الليل وسمااه ونجومه وقمره وأنت وأنا يا حياتي أنا.
_ ايه دا إحنا عندنا مواهب جديدة هنا وأنا معرفش؟
شكرًا بس أنت مين؟
_أنا إسلام بيقولولي يا بادا. قولي بادا ..
ماشي يا بادا، وشكرًا على المجاملة دي
_بس دي مش مجاملة، بقولك ايه ماتعمل قناة ونزل صوتك ممكن تتشهر؟ أنت صوتك حلو بس أهتم بيه شويه
حاضر ولله أنا أصلًا ناوي على كدة إن شاء الله
_ بس خلي بالك يا إياد أن صوتك هيليق في الاغاني الهادية تعرف اغنيه fly me to the moon الاغنيه دي احفظها كويس، هتبقى حلوة عليك أوي.
أوعدك هحفظها وهسمعهالك كمان
_ وانا مستني...
أنا هقوم أشوف حوار القناة دي هعمل قناة على الساوند سمعت أن أي حد يقدر ينشر بس أنا اصلًا مبعرفش أغني؟ دة أنا حتى معرفش إني عندي موهبه الغناء دي؟ دة على كدة إيمان هي اللي صوتها حلو ولا عبدو؟ عبدو اكيد بصحى ع زعيييق من صوته اكيد الصوت الحلو دة مش منه، أكيد من إيمان أنا مستنيها هي مش المفروض تجيلي بقالها يومين وهي يومين وبتيجي عادي مش مهم، كدة كدة الشيف إياد هنا، هتيجي تلاقي المطبخ بس هو اللي محروق مش حوار هو.
هاكل ونشوف موضوع القناة دي، نقوم نكلم إسراء ونقولها بقى على الفنان المغني الكبير اللي هينطرد من the voice ان شاء.
▂▂▂▂▂▂▂▂▂▂
إسراء يا إسراااااااء، لما تفتحي ابعتيلي ماسدج عايزك بسرعه
_ في إيه يا إياد قلقتني، أنت كويس؟ فيك حاجه ماتكلم؟
أنا كويس بس عايزك أقولك حاجات كتيرة كدة فاضية نتكلم؟ ولا
_ آه فاضية، وحتى لو مش فاضية ما أنت عارف إني هفضالك يا آخر صبري...
بصي أنا أول مرة أعرف إني صوتي حلو وأنا بغني، أول مرة أعرف إني بغني أصلًا ولله.
_ بتكلم جد طب سمعني كدة سمعنييي بسرعه ونبي
أهدي طيب هسمعك أهو.. الليل وسمااه ونجومه وقمره وأنت وأنا يا حياتي أنا.
_الله جميل أوي بجد، تصدق أنت أول حد أعرفه صوته حلو، دة حتى صوتي ربنا ما يوريك صوتي ولا يسمعهولك، حاجة بتكسر الازاز بتاع النيش.
لا ضحكتيني بجد، ماشي يا ست البنات أنتِ هنغنيلك كل يوم بس بشرط.
_ مممم شرط، إيه هو؟
تفكري فاللي قولتهولك، أنا لسه بحبك على فكرة وهفضل أحبك، ماهو محدش هيبقى في حياته أنتِ وميحبكيش دة يبقى إنسان مش بيفهم ومعقد نفسيًا.
_ إياد ممكن أعرف أنت ليه فتحت الموضوع دة تاني ليه؟ قولتلك مرة وبقولك تاني، أنا مش بتاعتك، أنا ربنا بعتني ليك علشان حاجة هعملها ولما أعملها ربنا هيأمر الظروف والقدر أنها تتغير وساعتها القدر هيغير حياتنا يا أما نبقى ذكرى، يا أما تكون حياتي هي معاك، هي الأقدار كدة، أنا مش بكرهك بالعكس أنا بحبك.....
إسراء وأنا كمان بحبك اويي بجد
_ أشمعنى دي اللي رديت عليها؟ سيبت الكلام كله ورديت على دي عارف ليه؟ علشان دي اللي على هواك يا إياد.
مش كدة يا إسراء، خلاص لازم أعرف أن احنا الاتنين مش أكتر من صحاب..
أنا هقفل هعمل كام حاجه كده وهكلمك تاني.
_ أهرب يا إياد عادي ما أنت على طول كدة إيه الجديد.
