ساعتها كلمتها وقعت عليا وكأن البرق ضرب جسمي، واختارتي أنا دون عن أي حد وفرض عليا إني أفضل لوحدي طول عمري، عدت شهور وأنا لسه بقرب أسيل وإسراء ولكن كل ما كنت بقرب من حد فيهم كنت بقصر في حق الشخص التاني، كل واحد فيهم حبيته لحاجة معينه، أنا مش قادر احددها، لأنا قادر أني اسيبها ولا قادر أني أقف أواجه ده، رفض حبي ليهم اعتقاد أن دة كان يمكن يقويني فيما بعد، ده مكنش حل غير أني اتحولت لشخص مش قادر أنه يتحمل الألم شخص عنده رهبه ف انه يقدر يعيش، يعيش في مجتمع هو مش حابب وجوده فيه لأنه شبه مُعدم، حاسس أني المفروض مكنش هنا، مكاني مش هنا، أنا مكاني أني أفضل لا إسراء ولا أسيل يقدروا يحققولي ذاتي، يمكن أنا بس اللي أقدر ده مش يمكن، ده أكيد تقدر تحقق الحلم اللي أتبنى متأخر متخيل كدة، يكون أسمك المطرب إياد، حلم أكيد هوصله لوحدي، ما أنا دايمًا لوحدي، قوم يا بطل، أحسن حل أني أبعد عن الكل و أبدأ من جديد بحياة جديدة.
_ إسراء، إسراء أنا كنت عايز اودعك مؤقت كدة.
تودعني؟ يعني إيه تودعني دي.
_ مش عارف بس أنا قررت أني أتغير، مش عايز أحس إني ضعيف قدام نفسي، وأنا شايفك عارفه حبي وبرضو رفضاني..
رفضاك؟ مين قال إني رفضاك أو رافضه حُبك.
_ تصرفاتك هي اللي بتقول.
تصرفاتي دي اللي هي أني خايفة على مصلحتك؟
_ ده مش خوف ده اسمه تهرب، تعرفي يعني إيه تهرب.
لا معرفش وهعرف ليه، إياد ياحبيبي، أنا عمري ما ههرب منك أنا صدفة جميله مش دة كلامك، خلينا نفضل صدف جميله لبعض، لازم تفهم أن الحياه صدف هتقابل غيري وهتحبها هتحب كل الناس لأن ده طبعك، طبعك أنك مبتعرفش تفرق بين حب الجواز وتكمل مع شريكه حياتك ولا عارف تفرق بين حب صداقه، علاقتنا معقدة.
_معقدة ازاي يعني؟
علاقتنا معقدة لأنها مش مفهومه، علاقه لا تندرج تحت قواعد الحب، علاقه بين الصداقه والارتباط، لو حصل خلل في حاجه منهم علاقتنا تنتهي، لأن وبكل بساطه أحنا اكتر من اصحاب وأقل من المرتبطين، لازم نحافظ على المكان ده.
_كل مره بتقنعيني اقتناع مؤقت كأنه مُسكن علشان أسكت، أسكت بس أنا لسه عندي أمل، جيت أقولك أني همشي شويه محتاج أقعد أشوف وأفكر في كلامك لأن مش هستحمل مناقشه تاني.
ربنا معاك أنا هنا، هستناك ترجع وتكون واثق ف قرارك أي كان هو إيه.
آهه يا إياد مكنش ليها لازمه كل دة يحصل، يمكن علشان أول مره تحب، ولا علشان هم يستاهلوا الحب، ولله مبقتش فارقه، لا دة نافع ولا دة نافع، عايز ابدأ اكتب اغاني، بس أنا مبعرفش اكتب، من اولها يأس، بس نحاول بس، أجمد يا إياد أنت تقدر.
كنت فاكر أن كل الكلام مش هيتنسي، وكأن كل الكلام ذكرى وبكره هيتمحي.
مانا ياما عشت وسط ناس مهمهاش غيرهم، طبيعي إن عمري ما هبقى منهم.
كداب حبتهم بس كرهت وجودهم، لمّٰ كل شيء ظهر وظهر جُحدهم.
خلاص مش هعيش وسط المظاليم، مانا بكرة هدوس على الكل وهبقى اسوء ظالم، مخلاص الدنيا بقت غالب ومغلوب وأنا كنت زي الطفل بيبعد خوفه بالطوب.
