الساعه كانت داخله علي 12 الظهر لما كلهم نزلوا و وقفوا علي المحطه مش عارفين يتحركوا لأن محدش فيهم يعرف المكان هنا..
حسام : هنعمل ايه دلوقتي؟
محمد : هتصل بلورا و يارب يكون التليفون معاها هي عشان تيجي تاخدنا من هنا
و فعلاً محمد رن عليها
رنه ، اتنين ، تلاته و اربعه
"ولا حبيب ماما ولا أعرفك أصلاً أنا اتبريت منك خلاص"
"إنتِ ف البيت؟"
"ايوه ليه؟"
"طيب تعرفي تيجي عند محطة القطر؟"
"ايه ده اشمعنا؟"
"تعالي بس و لما توصلي رني عليا"
"طيب اديني نصايه كده و هكون عندك لو عرفت انزل اصلا من السجن ده"
"ماشي تيجي بالسلامه"
"ميرسي باي"
"باي ياما"
هاري : هي مامتك هنا مش ف القاهره؟
محمد ضحك بعدين هز راسه كده
كلهم فضلوا مكانهم علي الرصيف بيحكوا سوا و يرتبوا ممكن يعملوا ايه و ردة فعل لورا لما تيجي هتبقا ايه و هكذا لحد م تليفون محمد رن
"وصلتي؟"
"ايوه اعمل ايه بقا؟"
"طيب انا هنا و معايا احمد و حسام و اوليڤر و هافرس ، اجيلك ازاي؟"
محمد فضل فتره مستني رد منها لحد م افتكر انها قفلت!
"لورا! "
"محمد لعب العيال ده انا مبحبهوش انجز قول خليتني اجي للمحطه ليه؟"
"طيب لو بني ادم واقف علي الرصيف بتاع محطة القطر و عاوز يوصل للمكان اللي انتِ واقفه فيه يمشي ازاي؟"
محمد كان بيسأل و هو عارف انها غبيه و هترد بكل براءه عليه ، هه و توقعه طلع صح
"لو واقف و وشه للسكه الحديد يبقا هيلاقي سلم علي ايده الشمال ده لو هو من ناحية السوق.. لو م الناحيه التانيه يبقا السلم علي ايده اليمين ، هيطلع السلم و يمشي علي يمينه لحد م يوصل لسلم تاني هينزله و يطلع م السور بتاع السوق خالص هيلاقي ف وشه كنيسه انا واقفه جنبها بظبط"
"حلو خليكي مكانك بقا خمس دقايق"
و قفل محمد معاها و قعد يضحك
اوليڤر : خير؟
محمد : مشوفتش ف غباء لورا حقيقي
هافرس : إنتَ هتقولي ده انا عارفها اكتر م هي تعرف نفسها
محمد : يضحك ، المهم يلا بينا همشي علي حسب م وصفتلي و ان شاء الله نلاقيها
البويز كانوا لسه هيتحركوا ف احمد ادرك اللي ممكن يحصل بعدها بدقيقه
أنت تقرأ
مصر أم الدنيا |1D| (مُكتَملة✔)
Fanficتتلاقي الأرواح في السماء أو في العالم الموازي و تتجمع الأصوات حينما تشرق الشمس و يختفي القمر، و لكن أرواحنا ستتجمع في مكان غريب مكان فريد و عجيب ستتجمع أرواحنا و تتلاقي أعيننا في مصر أم الدنيا ! عزيزي الدايركشنر لو متعرفش إن الدايركشنرز العرب أجمد ن...
