجمع أرواحنا و تتلاقي أعيننا في مصر أم الدنيا ! عزيزي الدايركشنر لو متعرفش إن الدايركشنرز العرب أجمد ن...