▂▂▂▂▂▂▂▂▂▂
إسراء كلامها صح، هو أنا سيبت كل حاجه وبصيت ليه في كلمة بحبك، لازم أفهم إن الحب مش لازم يكون حب ارتباط و جواز ما يمكن حب بين شخص لشخص بين محبه ربنا رماها في قلب شخص لشخص تاني، حاجات زي علاقتك بالقطة بتاعتك علاقتك بالتيشرت المفضل ليك، حاجات وعلاقات محدش بيفهمها غيرك أنت، أنت لو قدرت تقنع عقلك بكلامك هتحققه لأن أنت اللي بتعمل عقلك أنت اللي في إيدك القرار، لازم تفوق......
فوق وصحصح كدة يالا نشوف موضوع القناة دة هنعمل إيه بقى، هسجل إزاي دلوقتي...
هروح اكلم "بادا" في التيم أكيد هو عنده الحل.....
إيه ياجدعان جو النكد دة ولله لـ أغنيلكم حته fly me to the moon بقى.
_ونبي يا إياد يا عبيط أنت بلاش الشويتين دول مش علشان حفظتلي كلمتين انجليزي هتيجي تتمنظر فوق يبني أنت في مصر، هيلو ايجيبت وميس عفاف بتاع الهوم ويرك.
خلاص يادليا ولا أنتِ عايزة تضربي ولا إيه. وبعدين دي في ناس جديدة أول مره اشوفهم.
_ آه حسين امبارح عمل شير للجروب و ضافوا ناس كتيره وفيهم بنات ابسط بقى يعم..
بنات لا مش ناقصة مش كفااية أنتوا ده أنتوا مطلعين عنيااااا، وبعدين صحيح هم فين.
_ بص هو مفيش حد غير واحدة اسمها أسيل
ايوة مالها أسيل، بص هي بنت سُكره وشكلها كيوت كده، أما تيجي هنقولك وطلعت بتغني زيك على فكره.
ولله طب هي فين قوليلي، يمكن نفيد بعض
_ خلاص أنا هكلمها وهقولها.
إيه إيه في إيه يا داليا مالك إيه القلبان ده إيه كل الرغي ده.
_ تعالي يا ملكة ذا فويس في واحد عايز يعمل لقاء صحفي باين.
حد؟ حد مين!
_ ده بقى أنتِ شوفوا بعض كدة وأنا همشي بدل ما أنا مليش أي موهبه غير أني باخد خوازيق بس باين.
▂▂▂▂▂▂▂▂▂▂
أنا إياد من القاهره وبيقولوا صوتي حلو مع انه مش حلو اصلًا وشكلهم مبيسمعوش كويس.
_ آه بينلهم كدة وأنا مالي؟
لا ملكيش أنا أسف لحضرتك.
_ معلش بس أنا متعصبه دلوقتي وفيا اللي مكفيني.
لا عادي ولا يهمك هيحصل إيه يعني، شكرًا، هو أنا ممكن أعرف فيه إيه ولا دي كمان أنا مالي؟
_ مفيش بس هو شويه مشاكل، مس مفهومه بس
طيب قولي ممكن أعرف أساعدك.
_ تساعدني في إيه، تساعدني في حياتي اللي مش عارفه اعيشها ولا أختي الصغيره اللي هتموت.
أنا أسف مقصدش بس أكيد في حاجة أقدر اساعدك بيها
_لا شكرًا متتعبش نفسك…
لو احتاجتي حاجه أنا هنا..
_ أكيد، شكرًا
▂▂▂▂▂▂▂▂▂▂
أنا مستغرب إزاي كدة يعني هي عملت كدة ليه، أكيد في سبب ماهو محدش هيشيل وجع سنين من فراغ، الإنسان بيفكر في وجعه وحاسه أن هو دة وجعه وإن مفيش حد تاني بيتوجع وبيتألم، كان دايمًا بقرأ مقوله «كلنا جوانا نفس الوجع بس بـحكايات مختلفه»
ممكن تكون مختلفه في فراق ولد وبنت وممكن تكون مختلفه في راجل ومراته أو طفل وأمه أو أم وابنها الصغير كل دي اوجاع بين الناس، إلا أن وجعي هو على إسراء الحمدلله...
▂▂▂▂▂▂▂▂▂▂
إياد، أنت قولتلي لو احتاجتي حاجه كلميني، أنا محتاجه اتكلم، بص أنا أسفه على اللي قولته والمعامله اللي عاملتك بيها بس أنا أسفه بجد..
ممكن تسامحني؟
_ أكيد مسامحك سامعك أتكلمي.
▂▂▂▂▂▂▂▂▂▂
