،،جعلتنى مدمنا،،

البارت العاشر والاخير

(صالح) بابتسامه بارده قال:.....انا اتجوزت
(أية) بصدمه مما قاله صالح وقالت :...صالح ممكن تبطل هزار وتقولى اي المفاجأة
(صالح) ببرود :... المفاجأة هيا ان انا اتجوزت والعروسه الجديده هتقعد فى الشقه اللى انتى كنتى فيها
وخدى المفاجأة الكبيره انتى هتيجى وتخدمينا كمان اي رايك فى المفاجأة دي حلوه مش كدا
(أية) وهيا مصدومه من اللى بيقوله ودموعها نازله فى صمت وقالت بانهيار: ...اتجوزت ازاى يعنى اومال أنا ابقى اي انطق أنا ابقى اي انت بتحلم
انت هتطلقنى ودلوقتي حالا انت فاهم أنا مش هعيش معاك ثانيه واحده بعد كدا ..
(صالح) بسخريه :....انتى اللى أنا اتجوزتها علشان انتقم منك واكسرك واوجعك واهينك واخليكى تتمنى الموت كل يوم عرفتى انتى بالنسبالى اي.انا مش بعتبر نفسى متجوز لان انتى مجرد خدامه ليا هفضل ازل فيكى لغايه ما احس انى كدا اخدت حقى منك
وحوار الطلاق ده انسيه علشان أنا مش هطلق حد ومش أنا اللى حد يجبرنى انى اعمل حاجه أنا مش عايزاها
(أية) بدموع مش مصدقه أن ده صالح اللى حبيته واللى زعلت على من نفسها انها جرحته يوم ما قرر يرتبط بيها
قالت بانهيار وصوت مهزوز:...صالح انت كرهتنى بجد صالح انت معنتش بتحبنى يعنى انت خلاص اتجوزت حد غيرى وبقيت عايزينى فى حياتك لمجرد انك تحقق انتقامك بس
وقالت بصوت عالى وانهيار :....طب انت نجحت ايوه نجحت فإنك تكسرنى يوم ما ضربتنى بالقلم نجحت انك تجرحنى يوم ما قولتلى انك هتبقى خدامه ليا مش اكتر من كدا ووجعتنى يوم ما جاي بكل بساطه تقولى أنا اتجوزت عايزينى اباركلك على جوازك ده عايزنى اجي معاك اباركلها هيا كمان مش هقدر عارف ليه مش علشان انت جوزى وكرامتى متسمحليش بأنك تتجوز عليا لا علشان للأسف انا حبيبتك والله العظيم حبيبتك
(صالح )واتفاجاه بصوتها العالى واستغرب كلامها وقال بسخريه:...بتحبينى والله واللى كان بيحب حد يجرحه ويهينه قدام الناس ها
اللى بيحب حد بيوجعه ويكسره زي موجعتينى وكسرتينى
واها أنا بقيت بكرهك ومعنتش طايق وجودك فى حياتى
أنا مش عارف انتى ليه مش عايزه تصدقى انى بكرهك لييه.
(أية) بدموع وكسره وحست أن طاقتها بتخلص وقالت بوجع:...لا منا اتأكدت من كرهك ليا دلوقتى لما اتجوزت عليا انت بقيت قاسى اووى يا صالح
مكنتش اعرف ان اللى عملته فيك هيقسيك عليا اووى كدا
وصوت شهقاتها بدأ يعلى وقالت: ...أنا يوم مجرحتك بالكلام كنت بحاول اطلع نفسى صح صحابى غلطونى واهلى كذلك وكلهم زعلوا منى وبدأت أتغير بدأت احبك من غير حتى ما اشوفك حاولت أن افهمك يوم التخرج معطتنيش فرصه لكدا بالعكس برضوا وجعتنى بالكلام
مكنتش اعرف ان هوصلك في يوم للادمان والله اتغيرت ومبقتش عايزه غيرك
انت مبتسألش نفسك أنا ليه ما اتجوزتش رغم اللى بيتقدموا كتير كنت مستنياك كنت متاكده انك هتيجى سواء كنت سامحتنى أو جاي تحقق انتقامك
(صالح) وقلبه وجعه من عياطها وصوت شهقاتها اللى وصل لجوا قلبه بس مبينش كدا وقال: ...خلصتى أنا كل اللى انتى قولتيه ده ميهمنيش فى حاجه ميهمنيش انتى حبتينى ولا لا أنا كل اللى يهمنى هوا انى اوجعك كمان وكمان ..
