يتيمه وجبروت البشر

البارت الثامن عشر

مساء الخير والسعادة والعافية عليكم......
وكل عام وانتم بخير وصحه.....
اشلونكم متابعيني العسل......

اخواتي والله زوجي مصاب بكورونا وتعبان حيييل
الي اتريد اصدك او مصدك براحته محد بهذا الوقت احب يتمرض او يدعي المرض وقبله بنتي افلاونزا الله شاهد صارله اكثر من شهرين اطباءوعلاج ومتحسنت الگحه ابد مفاركته وبنهايه هي قصه مر وقت ع احداثه عيب التجاوز اني مجاوزة ع وحدة بيكم اعرفكم معرفه شخصيه الكلمه الطيبه صدقه اذا اني فارغه وماعندي ظروف ليش مااكتب ونزل بارت الي يختفي ويتأخر عليكم غير اكو اسباب...

هاي الخاطر المتابعات المحترمات كتبت البارت واني عندي مريضين اداريهم الي تعليقاتهم
دليل ع ثقافتهم والي طلبوا توقعات للمستقبل مناسيتكم انزللكم توقعات واني بارتين بعد واختمه للقصه واذا اكو اخطاء بالكتابه عذروني لان مراجعت البارت......

وبالنهايه اتمنالك صحه وعافيه....

بيبي فزت من الصوت وركضت وتسأل شكو اشبيج احجي رن جهاز ماما بهل لحظه خالو حسان جاوبت بجمله وحدة اي يمنا ومنعرف اشبيه بس تبجي وتعيط....

هااا الله يلطف عنه وسدته....

ركضنا ع امي شكو يوووم مو تعبنا نسأل ومحد اجاوب....

ابو علي زوج خالتج متكهرب بكيبل الكهرباء كيبل الضغط العالي....

وحالته خطرة عباتي وفلوس بسرعه جيبلي..

امي ع سريع لبست وحضرت عبايته واحناملتمين ع خالتي بيبي تنشر بوجه والمبايلات اترن جهاز ماما وخالتي اندك الباب خالو وزوجته.....

حسان /سلام عليكم ماكوو شي عدت سلامات
ناقلي الشباب للمستشفى وهسه كومي اخذج
وشوفي بعينج.....

كامت خالتي بلا صوت ولاكلمه حجت احنا طلعنا وحدة اتباوع ع ثانيه...

امي كلتله بيج شي شووو متحجين...

هزت راسه بمعنى ماكوو شي وطلعوا للمغرب
رجعوا بس خالتي مو وياهم اتلگيناهم نسأل بيبي كالت الحمدلله احسن وطلعوا للبيت يرتاح...

بس الرجال متأذي حييل ساعه ارتاح واروحلهم اظل يمهم.....

حضرو الاكل بين ماصلي.....

حضرنا الاكل وبعده بساعه اكثر كلنا رحنا انشوفه ونتحمدله السلامه...

وصلنا بيتهم مليان ناس سلمنا وانسحبنا اني
وراء للمطبخ انشوف علياء لگيناه اتحضر جاي
ساعدناه....

سألته منو هذوله الناس؟؟؟؟؟

عماتي وعمامي وولدهم....

ماشالله عددهم هوايه....

اي مو جدو مزوج اثنين واكثر شي خلف ولد
وهمه من النوع اصغار ويزوجون....

اعرف مزوج اثنين بس الشوف مو مثل الحجي....