ما يحدث هنا حدث هناك، أختلفت الأعمار وعتاب الحبُ قائم.
إسراء أنتِ عارفة أني كنت ميت من غيرك الفترة اللي اختفيتي فيها دي عني كسرت جوايا كتير كنت بقول ازاي ده انا حكيتلها عن كل اللي سابوني وهي كمان تسبني طب ازاي ما أنا وأنتِ واخدين وعد أن محدش فينا هيمشي مهما يحصل احنا موجودين معقولة نسيتي أكيد لا كنت عامل حسابي وادعي ربنا يرجعك ليا مانتِ صندوق اسراري.
▂▂▂▂▂▂▂▂▂▂▂▂▂▂▂
"انتهت المعاناة عندما أعترف الجميع بها فلم يوجد من لا يكترث الأخطاء."
صباح الخير يا إيمان أتمنى متكونيش زعلانة مني خلاص كفيانا عتاب مش لازم الفاضية والمليانة نتخانق.
_ أنت صح ياعبدو أنا مش هتخانق ومش هزعل بسرعه تاني بس أنت اوعدني انك مش هتزعلني تاني.
طيب ياسيتي مش هزعلك تاني هو أنا عندي كام أم إياد يعني هي أم واحده خلاص بقى متزعليش مني.
_لا ولله خلاص مش زعلانه بس عارف ياعبدو لو قولتلي تاني أنا اللي هلملك هدومك تاني ولله مهرجعلك بيت ويبقى كلامنا في المحكمة بقى.
إيمان ولله إحنا بنتصالح مش بنتخانق بنصفي اللي ببنا مش بنبني زعل، أنهي كل اللي جوكي خلينا نتراضى.
_ماشي ياعبدو خلاص مش زعلانه.
▂▂▂▂▂▂▂▂▂▂▂▂▂▂▂
"هناك من أرضى مخاصميه وهناك من سهر الليل في تكبد"
إيه ده أنت صاحي أول مرة أشوفك صاحي واضح أن غيابي كان ليي فايدة يا سي إياد.
_ولله بصي يعني هو في وفي يعني في الأول كنت بصحى بدري لوحدي من غير ما أنتِ تصحيني بس انهاردة صحيت قلقان هروح المدرسة وهرجع تاني عادي وأما أرجع هنام.
إياد أنتَ في إيه مش دة أبني اللي أنا عرفاه أنت في كدة ومخبيها عني.
_يعني بزمتك هخبي إيه عنك قوليلي كدة
معرفش ولله أنت هتخبي عني إيه بس قلب الأم هيعرف متخفش برضو ده أنا إيمان عيد.
_ طيب حسبي بقى علشان عايز أمشي وأحضر حاجتي....
من ضمن الحاجات اللي حضرتها هي اني فتحت موبايلي وكتبت ماسدج صباح الخير يا أحلى حاجة في حياتي أنا هروح المدرسة وهرجع تاني خلي بالك من نفسك بقى وأنا مش هتأخر متقلقيش يعني هنرجع نتكلم تاني لاقيت الرد عليها ع طول وكأنها مستنياني.
على فكره أنا مش قلقانة علشان تبقى عارف بس أنا مش بقلق أوي يعني، عارف لية؟ علشان أنا عارفه مين إياد يالا روح شوف المدرسة وأنا همشي أنا كمان.
" شارب الخمر يصحو من غيبته وشارب الحب لا يدري متى يفيق"
"مرارًا وتكرارًا القدر لا يعرف غير المعاناة"
في التاسعة صباحًا الهاتف يصدر ضحيجًا.
ألو.... ألحقيني يابنتي أمك تعبانة وأنا مش قادر أخدمها ولا قادر أراعيها من ساعت ما أنتِ ما مشيتي وهي تعبانه بس مكنتش عارف أنها هتطول كدة كنت فاكرهم شويه برد بس الواضح غير كدة أنا كلمت الدكتور وقالي أنه هيجي كمان ساعتين..
_ أنت ازاي متقوليش يا بابا هي دي حاجه تتخبى عليا أنا جاية أهو مسافة السكه وهبقى عندك خلي بالك منها بس وأنا هجيب عبدو واجي إياد راح المدرسة وهيعرف يتصرف.
▂▂▂▂▂▂▂▂▂▂▂▂▂▂▂
عبدو عبدو أصحى ماما تعبانه أوي لازم نروح....
_ طيب حضري أكل لإياد علشان أما يجي وبلغيه بس لحد لما احضر الحاجة وارن عليكي...