(أية) بصوت عالى :....هتعمل اي اكتر من اللى انت عملته هتعمل اي كفايه كده ارجوك كفايه كدا أنا مش هقدر استحمل
وقبل أن تكمل كلامها كانت واقعه بين ايد صالح فاقده للوعى..
(صالح )بقلق قال وهوا يضرب على خدها بخفه:..أية فوقى يا أية ..
وقام جاب ازازه البرفان وحاول أنه يفوقها مافقتش
قام شايلها وراح على المستشفى..
..فى المستشفى دخلت الدكتوره تكشف عليها وخرجت ..
(صالح) بقلق وخوف قال: ....دكتوره هيا مالها مبتفقش ليه هيا بقت كويسه دلوقتى
(الدكتوره )بحزن قالت:....المدام اللى جوا جالها انهيار عصبى ولما فاقت الكلمه اللى قالتها أنا بكرهك يا صالح  واديتها حقنه مهدئه وياريت لو حد فضل معاها لغايه متفوق
(صالح )وهوا مخنوق قال :..تمام شكرا
(صالح )قعد يفكر لو فاقت وشافتنى ممكن تنهار اكتر قعد يفكر يكلم مين ملقاش غير الاء اللى يكلمها
..فتح تليفونه وكلم الاء ...
(الاء) :...الو يا صالح عامل اي لسه فاكر تكلمنى
(صالح) بصوت مخنوق قال:...الاء لو تقدرى تجيلى على المستشفى دلوقتى تعالى.
(الاء )بخوف:...انت كويس طب طمنى عليك جرالك حاجه
(صالح) وهوا بيحاول يهديها:...أهدى أنا كويس دي أية اللى فى المستشفى.
(الاء) بصدمه قالت :..انت عملت فيها أي
(صالح) :...لو تقدرى تجيلى تعالى دلوقتى وبسرعه ولما تيجى هفهمك
...شويه والاء ومروان كانوا قدام صالح فى المستشفى..
(الاء) بقلق: ...قولى هيا مالها كويسه
(صالح) وبدأ يحكيلها اللى حصل من ساعه ما اقلها أنه اتجوز لغايه ما جابها المستشفى وأنها عندها انهيار عصبى ومش طايقه تشوفه..
(الاء) بصدمه :...انت اتجوزت فعلا يا صالح
(صالح )برفض: ...اتجوز اي بس يا الاء أنا بعترف دلوقتى ان بحب أية وعمرى فى حياتى ما حبيبت غيرها هقوم رايح متجوز عليها أنا كونت عايز اكسرها واوجعها زي ما كسرتنى ووجعتنى.
(الاء )بصدمه من كلامه :...تكسرها وتوجعها تجبلها انهيار عصبى ليه كل ده
حرام عليك انت كنت تقدر تستحمل لما جرحتك قدام الناس قدرت تقف على رجلك بعد كدا لكن هيا مش هتقدر كفايه كدا
(صالح )وفهم كلامها وقال :..طب بس ادخليلها علشان شويه وهتفوق.
دخلت الاء وشويه وسمعوا صوت عياط وزعيق فدخلوا واتصدموا من اللى شافوه..
شافوا الاء بتحاول تهدى أية
(وأية) كل اللى بتعمله عماله تعيط بصوت عالى وتقول كلام مش مفهوم زي :..
انت جرحتنى وكسرتنى ووجعتنى وهنت كرامتى عايزه اي تانى كفايه كدا أنا مش هقدر استحمل واشوفك متجوز غيرى لا وبتعاملنى شبه الخدامين
كفايه كدا أنا ندمت على عملته معاك بس كفايه كدا علشان خاطرى كفايه مش هستحمل اهانه اكتر من كدا
صالح وقلبه وجعه على انهيارها وقال فى نفسه كفايه انتقام لغايه كدا وقال:...الاء مروان ممكن تسبونا لوحدنا
(الاء) لسه هتتكلم صالح قطع كلامها
وقال بصوت هادى :...الاء متخافيش مش هعمل حاجه هصحح اللى عملته بس متقلقيش
...خرجت الاء ومروان وفضل أية وصالح لوحدهم...
