بعد مرور ثلاثة ايام…
الخميس...
التاسعة والربع صباحا...
ختا القلم بزهج ورفع راسو من الاوراق القدامو..حرفيا موضوع انس وألين شاغل بالو…اتنهد بحسرة لمن اتذكر انو انس بحبها جااادي و قال ح يتقدم ليها…فرك عيونو ورجع يشتغل وهو بحاول يطلعها من تفكيرو..البقى محصور عليها في الفترة الاخيرة….
في جامعة عبير...
رفعت تلفونها بزهج..دي المكالمة التانية من اسيل
ردت ب:الووو
اسيل:بيرو كيفك؟
عبير:كويسة
اسيل:في الجامعة ولا وين؟
عبير:اي في الجامعة
اسيل:تمام جاية عليك…محتاجة اقعد واتكلم معاك
"نتفق انو اسيل دي طيبة🙃✋🏻"
عبير:منتظراك
اسيل:تمام يلا
قفلت ودورت عربيتها اتحركت علي جامعة عبير..بالجد محتاجة تتكلم معاها..محتاجة تطمن علي امجد ال ليها 3 يوم م شافتو...
خارج القارة…
ماليزيا...
قعدت في الكنبة وهي شايلة تلفونها وكباية قهوتها..تلفونها دقا تزامنا مع قعدتها
ابتسمت لمن شافت المتصل "فيلسوفي♥️" ردت ب:فيسلوفي
وليد:وعدي..صباح الخير
وعد:يسعد صباحك حبيبي
وليد:جمعا..كيف اصبحتي
وعد:بخييييير..ليه م صحيتني؟
وليد بهيام:م قدرتا
وعد ابتسمت:وليد ياااخ🙈
وليد:جادي معاك..بعدين منطقيا كدا اصحيك عشان تعملي لي كباية قهوة وانا اساسا ح امشي اخليك؟في حين اني ممكن اعملها براي وآخد لي بوسة قبل اطلع؟مع العلم انك لمن تكوني صاحية م قعد آخدها وعد:اعتبر كلامك دا فلسفة ولا غزل؟
وليد ضحك:الاقرب ل قلبك
وعد:اقرب ل قلبي الفلسفة
وليد:انا شايف انو في زول بحب الفلسفة اكتر من سيدها
وعد ضحكت:الزول لمن يلقي الزول البحبو بحب حاجة معينة بقوم بحبها عشان الزول البحبو دا يحبو اكتر..صح ولا م غلط؟
وليد ضحك بأعلي صوتو وقال:م غلللللللللط
وعد ابتسمت:ماشة كيف بلاي😴؟
وليد:ماشة كوووويس شديد..المهم زاتو نسيتيني انا ضارب ليه
وعد باهتمام:اها
وليد:اشتقت ليك
وعد سكتت
وليد ضحك:يلا شفتي في دا؟نهاااائي م ماشة كويس
وعد ضحك:جاي متين؟
وليد:دي اعتبرو سؤال ولا الشوق؟
وعد:الاقرب ل قلبك
وليد:لا لا لا بقيتي صعبة ي بت
وعد ضحكت:امشي اشتغل شغلك يلا
وليد:طيب..بس في كلمة لازم اسمعها
وعد:شنو؟
وليد:بحبك
وعد بخجل:سمح
وليد:اللهم لا نسألك رد القضاء..ي بت قلت ليك قوليها لي
وعد همست:بحبك
وليد:شنوو؟م سامع
علت صوتها:بحبك
وليد:الخط بقطع م سامع قلتي شنو؟
وعد:ولييييد ياااخ
وليد ضحك:عيووونو ياااخ..الا اتسوّل ليك كدا؟
وعد:الحب م فيهو تسوّل م حب
وليد:ي شييييييخة…دا منو الح يخجل ويبقى زي الطماطمة لمن اجيهو دا؟
وعد خجلت:مع السلامة..برنامجي بدا
وليد ضحك:تمام لمن اجيك
وعد اتنحنحت بخجل
وليد كر كر كر ضحك
قفلت الخط وهي مبتسمة بخجل…حرفيا هو فيلسوف وحرفيا هي عششششقت الفسلفة منو وبسببو🖤
"ئه..ديل عورة مَفلسفين ساكت🙂👋🏻 عملو لي جفاف"…
