البارت قليل لان الخلل لحد هسه مصار ورغم وديته للحاسبه....
#يتيمه وجبروت البشر
#بقلم ام فرح
يبو طول الحلو
ماكو على كد طولك نعش
بقلم ام فرح
فزيت شي بارد بوجهي طلع مي ارشون عليه لان فاقده..
وصوت قوي وعالي عرفته هذا صوت بيبي ام حازم...
طفرت ادور ع امي شفته واكفه يم السديه ونايمه علي صدر حسام وحاضنته واحسه اتريد اضمه بكلبه وروحه.....
اتقربت عليه يوم يوم فاقده منهاره متحس علينا عفته تشبع من عنده......
الصار كأنوحلم ممستوعبين الصار رجعت ابجي واشهك وعمو حازم وعمتي وزوجه وابنه وناس اقاربنا ماعرفهم الرهة انترست.....
كله تبجي واصيح حساااام.....
مرت اكثر من الساعه لو اشكد الوقت ماادري سمعتهم كالو يالله خلصت اجراءات المستشفى وراح ناخذه انغسله....
هاي الكلمه كفيله اتخبلني واتخبل امي ملخنا نفسنا فقدنا سحبونه كوة من عندة واخذو وراحو للمغسيل وامي راحت وياهم واني رجعت للبيت....
وي بيبياتي مقبلو عمامي وجدو يرحن لان تعبانات وبيبؤ ام حازم بعده مريضه ورجعنا (خالين مختلين لاولد ولا سند ظل عدنا)......
هناك لحظة وداع ليس لها عودة....
دخلنا للبيت وحوراء وغدير حالهن مو اقل من حالنا هن ساعات هشكل غيرن ملامحن وگلبن حالن عبالك صار اسبوع على وفاته الشعر ملخاته والوجه مورم والعيون حمرة......
ركضت عليه وحضنته وبجينا المانهد حيلنا وحدنا سكتنه......
وغديرمثل المخبله لازمته عمته وحمواته.......
نسوان وجهال ما اعرف اميز بينهم احد لان بالي مشوش ممصدكه احس هذا گله حلم وهسه أصحى منه اي اي اني حلمت بي ياربي كون يطلع حلممممم واركض ع جهاز امي اتصل ع حسام....
اذكرت امي اشلون حاله راحت وياهم للمغتسل........
مر الوقت وكالو جابو اجت الجنازة حسام صارجنازة اول مااجرد من اسمه يعني شنو ماكو بعد حسام.....
ركضت للكراج واشوفهم شايلين التابوت ودخلو للاستقبال وطلعو كل الرياجيل كالو عوفو الاستقبال للنسوان وامه وخواته وبيبياته خل اشبعن منه.....
وامي نزعت الحجاب وكطعت شعره وتنعي وتلطم وتهوس اتهسترت والنسوان ملتمات عليه وكلهن يبجن على بجينه لان كلهن احبن امي كله اصيح حسام موبس ابنج حسام ابنه وانتي اختنه المات ابن اختنه وصوت الصياح عالي وخيم الحزن علينا من هاي اللحظه......
حوراء وغدير موتن نفسهن ورادن ابوسنه وشمنه وحضننه بس مخلوهن كالو ميصير لان غسلوا...
العالم كله التمت واصيح حسام ياحسام امهات أصدقائه الي ويا بالمنطقه وهمه نفسهم ويا بالمدرسه اجن اركضن ممصدكات واصدقائة برااا وواحد منهم كالو متخبل وفاقد وناقلي للمستشفى......
وهسه واكف بالباب متحضر اريد اروح للدفنه.....
وصار..الوداع.. الوداع.. الوداع..
وشالو التابوت وبالگوة طلعو من البيت مجلبين بي وامي لبست حجابه وعبايته امي رغم مصيبته ملتزمه ومتنسى الحجاب وركضت وركضنا وراه طلعت حافيه وبس حجاب
مشمور ع راسي وحوراء وغدير ورايه....
مااشوف شي بس عيني ع تابوت لان ديشدون بي ع سيارة...
واحجي بكلبي لان حلكي يبس اشلون اتخمل افراكه اشلون بعد منشوفه.....
سمعت صوت مهيمن يحجي ويا غدير التفتت خطف شفته واكف يمه ولازمه من اكتافه اهدي بيه وهي مثل الجمر المشعول....
اسمع بيبي ام حازم تحجي ويا حوراء لابعدج صغيرة اخاف عليج اطبين للمقبرة وتبوس بيه تعالي يمي اني مااروح مريضه مااكدر منو يهتم بيا وانتي بنيتي اظلين يمي....
اتقنع بيه حتى ماتعرف شنو تحجي هلكد مامقهورة على حسام وهي مريضه وهو بالنسبه اله نسخت بابا وريحته الي تحبه وبعد ماتكدر تشتم هل ريحه....
اسمع واشوف لكن ما اكدرانطق احس حلكي انشل لان هاي الدقايق الاخيرة التجمعنا وبعده ندفن واشلون نرجع بدونه ذبحتني الافكار ياعالم ياناس اريد استوعب واعرف هذا امر الله بس كلبي شصبرة وعقلي شقنعه ....
اشلون اشلون استوعب !!! امي لازماته النسوان وتصرخ ربي ليش اخذته مو بس هل واحد ماخليته امكان ابوووووو اعوضني عنه....
كملو شد وريتهم لاكملووصعدو بسيارات وعمو وخوالي مخبوصين واسمعهم يتصلون عدفان يعني صارت صدك بعد خلص حسام ماكو ركضت ع امي كتله اروح وياج اخاف عليج وهم اريد اودع حسام....
صعدنا بس غدير مهيمن دخله جوا وحوراء اخذته بيبي وشيعنا تشيع اتكول زفه عريس مو ميت وطلعنا للمقبره.......
محبيت تنتظرون انشر
بارت قصير
ولا انقطع عنكم
قراءه ممتعه
واعتذر بخصوص البارت
اعرف الاحداث تقهر
لتنسوون النجمه وتابعو
حساب الفيس...
أنت تقرأ
يتيمه وجبروت البشر
Chick-Litقصه تتحدث عن فتاة يتيمه تعيش معاناة هي وعائلتها بسبب فقدان الاب وتبقى العائله تحت رحمة بيت الاجداد وتعاني من الحرمان والمذلة وقسوة من يسمون انفسهم نحن نكفل اليتيم هل ستستمر المعاناة ام هناك بصيص امل يغير مجرى حياتهم