لا يعبدو دلوقتي معلش بهدومي وهدومك وابقى روح غير هناك علشان هنتأخر.
وصلنا الساعة ١٠ ولسه الدكتور مجاش الحمدلله أننا هنلحقه.. حصل ازاي ده يابابا قولي متخبيش ماما شكلها تعبانة أوي كمان في إيه ناوي تخبي برضو..
_ معرفش ولله يابنتي مش هخبي عليكي أكيد ما انتِ هنا أهو، هي تعبت الفتره اللي مشيتي فيها مش بتاكل ولا بتشرب وعلى طول نايمة وسخنه مش عارف فيها إيه..
الساعة 11:15 am الدكتور جيه... بعد اذن الكل يخرج برا علشان الزحمة وأقدر اكشف.
_اخرج أنت يا بابا مع عبدو وأنا هنا أهو مع الدكتور علشان أنت تعبان بقالك كام يوم خده ياعبدو و خليه يستريح
تعالى يعم عيد تعال وربنا يجيب العواقب سليمة يارب إن شاء الله هتبقى كويسه ثق في ربنا...
_الدكتور أتأخر جوا ياعبدو.. أنا قلقان.
ياعم عيد هتقلق من إيه إن شاء الله هتقوم وهتبقى زي الفل ماتقلقش... أهو الدكتور خرج أهو هيطمنا...
طمنا يا دكتور عندها إيه، طمنا أرجوك إحنا مش مستحملين أي ضغط..
_ هي بس محتاجه راحه وده نتيجة ارهاق وهنعمل شويه تحاليل علشان نطمن عليها لأن جسمها ضعيف وباين عليها الإرهاق هكتبلكم على شويه فيتامينات هتاخدها وأهم حاجه السوايل وأكل يكون كويس ومسلوق ومستوي كويس وأنا أسبوع وهاجي اطمن عليها ولو حصل أي حاجه اتصلوا بيا ع الرقم اللي معاكم ولو مردتش هتلاقوا رقمي الشخصي ف الروشته...
_ اتفضل يا دكتور
رايح فين ياعبدو
هحاسب الدكتور وهجيب الدوا وأنتِ خليكي مع عم عيد...
_ طمني يادكتور أنا مش حاسس باللي أنت قولته..
هو أنت أبنها
_ لا أنا جوز بنتها بس هي زي أمي بالظبط
بصراحة مخبيش عليك التحاليل دي لمرض اللوكميا.
مرض لوكميا؟ يعني إيه لوكميا... وبتيجي منين دي كمان.
_ اللوكميا مرض سرطان الدم ودي بتكون حالة وراثية ولسه دة تشخيص ليس له أي شيء من الصحة، التحاليل هتنفي أو هتثبت.
حالة وراثية يعني ممكن المدام تبقى عندها لوكميا
_ ممكن بس دة احتمال ضئيل أوي كمان
شكرًا يادكتور وأنا هتصرف وتعبناك معانا
_لا دة واجبي...
روحت اجيب الأدوية وأنا كلي أمل أنها هتقوم بالسلامه حتى لو حصل أي ربنا عالم إحنا محتاجينها إزاي الفتره دي
_إيمان أنا جبت الدوا والحاجات خليهم معاكي وكل حاجه مكتوبة على العلب بتاعتها الساعه بقت 3 العصر اكيد إياد وصل وهجيبه واجيلك
ماشي متتأخرش عليا بس
▂▂▂▂▂▂▂▂▂▂▂▂▂▂▂
"القلوب تتغير بالمواقف فالحب لا يعلم غير المواقف"
أنا لازم اكلم إسراء دلوقتي في حاجات كتيره اووي عايز اقولهالها أنا مش هعرف اخبي اكتر من كده أنا لازم اعترفلها بحبي ليها أكيد هتهاجمني وتقولي شوف أنت فين وأنا فين شوف أنت منين المسافة بعيدة، فتحت التليفون المرادي..
_ إسراء
نعم يا إياد
_هو أنا ينفع أقول حاجات؟
أكيد يبني قول
_ يعني مش هتزعلي يعني
هزعل ليه ما أنت طول الوقت بتحكيلي حاجات
_ ماهي دي غير باقيه الحاجات
قول وان شاء الله هنحلها سوا
_ إسراء
نعم يا إياد
_ أنا بحبك......
▂▂▂▂▂▂▂▂▂▂▂▂▂▂▂
