–عند نايل–
بنت: أي م تحاسب ياعم
نايل: ينهاار انا اسف بأمانه م كان قصدي
البنت تنحت كده فجأه و بصتله كويس و فجأه مدت ايدها شدت شعرها و خبطت بايديها علي خده
نايل: هو حضرتك كويسه؟
البنت: نايل!
و قامت نطت عليه حضنته او فعصته
نايل: طيب براحه طيب ده انا هموت م الجوع
البنت: انا اسمي مريم اتفضل معايا سنيكرز
نايل: بالله! هاتي بسرعه العيال دول بصينلي ف اللقمه اللي باكلها
مريم: ولا يهمك يا لطيف اتفضل
نايل خد السنيكرز و اتربع بيها ع الارض و قعد ياكل زي العيل الصغير
مريم قعدت تتفرج عليه و اللي معدي بيبصلهم كأنهم من المريخ
مريم: متتحركش من هنا لحسن تتوه شكلك لوحدك هروح اجيب اكل تاني و اجيلك
نايل: حاضر * طبعاً هو ولا مركز ولا بتاع هو ملهي ف الشوكليت بتاعته هه *
مريم راحت و هي بتتنطط و فرحانه جدا و خدت شوكليت تاني و شوية سناكس من دوريتوس و شيبسي و بسكوت و كورن فليكس بالشيكولاته و دفعت تمنهم و رجعت لنايل و ملقتهوش مكانه!
مريم: كنت عارفه انه هيقوم يدور علي اكل تاني!
مريم قعدت تلفلف خمس دقايق لحد م لقيته واقف بيحاول ياخد علبة نوتيلا من رف بعيد شويه
مريم: نايل! مش قولتلك متتحركش من مكانك؟
نايل: آسف * بعيون بريئه *
مريم ابتسمت زي الهبله طبعاً و شدت خده زي الاطفال و نادت علي العامل يجيبلها علبة النوتيلا
مريم: اتفضل
اديتله الكيس اللي هي جابته و فيه علبة النوتيلا بعد م دفعت تمنها..
نايل: كل ده؟
مريم: ااه انا عارفه انك بتجوع بسرعه
نايل خدوده حمرت بسرعه و هي ضحكت عليه
نايل: ممكن توصليني لباب المول عشان بول هيكون هناك مستنيني اكيد و هيعاقبني و ممكن ياخد مني الكيس * بصلها ببراءه تاني و هي تكه و هتاكله من كمية اللطافه *
مريم: طبعا تعالي معايا يلا
مريم مشيت و نايل وراها لحد م وصلوا لباب المول و لقوا بول و هاري واقفين هناك و هي راحتلهم مع نايل
مريم: هازا!
هاري بص حواليه باستغراب و لما ملقاش حد غيره هو و نايل و بول واقفين بصلها: انا؟
مريم: ايوه طبعا! شعرك طول اوي عن اخر مره!
هاري ابتسم بغباء كده و لعب ف شعره: شكراً
مريم: طيب انا مضطره امشي عشان سيبت ماما و اكيد بتدور عليا دلوقتي ، بول ياريت متاخدش الكيس من نايل عشان هو جعان
مريم قرصت خد نايل تاني و لعبت ف شعر هاري بوظتهوله و بعدين ابتسمت بهبل و مشيت بسرعه
بول: هنتكلم ف موضوع الكيس ده بعدين اتفضل اقعد لحد م البهوات الباقيين يرجعوا..
—عند ليام–
ليام ف سره: كتب كتب كتب فين الاقي الكتب اممم كتب كتب كتب كتب كتب كتب
البنت: ايه يابني م تحاسب هتخبط ف الرف
ليام: معلش انا اسف
ليام كان لسه هيكمل مشي و بيردد نفس الكلمه ف سره
البنت: لو سمحت! هو حضرتك تايه ولا بتدور علي ايه؟
ليام: بدور علي الكتب
البنت: رف الكتب قدام اهو
ليام: شكراً
البنت كانت لسه هتمشي بس ليام لف بوشه و كان محرج منها بس اهو نطق
ليام: احم معلش ممكن تيجي معايا عشان انا معرفش حاجه هنا و ممكن اوقع حاجه و كده
البنت لفت تاني بعد م كانت اديتله ضهرها و هنا هي فتحت عنيها و قعدت تدعك فيهم بسرعه و تفتحهم تاني اكتر
البنت: ليام!!!
ليام: دايركشنر؟
البنت: اكيد! بس انت امتي نزلت مصر انا يادوبي متفقده حسابك علي انستاجرام و كان موقعك زي م هو
ليام: اصلنا مش عاوزين نلفت الانتباه عشان احنا نازلين زي ترفيه و كده و مكناش عاوزين تجمعات كتيره بس كده كده هتعرفوا اننا نزلنا
البنت: المهم انكوا هنا اومال فين الباقي؟
ليام: المفروض مع بول عند الباب بس انا الكتاب اللي جبته معايا خلص مني ف الطياره ف قولت اجيب حاجات جديده ممكن تساعديني اختار حاجه حلوه؟
البنت: اكيد في كتب خيال علمي حلوه جداً
ليام: بالمناسبه انتي اسمك ايه؟
البنت: اسمي منه
ليام: اسمك جميل
منه: ميرسي يا ليام اتفضل الكتاب ده جميل
ليام: شكراً جداً بجد بس معلش انا هرخم عليكي ممكن توصليني لباب المول او المدخل عشان شكلي توهت
منه: مفيش مشكله تعالي
منه مشيت و ليام وراها و وصلوا عند الباب و لقوا هاري و بول و نايل قاعدين و بول بص للكتاب اللي مع ليام و بعدين بص لليام بحده و ليام ابتسم بسخف
منه: هاري و نايل و ليام ف يوم واحد؟ انا شكل حد دعالي قبل م انزل!
و اتصورت منه مع البويز و ودعتهم و مشيت..
~~
أنت تقرأ
مصر أم الدنيا |1D| (مُكتَملة✔)
Fiksi Penggemarتتلاقي الأرواح في السماء أو في العالم الموازي و تتجمع الأصوات حينما تشرق الشمس و يختفي القمر، و لكن أرواحنا ستتجمع في مكان غريب مكان فريد و عجيب ستتجمع أرواحنا و تتلاقي أعيننا في مصر أم الدنيا ! عزيزي الدايركشنر لو متعرفش إن الدايركشنرز العرب أجمد ن...