ولله ده أي هبل في أي هبل ومحدش هيعجبه حاجه زي دي، وطوب إيه ده أنت لو حد سمعلك أغنيه وربي ما هيسمعلك التانيه، بس عاش يا إياد افضل كده بقا.
بعد مرور 3 أشهر، بعد محاولات كثيرة من الاختفاء التام، ظلت المحاولات قائمة حتى أشعلت الحياه قنبله لتفجرها في حياتي القادمة.
أنا جيت، عامله إيه يا أسيل.
_عامله إيه؟ كنت فين! أنت بتسألني عاامله إيه بعد شهر؟ كل مره أقولك متمشيش وببقى واقفه مستنياك ترجع ومتمشيش وتمشي وتسيبني وأنت عارف أني مليش حد غيرك؟ وأنك الشخص المميز بالنسبالي؟
_أسيل أنا أسف بس غصب عني، والشهر ده خلاني اعمل حاجه تانيه.
تعمل حاجه تانيه زي إيه.
_ كتبت اغنيه انا اللي كاتبها
مش مبرر أنك تقفل شهر. بس سمعني عايزه اسمعها
_كنت فاكر أن كل الكلام مش هيتنسي، وكأن كل الكلام ذكرى وبكره هيتمحي.
مانا ياما عشت وسط ناس مهمهاش غيرهم، طبيعي إن عمري ما هبقى منهم.
كداب حبتهم بس كرهت وجودهم، لمّٰ كل شيء ظهر وظهر جُحدهم.
خلاص مش هعيش وسط المظاليم، مانا بكرة هدوس على الكل وهبقى اسوء ظالم، مخلاص الدنيا بقت غالب ومغلوب وأنا كنت زي الطفل بيبعد خوفه بالطوب.
الله الله جميله بجد وصوتك اتحسن بس ده ميمنعش اني زعلانه.
_ طيب متزعليش بقى
مش زعلانه بس في حاجه حصلت وعايزه احكيها.
_ قولي
لا مفيش حاجه انا بس متلغبطه
_ لا في
في بس اوعدني متزعلش، ممكن متتعلقش بيا، اكتر من كدة
_ لو اللي في دماغي صح؟
إياد سيبني اكمل، مش عايزاك زعلان بس.
_ مش عايزاني زعلان وأنتي بتقولي إن خلاص!
مقولتش أنه خلاص، كل الفكرة أني حاسه أنك متعلق بس مش حابه تكون في هم.
_ وهم هو أنا بقيت وهم؟ قولتيلي متتعلقش وأحنا صحاب وقولت هكمل معاكي وأنا وأنتِ صحاب علشان متضعيش مني وأخسرك، فبرضوا أخسرك كأنك بتقوليلي أنا ظهرت في حياتك علشان أخسرك.
مكنش قصدي اقتحم حياتك، أنا أسفه، كل الحكاية إني حبيت تكون في حياتي، حسيت بأمان بس خلاص مبقاش ينفع، مبقاش ينفع لأن خلاص كبيرنا
_مكبرناش أنتِ اللي عايزة تنهي كل حاجة وكأني ذكرى سهل أنها تتمحي.
أنت عمرك ما كنت ذكرى ولا عمرك هتكون، أنا مش عايزاك تتعذب بسببي هتفضل شايل هم الدنيا كتير زي ما حكيتلي عنهم هتحكي لحد غيري أنا مش بقولم مش هنفضل اصحاب لا أنت أحسن صديق ليا وأحسن صديق ممكن حد تكون في حياته، عيش حياتك ومتستناش.
_متقلقيش أنا مش بستنى قفلت شهر هقدر أني هكمل وهدوس على الحب وهدوس على أي حاجة.
دوس ربنا معاك أنا هنا.
_ لو كنتِ هنا مش هيبقى ده كلامك، كلام متناقد سلام.
كلامي مش متناقد بس أنت مش هتفهم دلوقتي.
_ لا أنا مش بفهم نهائي مش أول مرة أسمع الكلام دة وشكرًا على كل اللي قدمتيهولي من دعم وكل حاجة شكرًا جدًا أنا ممتن ليكي جدًا.
ملوش لازمة الكلام دة يا إياد.
_لا لي لازمة يا أسيل كل حاجة في الدنيا ليها لازمة
خلي بالك من نفسك.
