"القلوب تتغير بالمواقف فالحب لا يعلم غير المواقف"
أنا لازم اكلم إسراء دلوقتي في حاحات كتيره اووي عايز اقولهالها أنا مش هعرف اخبي اكتر من كده أنا لازم اعترفلها بحبي ليها أكيد هتهاجمني وتقولي شوف أنت فين وأنا فين شوف أنت منين المسافة بعيدة، فتحت التليفون المرادي..
▂▂▂▂▂▂▂▂▂▂▂▂▂▂▂▂▂▂▂
_ إسراء
نعم يا إياد
_هو أنا ينفع أقول حاجات؟
أكيد يبني قول
_ يعني مش هتزعلي يعني
هزعل ليه ما أنت طول الوقت بتحكيلي حاجات
_ ماهي دي غير باقيه الحاجات
قول وان شاء الله هنحلها سوا
_ إسراء
نعم يا إياد
_ أنا بحبك......
أيوة أنا بحبك أنتِ مش مصدقه ليه هو صعب أحب الحاجة الوحيدة اللي ليا؟ ولا صعب أني لما أكون مخنوق ألاقييكي أنتِ اللي بتكلميني وتسأليني أنت كويس ولا لا أكيد في حاجة وأكيد في سبب لده مانا مش هحس بيكي ولا أنتِ هتحسي بيا كدة؟
_ إياد أنت بتهزر صح؟ هي دي كذبه ابريل أكيد أنت لسه عارفني من شهرين ونص ازاي حبتني.
معرفش أنا حبيتك وخلاص كدة، أنا حبيت نفسي وحياتي علشان أنتِ موجوده فيهم
_ عارفه أنك حبتني وكنت خايفة من اليوم اللي هتيجي تقولي كده كنت عارفة، أنا مش عارفة أقولك إيه بس أنت لازم تفهم إن أحنا اخوات بس أكيد بتحبني كدة بس أنت مش فاهم ده أنت لسه أول مره تحب أكيد مش فاهم دة مجرد تعود، وبعدين أنا بحبك فعلًا بس بحبك زي ما قولتلك فوق أنك جزء من حياتي بس الجزء ده مفهوش ارتباط، العلاقات دي مش بتدوم، بتنتهي بأن حد يكره التاني أنا مش عايزة أكونلك جانب وحش، عايزة اسيبلك ذكرى حلوة في حياتك مش عايزة أبقى وجع ليك، عايزة أبقى سندك، لو فضلت تدور على العلاقات والحب والارتباط الناس هتضيع منك هتبقى عايش خايف من أن الناس تسيبك، طول ما أنت شايف أن مكنهم مش معروف ومش قادر تحطه غير ف خانه الحب ده مش هتعرف تتقدم لقدام هتفضل شايف الناس دول أنهم المفروض يكون ليك، أنا مش ليك يا إياد بس أنا حابه أكون معاك...
▂▂▂▂▂▂▂▂▂▂▂▂▂▂▂▂▂▂▂
_ أنا مش حابب كدة أنا حبك بجد حبيت وجودك وحبيت إزاي خلتيني أحب نفسي بعينك متبعديش عني مع أن عارف أن مسيريك هتبعدي.
على فكره انا عمري ماهبعد عنك.
_ لا هتبعدي مسيرك يوم وتبعدي محدش هيبقى غير وجعي هو اللي هيفضل وجعني أنك مشيتي، ولو أنك هتسبيلي ذكرى حلوة فهي هتوجعني أكتر هفتكرك لما الاقي الكل كارهني هقول إسراء لو كانت هنا، هفتكرك لما الدنيا تقسى عليا هقول مكنتش هتقسى عليا وساعتها هيبقى الوجع وجعين وهبقى اسوء......
على فكره أنت اللي تفكيرك غلط وهنشوف ف الآخر مين اللي هيمشي يا إياد.
_افتكري كلامك كويس علشان انا مبسبش، مش هسيب روحي، مش هقدر اسيبك..
إياد على فكره أنت بتصعب الأمور على نفسنا لازم تعرف أني أقرب حد ليك وإني هفضل جنبك دايمًا
_ وأنا عارف كدة كويس اووي كمان.
يالا بقى شوف أنت هتعمل ايه وروح بدل ما أنت نكدي كدة، ومتزعلش بس أنا بعمل كده لمصلحتك مش أكتر
_ مصلحتي كانت هتبقى معاكي مش أكتر انما اللي بتعمليه مكنش مصلحتي خالص وهتشوفي
▂▂▂▂▂▂▂▂▂▂▂▂▂▂▂▂▂▂
ولله انت االي هتشوف انه كان لمصلحتك.
