إسراء أنا كنت مكسوف من حاجة بس هو أنا ينفع أكلمك يعني برا البوت، مش فاهمه يعني إيه برا البوت، يعني على الفيس أقصد وكدة أنتِ عارفه أن البوت مانع حاجات كتيرة، أها عارفه بس برضوو، برضو ايه أنتِ مش موافقة؟ مقصدش بس عايزه ليه يعني ماحنا بنتكلم هنا أهو، منا بصراحة مش عارف أنتِ بتفتحِ أمتا وكدة بعتلها رساله وقولتلها اسراء؟ ومفيش رد لدرجه أني شكيت أنها عملت إنهاء للشات بس مفيش حاجه إسراء أنتِ كويسه طيب في إيه خلاص لو مش عاجبك أني أخد الأكونت بتاعك خلاص ولله مش لازم يعني طيب ردي عليا بالله عليكِ ردي متسبنيش كدة بعد حوالي 65 رسالة وأنا مش عارف في إيه.
أختلفت الرسائل والألم واحد كلاهما.
▂▂▂▂▂▂▂▂▂▂▂▂▂▂▂▂▂▂▂▂▂▂▂
ساعتها قولت هي بتعمل معايا كدة ليه أنا عملت إيه يارب أنا كل لما أحب حد يمشي واضح أن العيب فيا 65 ماسدج ومردتش عليا سبتلها ماسدج كبيرة أنا معرفش أنتِ ليه عملتي معايا كدة مانا برضو مش جبل حكتلك أن الكل سابني وأنتِ قولتيلي مش هسيبك، عارفة أني بخاف لية سيباني، بعت الرسالة و أنا على يقين أنها هتتفتح يوم من الأيام ويمكن بكرة كمان مش بعد فتره، دخلت أنام يمكن عقلي يبطل تفكير في اللي حصل كل دة وكان عبدو لسه مجاش، أنا هنام لوحدي كدة، فتحت أكلم أحمد يمكن يكون عنده حل ليا و للي أنا فيه دة، أزيك يا أحمد عامل إيه، أنا تمم الحمدالله وأنت، إيه يابني هو مش فيه مدرسة بكره ولازم تروح؟ كدة مستقبلك هيضيع، ايه يعم مستقبل ايه اللي يضيع ده أول يوم اسهر فيه، طييب ماالك بقى يعم قولي احكي لأخوك الكبير، بص أنا بصراحة جي أحكيلك بس أنا عارف أنت هتقولي إيه، إيااد الموضوع بخصوص البنت بتاعت البوت صح، بصراحة أه بخصوصها، يا إياد أنا قايلك كام مرة أن الناس دي ممكن يطلعوا ولاد يابني فوق أنا كنت ممكن أضحك عليك وأقولك أني بنت وكان زمانك دلوقتي مش عارف اللي قدامك أصلًا شايف أنك متزعلش ولا أي حاجة من غير ما اعرف الموضوع، بص أنا قولتلها عايز الأكونت الفيس بتاعك زي ما أنت قولتيلي لاقيتها قالتلي عايزه لية ومش لية وفتحت 100 تحقيق قولتلها خلاص وبعت 65رسالة وهي مردتش في الحقيقه هم 66 رسالة ومردتش، طيب ولله عبيط يعم أنت بتستعبط صح متشلش هم تعالى معايا وأنا أخليك تتعرف على ناس جديدة أحسن من إسراء دي فكك منها وكمان مش ممكن يطلعوا ولاد لا، أزاي تقصد؟ بص ياسدي في ابلكيشن اسمة pinkik حمله وتعالى اقولك هنعمل ايه؟ مش فاهم قصدك ايه بهنعمل ايه، حمله بس يا إياد وملكش دعوة بالباقي، حاضر يا أحمد عنيا.
طبعًا كنت خايف من كل حاجه وكان سبب الخوف الأكبر على إسراء أكيد ميسرها ترجع، وكل لما أفقد الأمل أحس أني خلاص كدة بس مردتش اخرج من الدردشة وأعمل end جايز هي كمان ترجع واكيد لو رجعت هتكلمني.
