لورا : مرتاحين كده؟ اصريتوا تدفعوا تمن التذكره و اللي هو أمانه غير طبيعيه يولا ..
حسام : مهو مكانش ينفع نركب منغير م ندفع
لورا : يابني انا بركب و مبتنيلش ادفع حاجه!
اوليڤر : م خلاص بقا ، مكانوش تلاتين جنيه يعني
لورا : بقا كده ، طب الرحله النيليه علي حسابكوا ها
محمد : رحله نيليه؟ عاوزه تخلصي منا ياما!
لورا : لا انت حبيب ماما
محمد : حبيبتي ياما
هاري : انا مازلت مش مستوعب انتِ ازاي مامته؟
لورا : يابني انت بتستعبط! مامته ازاي يعني و هو اكبر مني بتلت سنين؟
هاري : هو اكبر منك كمان؟
لورا : يادي النيله عليا ، ااه يا هاري محمد اكبر مني و بعدين مامته ازاي يعني فهمني ! بعيداً عن اختلاف السن ، إختلاف الأديان مشدش انتباهك لحاجه خالص؟
هاري : بصراحه كده انا مخدتش بالي اصلا
لورا : لا يحبيبي ربنا يحفظك يعني بجد هه
محمد كان شغال بيضحك.
هاري : بس برضو مفهمتينيش ليه بيناديكي ماما؟
لورا : دي لعبه ، مش هو بس اللي بقوله ابني و حبيب ماما ، حسام نفس الكلام ، هاف صديقي ف مينفعش اقوله ابني ، اوليڤر عكس اللعبه و بقيت انا بنته ، و احمد ميعرفش احنا بنتكلم عن ايه اصلا
هاري : ايه الفاندوم المعقد ده!
مورا قامت مسكت دراعه كده و اتشعلقت فيه زي القرد : معلش يروحي خليك معايا و عقلك هيفضل ف مكانه
لوي : اهو انتِ بالذات لو قعد معاكي عقله هيفرقع
مورا : بس ياض لحسن هاجي انعكشلك شعرك ده!
لوي : بت! أنا ماسك نفسي بالعافيه و عاملك احترام اتلمي بقا
مورا : وه ده صوته هيعلي عليا كمان!
و لسه هيمسكوا ف خناق بعض قام احمد ساحب لوي و لورا سحبت مورا و كملوا طريقهم وسط النظرات الحاده بين لوي و مورا هه
نايل : احنا رايحين فين دلوقتي؟ بقالنا نص ساعه بنمشي و انا تعبت
لورا : هنروح ناخد رحله نيليه بالمركب
نايل : رحله نيليه بالمركوب!
محمد : ايه؟
اوليڤر : اهو انا اللي هديك بالمركوب علي دماغك لو مبطلتش تحرف الكلمات بالشكل ده!
لورا : خلاص يشباب حصلخير كتكوت صغنن لطيف
نايل : هو ايه المركوب ده اللي هتديني بيه علي دماغي؟
أنت تقرأ
مصر أم الدنيا |1D| (مُكتَملة✔)
Fanfictionتتلاقي الأرواح في السماء أو في العالم الموازي و تتجمع الأصوات حينما تشرق الشمس و يختفي القمر، و لكن أرواحنا ستتجمع في مكان غريب مكان فريد و عجيب ستتجمع أرواحنا و تتلاقي أعيننا في مصر أم الدنيا ! عزيزي الدايركشنر لو متعرفش إن الدايركشنرز العرب أجمد ن...