" كلمات من الماضي عالقه في الأذهان"
_ إيه يعم إياد عاش من شافك يعم عامل ايه طمني هي إسراء وخداك مننا ولا ايه مكنتش اعرف انها هتعمل كده فيك وتنسيك صحبك الأول على البوت ماشي يعم ماهو من لقى أحبابه نسي أصحابه.
احباب مين يعم وحد ربنا، ده أنا لسه واخد واحدة خلينا أخوات بس ايه حاجة زي اللي ف المسلسلات دي عارفها.
_ أنت هتقولي ده أنا حافظها صم المهم ايه اللي حصل احكيلي.
حاضر ياسيدي بص، أول حاجه قولتلها أنا بحبك مع أني عارف أنها كانت هتقولي لا بس قولت أحاول علشان مقعدش ألوم نفسي بس واضح أن اللوم النفس ده غايه مش وسيله للندم يعني في كل الحالات أنا بلوم نفسي.
_ يبني كل حاجه بتتعدل متقلقش اللي بتعمله ده اكبر غلط ولله، فكره أنك تخلي حد مركز كونك كله ومحور الكون كله أكبر غلط دة حتى القمر بيسيب مكانه وبيروح يلف ف مدار حولين الأرض الدنيا مش ثابته على حال واحد أنت كمان لازم تتحرك، وبعدين طالما قلتلك خلينا أخوات تعالا معايا الابلكيشن اللي قولتلك عليه هيعجبك.
▂▂▂▂▂▂▂▂▂▂▂▂▂▂▂▂▂▂▂
قصدك الpinkik؟
_ أيوة هيعجبك بص هو حلو وكل حاجة بس لو حصلك أي خناقه معاك قولهم أنا جي تبع أحمد يعم.
مش هيحصل خناقه إن شاء الله يعني
_طيب ياسيدي لما نشوف بقى
يعم هتشوف ولله متقلقش بس أنت قول يارب وهتعرف ناس جدعه وهتلاقي ناس وحشه فخلي بالك وأنا معاك مش هسيبك متخفش.
"نسيان الماضي بهلاك المستقبل"
بص ياعم إياد انا دخلتك غرفة دردشه جماعيه كده نقعد نتكلم مع بعض مع ناس أنت بس أول لما تشوفهم بيتكلموا اتكلم معاهم في أي حاجه المهم تكلم وسيب الباقي على ربنا.
_ ماشي يا أحمد أنا هعمل زي ما أنت قولت
لقيتهم بيتكلموا وكل واحد كأنهم عارفين بعض من كتير وكأن الناس دي واكله وشاربه مع بعض وكأنهم يعرفوا بعض ف الحقيقه زي ما أحمد دخلني الروم ده لاقيت كذا شخص موجود ناس غريبه معرفهمش اتعرفت على كام شخص كدة وهم إسلام وحسين ورمضان الناس دي كانت طيبه لدرجه حستهم هم دول اخواتي مع أنهم هم التلاته أقرب صحاب لبعض بس حبتهم زي أخواتي وبكده بقى عندي أحمد وإسلام وحسين ورمضان وكل دول معرفة سوشيال أتمنيت يكونوا فعلًا واقع ومش سوشيال بس ونبقى سوا أتمنيت أن كل اللي عرفتهم هناك يبقوا حقيقه زي برضو عرفت بنتين جداد بس شكلهم شيفني عبيط هم كمان واحده اسمها رحمه و واحدة اسمها داليا اللي عرفته أن داليا من دمياط فبدأت أحكي معاها عن عيلة بتاعت إسراء ويمكن يكونوا فعلًا جيران ويمكن تخليها تحس بيا شويه في أني بحبها بدأت معاها قولتلها....
▂▂▂▂▂▂▂▂▂▂▂▂▂▂▂▂▂▂▂
سمعت أنك من دمياط ده بجد ولا إيه؟
_ أها أنا من دمياط
يعني لو قولتلك إسم شخص تقدري تعرفيه
_يعني هو أنا ساحرة يا إياد
لا مقصدش بس أكيد ممكن تعرفيها يعني وكدة
_ قولي الإسم وأنا هحاول
أسمها إسراء عتمان
_ أنت بتقول عتمان؟ أنت متأكد؟
أيوة متأكد
_ لا أصلي حاسه أنك بتهزر معايا
▂▂▂▂▂▂▂▂▂▂▂▂▂▂▂▂▂▂▂