▂▂▂▂▂▂▂▂▂▂▂▂▂▂▂▂▂▂▂▂▂▂▂
"عالم لا يملئه غير مخاوف الفقدان"
بعد أربع أيام...
هو أنا هفضل مستنيها كدة كتير يبني أنت مفيش بينك وبينها أي حاجة ولا عمره هيبقى فيه فوق يا إياد متبصش على نص الكوبايه الفاضي هتلاقيه ولله ما بنت أصلًا، وأنه هو اللي عامل كدة مش أكتر يضيع فيه وقته.
"رصاصة الرحمة لم تطلق من القدر"
رسالة من إسراء: أنا أسفه أوي يا إياد تليفوني وقع واتكسر ومعرفتش أقولك ولا أوصلك، ده لينك الاكونت بتاعي أهو علشان لو حصلي حاجة تقدر توصلي شوفت الرسالة وأنا في كميه فرح مش هقدر أوصفها وكأن روحي رجعتلي تاني جيت وكلمت أحمد، أحمد أفتح إسراء كلمتني اسراء كلمتني واعتذرتلي وقالت أن تليفونها كان مكسور، أنت مش عارف كنت قلقان عليها قد إيه يااه يجدع الواحد فرحان بوجودها أنا أتاكد إن هي بنت مش ولد مش كل اللي بيخش "النيرشيب" بيبقوا ولاد وعاملين بنات.
بائت المحاولات بالفشل عندما حاولنا أول الأمر، دع كل شيء يسير كيفما شاء ومتى شاء فالقدر لا يأتي إلا بالخير.
رد أحمد على المسدج الطويلة دي، طيب ياسيدي الحمدلله إنها بنت وإلا كان زمانك متعلق بواحد صحبك في الآخر وأنت مش واخد بالك، ولله أنا فرحت بفرحتك أسيبك أنا تروح لـ إسراء وأبقى نزل الابلكيشن اللي قولتلك عليه علشان تبقى معايا بدل ما أنت مزهقني بست إسراء بتاعتك دي.
▂▂▂▂▂▂▂▂▂▂▂▂▂▂▂▂▂▂▂▂▂▂▂
كلانا أطمح بالبقاء وكلانا لم نسع للخراب ولكن جائنا مهرولًا
بدأ الكلام بين عم عيد و عبدو
ياعم عيد إيمان بقت عصبية أوي كل لما أكلمها ألاقيها بتزعق يمكن بقصد أو من غير مشغولة عني وعن إياد هو أنا متجوز واحدة علشان تنكد عليا ولا علشان تهتم بيا وبعيالي. فكرتني لما روحت أطلب ايد حماتك أم إيمان كانت أيام ابوها كان زي ما عملت معاك كدة يوم ما طلبت ايد إيمان، قالي هتحافظ عليها قولتله طبعًا دي هتبقى مراتي وأنا سألتك نفس السؤال وأنت جاوبت نفس اجابتي وأنا وحماتك عمرنا ما غضبنا من بعض راجع نفسك يا عبدو وحاول تبقى أهدى من كدة أنتَ مش عايش ف الدنيا دي لوحدك ومش أنتَ لوحدك اللي بتتعب كلنا بيتعب وكلنا تعبانين بس الحب بيصنع المستحيل.
قومي يابنتي روحي بيت جوزك وربنا يهدي سركم يابنتي وأغزي الشيطان أنتم ملكوش غير بعض.
▂▂▂▂▂▂▂▂▂▂▂▂▂▂▂▂▂▂▂▂▂▂▂
ما يحدث هنا حدث هناك، أختلفت الأعمار وعتاب الحبُ قائم.
إسراء أنتِ عارفة أني كنت ميت من غيرك الفترة اللي اختفيتي فيها دي عني كسرت جوايا كتير كنت بقول ازاي ده انا حكيتلها عن كل اللي سابوني وهي كمان تسبني طب ازاي ما أنا وأنتِ واخدين وعد أن محدش فينا هيمشي مهما يحصل احنا موجودين معقولة نسيتي أكيد لا كنت عامل حسابي وادعي ربنا يرجعك ليا مانتِ صندوق اسراري.
