،،جعلتنى مدمنا،،

البارت الرابع

(الدكتور) وعيونه مدمعه على انهيار صالح وقال: ... البقاء لله
(صالح) وهوا يهز رأسه بدموع:... انت كذاب متقولش كدا
متقولش أنها ماتت هيا قالتلى مش هسيبك قالتلى هفضل جمبك
(صالح )بدموع غير مصدقه: ... امى
وجرى على الاوضه اللى فيها مامته لقي الممرضه بتحط الغطا على وشها جرى عليها وقال :... انتى اتجننتى انتى بتعملى اي اوعى تكونى مصدقه انى امى ماتت هيا ممتتش لسه عايشه وهشوف ضحكتها دلوقتى
(صالح) راح تجاه السرير ومسك ايديها بايد والايد التانيه بيمسد على رأسها بدموع وقهره:... امى انتى مش هتعملى كدا وتسبيينى وتروحى وانتى عارفه انى مليش غيرك فى الدنيا انتى كل حياتى اعمل ايه دلوقتى من غيرك مين هياخد باله منى مين هيهتم بيا بعدك مين هيكون ليا السند
مين من بعدك
(صالح) وهوا يهزها بعنف ويقول: ...أنا بكلمك ردى عليا مين هيعمل كدا من بعدك مين هيحس بيا قبل ما تكلم مين هيريحنى بكلامه أنا مليش حد غيرك فوقى بقى
بلاش كل ده مين هيدعيلى من قلبه أنا ماشى بدعواتك وبموتك ده هيدمرنى اكتر منا مدمر ده انتى اللى كنتى مهونا عليا وجع الايام وقسوه الحياه
(صالح) وهوا يبكى بدموع وقهره فراق مش حبيب لا ده اعز من الحبيب موت الام ووجع فراقها :.... طب خلاص هاجى معاكى أصل هتسبينى لمين هنا .
(صالح) وقد انهار تماما وصوته بدأ يعلى: ... امييييييي لاااااااا فوووقى  بقلك فوووقى والنبى ما تسبينى أنا بحبك اوووى انتى كل ما لياااا فوقى
دخل علي صوته الدكتور والممرضه وقال: ... أهدى يا صالح هيا استريحت حرام اللى بتعمله ده انت كدا بتأذيها
(صالح) ورفض كلامه بشده: ... لالا أنا معذبتهاش هيا كدا اللى هتعذبنى ببعادها عنى عشان خاطرى قولها تقوم أنا من غيرها ولا حاجه ولا حاجه
الدكتور وشاور للمرضه وقالها:.... هاتى حقنه مهدئه بسرعه  داخل على انهيار عصبى بسرعه.
الممرضه جابت الحقنه وراح الدكتور علشان يديها لصالح
(صالح) وهوا بيبعد عنه :... اوعى كدا أنا عااااايزاهاااا تفووق مش عايز حقن فوقها وهاخدها ارجوك انت متعرفش أنا هبقى لوحدى ازززااى من غيرهاااا
الدكتور وقام ناده على اتنين ممرضين علشان يمسكوه
وفعلا مسكوا صالح وكتفوه والدكتور اداله حقنه مهدئه
والدكتور لما عرف أن ملهومش حد جاب ناس تغسلها فى المستشفى لغايه ما صالح يفوق
(صالح) وهوا بيفوق أنا فين وفجأة افتكر كل حاجه وقعد يعيط كتيير وبيقول: .... هبقى مع مين دلوقتى انتى كمان سبتينى انتى كمان اتخليتى عنى وسبتونى كلكم لوحدى
صالح وهوا بيكلم نفسه ... انتى مقولتليش انك هتسبينى هعيش ازاى بعدك طب قوليلى دلوقتى مين هينصحنى
ومين هيشجعنى
يارب ارحمها واغفر لها وادخلها فسيخ جناتك يارب
( ربنا يرحم امواتنا جميعا)
..الدكتور دخل على صالح لقاه فاق وبيعيط ..
(الدكتور ):.. صالح أنا عارف انكوا ملكوش حد وانت كنت نايم بسبب المهدأ اللى عطتهولك فانا غسلت والدتك مش ناقص حاجه غير أننا ندفنها عشان إكرام الميت دفنه
(صالح) وهوا فى الاوعى :...هتسبنى خلاص كدا بقيت لوحدى
(الدكتور) وهوا مشفق على صالح :.. مين قالك كدا أنا معاك ولو احتجت اي حاجه كلمينى
(صالح) وهوا يمسح دموعه ويقوم من السرير: .. شكرا يا دكتور
....وراح صالح دفن والدته وقعد جمب قبرها شويه وقالها وهوا بيعيط بقهره وحرقه الفقدان ..
اول يوم هخش البيت من غير ما تبقى موجوده اول يوم هخش محدش هيندهلى زي عوايدك وتقوليلى حبيبى يا صالح حمد الله على السلامه يلا عشان تتغدى
مين هيهتم بصحتى بعد كدا يرضيكى يعنى انك تسبينى وتمشى
البيت هيبقى وحش اوووى من غيرك من غير حسك فيه ومن غير دعواتك ليا ولانصايحك ولا دفئ قلبك
الله يرحمك يا امى الله يرحمك ويقوينى على فراقك
..روح صالح البيت واول مدخل ...
(صالح) وهوا مخنوق بالعياط: .. ياااه يا امى ريحتك فى البيت يارب صبرنى وقوينى على فراقها وارحمها ارحمها هيا تعبت فى الدنيا ريحها يارب فى الاخره
ودخل صالح على أوضته ونام .
