طبعاً كله بيسأل ايه اللي حصل بعد م مورا روحت مع لورا و هاف للفندق ، و ازاي دخلوها منغير م تعرف ان البويز معاهم ؟
ف الحقيقه هي عرفت ، و ردة الفعل بتاعتها مكانتش لطيفه..
--
لورا : عندي ليكي مفاجأه جوا ، بس اوعديني مش هتتصرفي بتهور!
مورا : هي المفاجأه جميله للدرجه دي؟
لورا : بصراحه بصراحه بصراحه كده ااه أجمل من أي حاجه ممكن تتخيليها ، بس أوعديني برضو انك مش هتتصرفي بتهور
مورا : خلاص حاضر مش عتصرف بتهور
لورا : شطوره ، يلا تعالي
و فتحت لورا باب الأوضه و دخلت و وراها هاف و بعدين دخلت مورا
و ف نفس الوقت نايل كان طالع من المطبخ و ف ايده علبة آيس كريم كبيره و كان ماشي عادي و لمح مورا راح مبتسم و شاورلها ب ايده و كمل طريقه عادي
مورا : هي دي المفاجأه؟ مجسمات للبويز ماشيه تتحرك ف البيت؟
هافرس : مجسمات ايه؟ دول البويز فعلاً
لورا : مورا إهدي كده و قولي باسم الصليب و خشي اوضة الجلوس
مورا : باسم الصليب! انتي بتهزري!
لورا : تعالي بس هفهمك انا
مورا سابتها و دخلت اوضة الجلوس و لقيت البويز قاعدين مع الشباب بيضحكوا و قدامهم برنامج الكاميرا الخفيه ع التليفزيون
مورا : لا حول الله يارب! هو انا بدأت اهلوس امتي!
نايل : إنتِ مين بقا؟ أكيد صاحبة لورا صح؟
مورا : ولدي!
و نطت مورا عليه فطسته و نزلت فيه بوس ولا كأنه عيل صغنن ، و الواد ياعيني مش قادر ياخد نفسه ولا عارف يبعدها
مورا : أنا أمك يواد ، ده انت طلعت حقيقي بجد!
نايل : طيب ابنك عاوز يتنفس!
مورا بعدت عنه أخيراً و شدت خدوده جامد و هو خلاص تكه و هيعيط..
لورا : براحه يحبيبي مش هيطيروا هما
مورا : مش جادر! لورا دي بجد بجد أجمل مفاجأه!
محمد : مساء الأنوار!
مورا : قطونيل شعللها نار!
لورا : شكلها بدأت تنسجم
هافرس : ماهو واضح ، بس غريبه مغتصبتش هاري زي م كنا مخمنين!
لورا : لسه دوره جاي ، اصبر علي رزقك هه
و فجأه مورا أدركت إن باقي البويز فعلاً موجودين حواليها و راحت لليام الأول
مورا : ليام ولدي! وحشتنا بالله
و نطت عليه حضنته زي نايل بظبط.
أنت تقرأ
مصر أم الدنيا |1D| (مُكتَملة✔)
Fanficتتلاقي الأرواح في السماء أو في العالم الموازي و تتجمع الأصوات حينما تشرق الشمس و يختفي القمر، و لكن أرواحنا ستتجمع في مكان غريب مكان فريد و عجيب ستتجمع أرواحنا و تتلاقي أعيننا في مصر أم الدنيا ! عزيزي الدايركشنر لو متعرفش إن الدايركشنرز العرب أجمد ن...
