يتيمه وجبروت البشر

البارت الثامن

#يتيمه وجبروت البشر
#بقلم ام فرح

رگضنا وامي اتريد تفتح الباب ايده ترجف المفتاح مسيطر عليه من الرجفه كلنا نرجف دكات كلبنا تعد الف اخذته منه وفتحت الباب ودخلنا والرجفه تمشي بگل جسدنا....

احنا من خبر وفاة الغالي منتحمل صوت عالي رأسا نفقد التوازن واصير وشه باذانه ومنسيطر نوگف...

دخلت امي للهول واحنا وراه وانشوف حمديه اتعد وصف وتعد وادعي علينا...

واكفه ع طوله وصوته العلع واصل للشارع وتتعارك ويا غدير وغدير متلحك اترد عليه كل عشر كلمات اجاوبه بكلمه....

اتريد نفتهم شكووو متنطي مجال وبيبي اصيح عليه اتگله كافي عاد اسكتي انعلي الشيطان إزيد اكثر..

سحبنا غدير وكعدناه اني وحوراء بالكاع....

ام حسام /وصلت قريب البيت والبنات هم قريبات بعدني ممسلمه عليهن واسمع اصياح قوي والصوت صوت حمديه ركضت اريد افتح الباب ماسيطر دخلت واريد افهم شي ماتنطي مجال.....

صحت صوت كافي خل افهم شكووو انطيني مجال اشبيج صوتج عالي ومنا الجيران شگولون علينا يوميه بيتنا مشتعل بالعرك....

انتي شنو تردين بضبط اتهجيجينا من البيت ترا هذا بيت ابويه والي بي حصه يعني كاعده بحصتي عجبج هل شي او لا......

وانداريت ع غدير شكو يوم على شنو اتعارگتو......

غدير/بقهر حجيت يوم لان امسح الكاع وحاجيت جهاله كتلهم جاي امسح لتفوتون إصير اثر بس خل يبس براحتكم وهي اعناد بي ياغرفه امسحه اتفوت بس كتله ليش هشكل مو دشوفيني امسح وهي كامت اصيح وتدعي وتغلط علينا.....

رواء/اشبيج ليش تخلقين مواضيع واكلتينا بكشورنا ع موضوع تافه وشي ميسوا!!!!!!!

شو هاي ثارت مثل القنبله الموقوته
ملخت نفسه وكامت ادعي ع جهاله وروحه وتهدد اروح لهلي ماظل بعد انتو تكرهوني
شنو خدامه عدكم......

ام تحسين/كافي بيبي انفضحنا هسه جدكم ع جيه ومنا الجيران بيبي لعد مشوفيه ادعي علينا وتغلط وحمديه ماسكتت دخلت الغرفته ادردم.....

حوراء/امي حطت إيده الاثنين ع راسه ولزمته وگعدت بالكاع بألربع ساعه وگعدت غدير يمه عفناه ترتاح بدلنا وغسلنا وتوضينا اني ورواء وصلينا.....

رواء/توضيت وصليت ورحت حميت الاكل وحضرت الصينيه النا...

لكيت ماما وغدير ديصلن حطيت الصينيه بالكاع انتظرهن اخلصن واكلنا بدون منحجي كلمه وحده بس صوت الخواشيك ينسمع اكلنا قليل لان منو بعد الاحتفال الصار يشتهي!!!!

خلصنا شلت الصينيه وصبيت جاي ودخل جدو وخالو من المحل واليوم متأخرين برجعه للبيت اسمعهم اسولفون البيبي عن سبب التاخير تأخيرهم لان جايتهم بضاعه وارتبون بيه.....