مصر أم الدنيا |1D| (مُكتَملة✔)

18-العد التنازلي

لورا : حسام معلش صحي الشباب عشان نلحق قطر الساعه 9 بسرعه

فضلت تلف حوالين نفسها و هي بتلملم كل حاجه و مورا نفس الوضع ..

جمعت كل حاجه البويز اشتروها و اي حاجه خاصه بيهم معرفوش يدخلوها ف الشنط امبارح ، حطتهم كلهم ف شنطه كبيره ، متمليتش اوي بس هي قالت تاخد الكبيره احتياطي عشان لو اشتروا حاجات كمان من القاهره..

هافرس : صباح الخير

مورا و لورا : صباح النور

بعد نص ساعه كانوا كلهم صاحيين و واقفين قدام الاستقبال ف الفندق عشان يحاسبوا و يمشوا يلحقوا القطر..

--

القطر من اسكندريه للقاهره اخد ساعتين ، لحقوه بأعجوبه ..

طول الوقت لورا بتخطط مع صحابها و بيتناقشوا ف اللي هيحصل يوم الإيڤينت ..

البويز مكانوش فاهمين أي حاجه ، بس كانوا شاكين ف الموضوع طبعاً..

وصلوا للقاهره و الشباب ودعوهم كلهم و روحوا كل واحد علي بيته و مورا و لورا قرروا يقعدوا ف الفندق مع البويز ، و اتفقوا هيتجمعوا بعد الضهر قدام الفندق ..

--

لورا و مورا اخدوا اوضة جنب الجناح بتاع البويز ، دخلوا و قرروا يرتاحوا شويه قبل م يخرجوا تاني بعد الضهر..

بعد تلت ساعات كان باب اوضتهم بيخبط ، مورا صحيت ف حين لورا محستش بحاجه اصلا ولا اتهز جفنها حتي..

مورا : مساء الخير يا لوي ، خير؟

لوي مردش عليها و دخل منغير ولا احم ولا دستور ..

هي بصتله باستغراب و هو داخل المطبخ و بيفتح التلاجه و بيدور علي اي حاجه تتاكل!

مورا : لو جعان هصحي لورا و نعمل اكل كلنا

لوي : شششش هأكل نفسي

مورا : وه! طب م تأكل نفسك ف اوضتك ولا هي وقاحه و خلاص

لوي : نايل خلص علي الاكل اول م وصلنا و ملقيتش حاجه تتاكل هناك

مورا : طب بالراحه طيب هتكسر الضرفه! بص في سنويتشات جبنه ف الكيس اللي علي جنب ده

لوي لف و بصلها بقرف كده : جبنه؟ ليه شايفاني باكل طفاسه؟ بقولك جعان!

مورا : لحد م اعملك حاجه تاكلها طيب

لوي اخد السندويتشات بعصبيه و طلع قعد ف الصاله و هو بياكل ..

مورا إبتسمت : كيتين قاعد علي الكنبه!

لوي : بس يا بت

مورا : سكت اهو ، اعملك ايه؟

لوي : بتعرفي تعملي بيتزا ولا هتسمميني؟