_ عارف يا إياد أنا كـأسيل مبقتش فهماني يعني أنا ليه بعمل كدة ليه شايفه نفسي أن على طول الناس الناس سيباني وأني محتاجه اهتمام شخص ولو اهتمامو قل أنا بزعل، بقيت أحس أن الحياه لازم تكون معايا، أنا مستحقش كل الوجع دة أنا عايزة أكون أحسن.
أنتِ مش وحشه أنتِ أجمل إنسانه ممكن حد يشوفها، رغم أني مشوفتكيش بعيني بس يمكن شايفك بقلبي، شايف ضحكتك اللي بضحكها معاكي وصوتك اللي بيخليني أغني شايف شخص تاني الناس مش شيفاه شايف مكان مش موجود وعايز أبقى فيه...
" اعترافات ليليه"
مش عايز أكون الإنسان اللي ممكن يأذي مشاعر الناس ولو بجزء صغير حتى ولو بجزء الناس مش طبيعتهم وحشه، الإنسان دايمًا بيحاول أنه يكون أحسن إما في الخير أو الشر، في ناس رغم الشر والسوء اللي جواها ربنا أكرمهم باللين في بعض الأحيان. "إياد"
محبتش أكون جانب السئ لـإياد أخترت أننا نفضل صحاب لأنه حكالي قد إيه الناس مؤذيه بالنسباله وأنه مش قادر يمحي خطاياهم ولا قادر يغفرلهم على اللي حصله منهم، عايزة أكون الجانب اللي مفهوش غير حب وود أكون جانب الهادي، جانب يفتكره طول عمره، منكرش أني حبيته بس كل السُبل مغلقه. " إسراء"
متعودتش أكون دبش مع حد، أنا بس مبعرفش أثق فيهم، بخاف أتفهم غلط، أتفهم أني ضعيفة أو أتفهم أني أنانيه، دايمًا ببقى عايزه الحاجة ليا بس أنا مش مِلك حد. " أسيل"
شوفت في إياد اللي هو مشفهوش في نفسه يمكن كان محتاج أنه يكتشف نفسه من البدايه قبل ما كانت قدراته تبقى زي دلوقتي لكن أنا مؤمن بيه جدًا. "اسلام بادا"
محبتش في إياد غير ضحكته وهزاره ويمكن دماغه اللي شبهي في معظم تفكيرنا وعلى ضحكنا سوا وكأن الدنيا بتكون حلوه واحنا بنتكلم " رمضان"
معرفش ليه قولت حقيقتي ل إياد وأني اسمي اسراء مع أني كنت مخبيه عن الكل، يمكن حسيت فيه أنه مش هيقول ولحد دلوقتي محكاش لحد حاجه "داليا"
معتقدش أن الأيام هتجري واشوف ابني بيكبر يعني حتى لو كبر أنا شيفاه الصغير اللي كان ف حضني، وأنه مستحيل يفارقه، رغم زعيقي ليه إلا أني مليش غيره " إيمان"
كنت فاكر أن القسى والزعيق ممكن يخلوه راجل، بس شوفت فيه أنه عنده شخصيه رغم أني مش حاسسها دلوقتي بس هيبقى أعظم أبن ف الدنيا واتمنى متزعلش مني في يوم " عبد الحميد"
"كُلٌ أبكى على ليلته"
كل الناس حلمت بالحياة المثاليه، وفي ناس بتموت في سبيل تحقيق الحياة اللي نفسهم فيها وفي ناس ماتت من غير ما تحاول وفي ناس نسيت يعني إيه حياة وناس هتموت وهي بتدور على ساعدتها، والجدير بالذكر أن الناس اللي بتسبني دون ذكر اسباب.
أنا قررت اسيب ارض السوشيال وهرجع ل أرض الواقع وبما أني بغني وعندي موهبه أكيد هلاقي صحاب، شوفت ناس كتير بتطلع في الاذاعه المدرسيه وبيغنوا واللي بيقول فزوره واللي بيقوم ينظم مسابقه وشوفت واحد بيلقي شعر يمكن أنا أطلع أغني... ليه لا؟
بعد يوم الدراسي لقيت تليفوني بيرن قولت ألو؟
_ ايوة يا إياد!
ايوة مين معايا؟ .
_أنت مش عارفني؟! .
لا الحقيقه مش واخد بالي.
_ أنا رمضان يا ابني.
اه اه افتكرت عامل إيه؟
_ أنا تمام وأنت؟
أنا الحمدلله نحمده على كل شيء.
_ إيه فينك كدة!
مفيش أصل قررت أقفل شويه يعني أنت فاهم الدنيا والحال
_ طيب يا حبيبي ربنا يوفقك، بس العيال سئلوا عليك فقولت اطمن عليك واطمنهم.
فيك الخير ولله سلملي عليهم وقولهم هتوحشوني.
_ ايه هتوحشوني دي أنت مش هتفتح تاني؟
ولله يا رمضان أنا مش عارف.
_ حاول تفتح تاني دي أسيل حتى سألت عليك وبادا والناس كتير وكلهم بيقولوا عايزين الولد اللي بيغني، بقيت مغني ياعم
مغني إيه يعم أنا لسه بقول أ ب في الغنى
_ إن شاء الله هتوصل وهتقول إن رمضان قال متخفش أنت ولله مسيرك يوم وهتوصل.
يارب يا صحبي
أعتقد أن الأمر أصبح متروك بين خيارين إسراء امّٰ أسيل فالخيارين أصعب مما تخيلت
بدأت في محادثه نفسي كيف أتخلى عن إحداهما
أنا مش هقدر اسيب إسراء هي أول واحدة وقفت جنبي ووقفت أنها خلتني مش مجرد إنسان علمتني ازاي أعيش.
طب وأسيل، أسيل حبيت روحها الحلوه وضحكتها حتى صوتها رغم أن مشوفتهاش بس أكيد زي ما هي في خيالي، أنا حتى عاجز عن أني اخد اي قرار مع نفسي وحاسس أني هفضل متعلق بين الاتنين، طب ما تشوف أنت عايز مين حابب وجود مين، متقعدش بين الاتنين لازم يكون واحده بس، أنا مش فاهم ومش عارف أحدد الاتنين بحبهم طب أنا كدة بحب مين؟ هل حبيت اسراء وهي أول بنت عرفتها ولا حبيت أسيل وضحكتها؟
_ أسيل أنا عايز أقولك حاجه!
قول سمعاك
_ أنا حااسس أني . ....
أنك إيه مش فاهمه!
_ يعني حاسس أني معجب بيكِ ومش عارف من غير أي أسباب ومن غير أي مقدمات.
يعني إيه برضو؟
_ يعني بحبك يا أسيل.
بص يا إياد أنا آه بعزك وبحترمك ووخداك قدوتي في الغناء بس ده ميمنعش غير أنك بيستي أنت بيست بس حد مميز في حياتي
_ وأنتِ برضو مميزه في حياتي ويمكن اللي بيني وبينك ده ميبقاش حب
هو مش حب أحنا مش هنحب على السوشيال كل الحكايه أن أنا وأنت عرفنا بعض جامد لدرجه حبنا لبعض مبقاش لي مسمى، فهمتني؟؟
_ فاهمك متقلقيش، أتمنى بس وجودك في حياتي
وأنا مش ضامنه وجودي محدش بيضمن وجوده حتى لو وعدتك كل الوعود هخذلها متستناش مني حاجه
