مصر أم الدنيا |1D| (مُكتَملة✔)

10-قطر قطور

المفروض إن الفانز هما اللي بيسافروا يروحوا كونسيرت للأيدول بتاعهم مثلا و يقعدوا هناك شويه و يستكشفوا المكان..

لكن إن الأيدولز يكونوا ف بلدك اللي مكنتش تحلم إنهم ممكن يكتشفوا انها علي الخريطه أصلاً ، لا و إيه! عاوزينك كمان تاخدهم إنتَ تلف معاهم و تعرفهم علي بلدك شبر شبر كأنكَ مرشد سياحي جاي معاهم من برا..

إنتَ كَـ شخص مصري عايش وسط حواري مصر و شوارعها من ساعة م اتولدت و قابلت ناس من صحابك السوشيال اللي مشتركين معاك تقريباً ف كل إهتماماتك و بيشجعوك علي فعل أي حاجه بتحبها ، هل أعصابك هتستحمل كل ده ، ولا هتنهار؟

بس طبعاً رجالتنا متنهارش أبداً ف أي ظرف و هاڤ عشان كان بيتعامل مع مصريين من الفاندوم أكتر م بيتعامل مع شعب ليبيا و الناس اللي حواليه و كان مختلط بالفاندوم أكتر و يعرف ناس مصريين أكتر من الليبيين ف كان واخد تقريباً نفس الطابع المصري الجميل و كان بيحب المصريين جداً و هما كمان بيحبوه هو و شعب ليبيا..

الشباب كانوا واقفين قدام الفندق مع الحراس و بول و مستنيين البويز لحد م ينزلوا

الأول لوي نزل و هو شغال بيشتم فيهم و شعره مكانش مظبوط نهائياً!

بول : إنتَ نازل بشعرك كده ليه؟

لوي : ايه هو ده ، اومال انزل منغيره يعني!

بول : يابني منعكش!

لوي : مش مهم

بعدين نزل ليام و معاه هاري

ليام : اطلع سرح شعرك نايل لسه مطول فوق

لوي : يابن الكلب يا نايل! هيخلص اكل الطريق كله

و لوي طلع يجري عشان يلحق اللي هيفضل من الأكل

احمد : القطر الساعه 11 و دلوقتي إلا تلت هنتأخر كده!

محمد : لا متقلقش مبيجيش ف معاده بالظبط هنلحق ان شاء الله

بعد دقيقتين كان زين و لوي نازلين مع بعض و لوي ماسك شنطه كبيره مليانه كياس

بول : ايه كل دي؟

لوي : فيها الأكل

ف نفس اللحظه نزل نايل من وراه و خطف الشنطه و جري بيها

لوي : ولا! خد هنا يلا ، رجع الشنطه دي بقولك

فضلوا يجروا ورا بعض بتاع خمس دقايق كده بعدين بول لمهم كلهم و ركبوا العربيه الكبيره بتاعت البويز و مع ذلك خلوا نايل يقعد علي رجل هاري عشان المكان مكفاش 10 اشخاص..

بول كان معاهم ورا و احمد كان قاعد جنب السواق عشان يوصفله الطريق و ميتوهوش..

وصلوا محطة القطر و حسام تبرع انه هينزل يجيب التذاكر..

بعد ربع ساعه كانوا ف القطر الVIP طبعاً عشان البويز

نايل : هنركب القطر القطور!