،،جعلتنى مدمنا،،

البارت الثاني

دخل صالح يدور على مامته ودخل المطبخ
وفجأة وبدون مقدمات اتصدم من اللى شافه
شاف مامته مغمى عليها فى المطبخ والطبق مكسور فى الارض
اتصدم صدمه حياته قعد على ركبه وحط راس مامته على رجله وحاول يفوق فيها
صالح وعيونه مليانه دموع وبيفوقها بالمياه ... ماما حبيبتى فوقى كدا مالك شكلك نسيتى تاخدى الدوا قومى يلا قومى خديه اوعى يا امى اوعى تسبينى وتمشى أنا مليش غيرك فى الدنيا دنا ماشى بدعواتك ده انتى اللى مصبرانى على كل حاجه ضحكه منك بس بتنسينى تعب اليوم اوعى يا امى أنا أموت بعدك
صالح ومش عارف يتصرف مامته مش بتفوق وحاسس انها بتضيع منه وفجأة شالها ونزل بيها على المستشفى
فى المستشفى الدكتور دخلها وبيكشف عليها وخرج
صالح وهوا متجه ناحيته فى قلق شديد ..دكتور ماما كويسه فيها حاجه طمنى عليها بالله عليك
الدكتور... أهدى بس أهدى اطمن هيا فاقت الحمدلله
صالح وقد ارتاح قلبه نوعا ما .. الحمدلله يارب
الدكتور .. والدتك تعبانه جدا وهيا قلقت العلاج ومحتا
وقبل أنا يكمل الدكتور صالح..ثوانى بس يا دكتور هيا ازاى العلاج متقلل انا جيبلها العلاج كامل بمواعيده
الدكتور ... ازاى فى علبه دوا هوا المسؤل عن تظبيط التفس عندها وهوا المسؤل عن وصول الدم لجميع اعضاء الجسم ده متقلل ولما سالتها قالتلى بتاخد حبايه واحده وهيا المفروض اتنين
صالح وقد تفهم الامر .. كمل يا دكتور
الدكتور ... والدتك لازم تعمل العمليه فى أقرب وقت قلبها تعبان خالص محتاج عمليه قلب مفتوح
صالح .. انشاء الله يا دكتور انشاء الله هتصرف واعملهالها فى أقرب وقت
الدكتور مشى وصالح دخل لولدته لقاها مغمضه عينيها ووشها مرهق جدا
صالح وهو بيعيط .. قللتى ليه ادويتك كان ممكن تسبينى تمشى دلوقتى ساعتها أنا اعمل اي بقى مين هيضحك في وشى ويقولى حمدالله على السلامه لما ابقى راجع وتهونى عليا
سعاد وهيا بتعيط.... البرشام غالى والادويه كلها غاليه ولو اخدت حبايتين فى اليوم زي ما مكتوب هيخلص بسرعه وانا عايزه اوفرلك فلوس تجبلك لبس وتهتم بشكلك يا حبيبي انت فى كليه ومحتاج تلبس زي الناس ااااااه يارب خودنى وريحنى وكفايه كدا أنا تقلت عليك يا بنى بما فيه الكفايه
صالح وهوا بيعيط... بعد الشر عنك اوعى تقولى كدا تانى يا امى أنا عايش علشانك وبعدين لبس اي اللى البسه أنا مش عايز لبس ولا حاجه أنا عايزك معايا وجمبى اللبس مش هيهون عليا تعب اليوم
ارجوكى يا امى تاخدى ادويتك كامله زي ما مكتوبه وملكيش دعوه بالفلوس أنا معايا فلوس الحمدلله اوعدينى يا امى انك تاخدى علاجك كامل
سعاد وهيا بتمسح دموعه ... حاضر يا عيونى اوعدك حاضر
صالح حضن مامته جامد حضن خوف من مجهول مممكن ياخد والدته فى اي وقت وهوا ما باليد حيله
روح صالح هوا ومامته البيت وقعدها على السرير قال لها ...هروح اسخن الاكل واجبهولك لحد عندك
سعاد وهيا بتحاول تقوم ... استنى بس يا صالح يبنى أنا هسخن وهحضرلك لغايه متغير هدومك
صالح ... ارتاحى انتى بس أنا هعمل كل حاجه انهارده
سعاد ... استنى بس
صالح .. خلاص انا قررت ارتاحى انتى وباس دماغها ومشى
اليوم عدى على كل حد من ابطالنا
اليوم التالى فى الكليه
دخل صالح المدرج وقعد فيه وبيدور بعينيه على اللى تاعبه قلبه ولقاها قاعده بتضحك مع صحابها ابتسم لمجرد شايفها بتضحك
وراح ناحيتها وقال لها بابتسامه ... شكرا ليكى جدا اتفضلى الكشكول اهو
أية .. العفو
وفضل واقف مكانه بيبص عليها ومبتسم
السكشن كله ضحك على شكله وهيا ضحكت عليه
أية وهيا بتلوح بايديها قدام عينيه.. يا اخ يا اخينا انت
صالح وقد فاق من شروده .. احم احم اسف
وسابهم ومشى وقعد فى مكانه بس مضايق جدا من نفسه علشان ضحك الدفعه عليه
وخلص محاضرات وراح على الكافتيريا مكان ما بتقعد دايما لقاها قاعده مع صحابها بيضحكوا
وراح ناحيتهم
أية بزهق .. مش هنخلص بقى انهارده ده جاي تانى ليه ده مش كفايه اللى هببه فى السكشن حسس الكل إن فيه حاجه بينا
ساره .. أهدى يا أيه مش كدا ممكن مكنش قصده
أيه .. انتى بتضحكى على مين كل النظرات دي والإبتسامة البلهاء اللى كانت على وشه مس قصده اومال لو قصده كان عمل اي
وصل عندهم
صالح وهوا متخذ قرار مش هيرجع فيه ..أيه
أيه وهيا بتبصله بزهق .. افندم
صالح ... أنا بحبك
By..Menna younis
يا بنات اي رايكوا + عايزه لايك وكومنت كتييير لو لقيت تفاعل كتير هنزلكوا الحلقه التالته شويه كده