صالح وهوا بيقعد على الكرسى اللى جمب سريرها
اجي يمسك ايديها شدتها منه بسرعه
صالح فى اللحظه دي حس أنه خسرها للابد
(صالح )بزعل قال: ....لما رفضتينى روحت منهار بمعنى الكلمه وابص لنفسى فى المرايه وافتكر كلامك ليا وانتى بتقوليلى بص لنفسك فى المرايا وازعل يوميها مكنتش اقدر اتغير زي دلوقتى لان كنت بعمل كل جهدى علشان اجمع فلوس عمليه امى ولما ماتت اتعرفت على احمد وكنت عارف أنه بيكرهنى بس كنت كل اللى عايزه انى اخليكى تندمى على انك فى يوم رفضتينى لغايه ما احمد بدأ فى انتقامه ليا وخلانى ادمن بحجه أن دي هتخلينى مبسوط ومش شايل هم حد وأن هعرف اوصلك بيها وهبقى روش زيهم والبنات تحبنى وساعاتها انتى تغيرى وأبدأ فى انتقامى ليكى لغايه ما بقيت مدمن روحت اتعالجت برا واشتغلت وبقيت مهندس كبير صاحب شركه وبقيت براقبك انتى وأحمد
وفضلت اتفرج على احمد وربنا بينتقملى منه واخد اعدام وانتى اتجوزتك بحجه أنى انتقم منك بس فى الحقيقه ان اتجوزتك علشان أنا لسه بحبك عمرى ما حبك قل فى قلبى بالعكس بقيت بحبك اكتر لما تغيرتى..
بس كان لازم وسكت..
وهيا بصتله بنظره عتاب ولوم وقالت بصوت كله دموع:...انت وجعتنى اووى يا صالح اووى
وقعدت تعيط وصوت شهقاتها بتزيد
قام صالح حاضنها وقالها:...متزعليش منى مكنتش اعرف ان كل ده هيحصل وهتتعبى كدا متزعليش منى وكل كلمه قلتهالك كذب أنا عمرى ما كرهتك بالعكس كنت دايما اقول فى سرى انك اميرتى والماستى كمان ..
(أية) ولسه بتعيط فى حضنه وخرجت من حضنه وقالت: ...يعنى انت متجوزتش عليا يا صالح
ضحك بصوته كله وقال: ...مقدرش اتجوز على اميرتى الغاليه ...
(أية )اول ما سمعت كدا حضنته وقالت: ...وانا عمرى ما حبيت غيرك سامحنى يا صالح
(صالح) وهوا يربت على كتفها:..سامحتك يا قلب صالح وانت كمان سامحيني
(أية )بابتسامه :...مسامحاك بس معنتش تزعلنى ولا تخلينى اعيط ممكن.
(صالح )وهوا بيضحك على شكلها الطفولى :...حاضر يا اميرتى ..
الحب أقوى سلاح بين المحبين لانه مهما فعل الحبيب من أذى وجرح ووجع يبقى السماح هوا السائد بين المحبين فالتسامح اساس الحب والحب أساسه التضحيه ....
....بعد مرور تلات سنين ....
...صالح داخل البيت ...
بابى جه بابى جه
(صالح) رزقه الله بولد وبنوته تؤأم(ليث ،لين)
(صالح )بابتسامه واسعه وهوا بيشيلهم :...حبايب بابى انتوا .
(لين )وهيا بتبوس خده :...جبتلى الشوكليت وانت جاي
(صالح) وهوا يقول بابتسامه: ...طبعا وانا اقدر انسى الماستى
(ليث )قال:...وانا يا بابى
(صالح )وهوا بيبوس ليث :..انت جبتلك البسكويت اللى بتحبه ؟؟
..؟ليث ولين وهما مبسوطين وداخلوا اوضتهم ....
(صالح )وهوا ينظر لاميرته اللى مبتسمه على أطفالها وحبيبها واتمنت أن السعاده تدوم عليها
اقتربت أية من صالح وقالت: ...عايزه أسألك سؤال يا صالح ..
صالح) وهوا ماسك ايديها :...اسألى يا اميرتي
(أية) وهي تنظر لعينيه:...بتحبنى يا صالح وهتفضل تحبنى على طول
(صالح )وهوا ينظر لعنيها وهوا مبتسم وقال:..عايزه دليل اي اكتر من انك جعلتينى مدمنا ......
تمت بحمد الله .....

لو عجبكم الروايه اعملولى فولو على الواتباد وخشوا على جروب الفيس اعملوا انضمام للجروب

https://m.facebook.com/groups/796854697564348/permalink/812083576041460/