قصة تتحدث عن فتاة يتيمه تعيش معاناة هي وعائلتها بسبب فقدان الاب وتبقى العائله تحت رحمة بيت الاجداد وتعاني من الحرمان والمذلة وقسوة من يسمون انفسهم نحن نكفل اليتيم هل ستستمر المعاناة ام هناك بصيص امل يغير مجرى حياتهم.
~~~~~~~~~~~~~~~~~~~~~~~~~~~~
يتيمه وجبروت البشر
#بقلم الكاتبه ام فرح
الحياة محطات ولانعلم في اي محطه نقف........
كيف نواجه المأسي.......
كيف نستمر......
كيف نرفع من شأن أنفسنا لنصبح اقوياء لاتكسرنا الظروف والأحزان بل
#نتحدى
#نواجه
#نقف بكل شموخ كالجبال............
مشهد
المكان بغداد
الوقت تقريبا 12الظهر من شهر السابع تحديدا والدنيا حارة واني مخليه حنه واريد اغسل شعري وهو طويل وحايرةكلت اخفف من الحنه اول يالله اسبح. طلعت للگراج عدنا حوض وبي حنفيه (عبارة عن مربع صغير داخله صب او كاشي وبي حنفيه) قبل موجود باغلب البيوت القديمه.
شكلت الصونده بالحنفيه وفتحت المي وحنيت راسي للامام وسترسل شعري التمري الطويل للاسفل واني اباوع عليه وريحة الحنه
ترست خشمي!!
لميت دشداشتي من نهايته خاف تتبلل أطرفه وخليت الصوندة فوك راسي ونزل المي على شعري وبديت اغسله اشويه اشويه..........
كملت غسل لفيته بالمنشفه الي مخليته ع ركبتي واندكت الباب الخارجي................ صحت منو اني ماما فتحي الباب فتحته ودخلت الوالدة وبيده علاليك المسواك وهي تعبانه وتلهث لان حارة كالت ليش ياامي غسلتي شعرج اهنا!! حتى لوالجو حار.
جاوبته ماما مو هو طويل وتعبني بالحمام كلت اهنا احسن اخفف منه الحنه وبعده اسبح يالله ياامي فوتي سبحي واني راح ادخل اعزل المسواك.
بهل اثناء اندك الباب كالت امي منو جاوب اني:
فتحت ماما الباب وسلم عليه رجال شايفته قبل بس مااذكر منو.
سلم عليه وردت السلام كالتله اتفضل كال لا عندي دوام ومستعجل بس اجاني اتصال اخصكم!!!
ابنج بالمستشفى؟
يمممه حساااام يمه وليدي ولطمت ع وجه واني صحت شنووو اشبي أخويه........................ اسم الله الرحمن لاياااربي كلشي ولا أخويه بس هل واااحد...
بعده الرجال واكف ودخل جدو وخالو بسرعه سلمو وهو اترخص واحنا طبينا وراهم للبيت نبجي انشوفهم دخلو غرفة بيبي ونسمع بس التبسبس.
امي كالت انطيني عباتي بسرعه وجواريب اروح اشوف اشبي اروح وياج ما عوفج...
بنفس اللحظه اجت خالتي دخلت الغرفة بيبي وبعده طلعت طايرة واشويه ورجعت لابسة اسود!!!!!
وبيبي هم طلعت من الغرفه لابسه اسود.!!
احنا ظلينا وحدة اتباوع ع ثانيه امي صاحت مااتت ماااااات مو.
ع صوت اجه جدو صاح ماكو شي يالله خل نطلع ورانا طريق طلعنا وباب البيت بعدنا وانشوف جيرانه صديقةبيبي ام غايب هي وابن اخوه كالت اروح وياكم بس نظراتهم النه اني وماما غريبه وبيه إشارات.....
حبايبي ومتابعيتي الاعزاء.....
هاي روايتي أتمنى ان تنال اعجابكم....
الكاتبه ام فرح
استودعكم الله
أنت تقرأ
يتيمه وجبروت البشر
ChickLitقصه تتحدث عن فتاة يتيمه تعيش معاناة هي وعائلتها بسبب فقدان الاب وتبقى العائله تحت رحمة بيت الاجداد وتعاني من الحرمان والمذلة وقسوة من يسمون انفسهم نحن نكفل اليتيم هل ستستمر المعاناة ام هناك بصيص امل يغير مجرى حياتهم