الفراق فى كل حالاته صعب فقدان ناس عزيزه عليك فى حد ذاتها صعبه ما بالك انت بفقدان ام الام التى لا تعوض فى حنانها وفى طيبه قلبها وفى اهتمامها بيك من اول مكنت طفل لغايه متبقى شاب كبير واعى لكل تصرفاتك اهتمامها عمره مبيقل لغايه بتموت بتفضل شايفه ابنها طفل فى نظرها فتهتم بيه وتعلمه وتنصحه وتصحح أخطائه وتشجعه نظره منها بتخلي يومك جميل ومبهج
وبفقدانها كل ده بيروح ومبيتعوضش..
..تانى يوم الصبح صحى صالح على جرس الباب قام وهوا تعبان وفتح الباب وشاف ...
صالح وهوا مش مصدق .. مش معقول
(هي) :... اي رايك فى المفاجأة دي اومال فين طنط
(صالح): .. لو كنتى جيتى بدرى شويه يا الاء كنتى لحقتى تشوفيها
Flash back
الاء جارت صالح من زمان باباها ومامتها متوفين من زمان مرتاحه مديا معاها دكتوراه فى علم النفس تخصص ادمان وحالات نفسيه وجالها منحه من كليتها أنها تسافر ألمانيا تعمل الدكتوراه هناك فوافقت ورغم انها ممكن تعيش فى مكان راقى إلا أنها رفضت وقررت تعيش فى البيت اللى اتربت فيه وبتعتبر مامت صالح زى مامتها  لأنها كانت طيبه معاها وبتعتبر صالح اخوها وبتحبه جدا وهوا برضوا بيعتبرها أخته واكبر من صالح ب4 سنين
Back
(الاء): .. يعنى اي هيا كويسه فيها حاجه
(صالح) وهوا عيونه مليانه دموع :... ماما ماتت يا الاء سبتنى لوحدى وهيا عارفه انى مليش فى الدنيا غيرها
عارفه يا الاء أنا زعلان منها اووى أنا امبارح نمت علشان تجينى فى الحلم مجتليش هيا كدا زعلانه منى ولا اي.
الاء وهيا بتعيط ومنهاره لانها كانت بتعبرها زي ما مامتها فى حنيتها وطبيتها وخوفها
(قالت )فى انهيار: .. البقااء لله يا صالح شد حيلك وبعدين منا معاك اهو مش انت دايما تقولى انتى اختى ولا اي
وبعدين هيا مش زعلانه منك طنط مكنتش بتزعل منك يا صالح كانت بتحبك اووى ربنا يرحمها
(صالح): ...يارب ارحمها برحمتك معلش نسيت أسألك
جيتى امتى وانتى مش قايله انك هتعيشى هناك
(الاء): ..لسه واصله حالا فعلا أنا كنت هكمل حياتى هناك وبالاخص لما اشتغلت وجبت شقه ليا هناك بس انتوا الصراحه وحشتونى اووى ووحشنى بيتى هنا وقولت اجي اقضى الاجازه هنا معاكوا بس ملحقتش اشوف طنط ربنا يرحمها
(صالح) وهوا زعلان: ... سبحان الله يمكن ربنا عمل كدا علشان محسش انى لوحدى بعتك ليا لان مش هستحمل بعدها عنى وهموت
(الاء) :.. بعد الشر متقولش كدا متعرفش انت ربنا مخبيلك اي
(صالح): .. أنا هنزل شغلى دلوقتى هجيب غدا نتغدى سوا
(الاء): .. شغل انت بتشتغل اي
(صالح) :..شغال جرسون فى كافتريا
(الاء ):.. ربنا معاك متجبش غدا من برا انت ناسى أن طنط الله يرحمها كانت معلمانى شويه حاجات كدا هحضر الغدا لغايه متيجى ونتغدى سوا صحيح انت حفله تخرجك امتى
(صالح )... حفله اي بقى مش هروح أنا هستلم الشهاده من الكليه وخلاص
(الاء): ..لا هتروح ازاى مش هتروح يعنى
(صالح): ..عايزانى اروح ازاى وامى لسه ميته مش هيبقى ليها غير شهر
(الاء) بتصميم: ... لا هتروح وهتتكرم وهتتبسط علشان  طنط كان امنيه حياتها تشوفك وانت لابس بدله التخرج وبتستلم شهادتك انت هتروح يا صالح وهتجيب هدوم كمان
(صالح) بيبصلها وافتكر امنيه مامته وحلمها انها تشوفه قرر وقالها: ... أنا هروح وهلبس البدله وهروح قبرها وافرحها أنا عارف انها هتفرح اووى هيا وبابا الله يرحمهم
..نزل صالح شغله وبعد شويه اتصدم من اللى شافه..
لقى احمد وشلته بيقعدوا على الطرابيزه ..
راح صالح علشان يشوف شغله وقال اتفضلوا تتطلبوا اي
احمد وهوا بيرفع عينه واتصدم نفس الصدمه وقال فى سره ده فرصه علشان ادمرك احمد وهوا قايم يخضنه :...صالح حبيبى عامل اي  وحشنى مكنتش اتوقع انى اشوفك
(صالح )من غير ما يبادله الحضن منساش صالح اليوم اللى روح بيته مكسور بسببه وقال وهوا بيبعده: .. انت عارف أن لو مكنتش فى شغلى كان زمانى وريتك على اللى عملته معايا بقى تكدب عليا  وتقولى أن أية معجبه بيا وتطلع مش معجبه بيا اي الغل اللى جواك ده بس
(احمد) وهوا بيحاول تبرير اللى حصل: .. والله يا صالح أنا قولتلك اللى حسيته وعلفكرا هيا معجبه بيك بس انت لازم تغير لبسك وتهتم بنفسك اكترر وتفهم دماغهم وتصاحب بنات عشان تغير عليك وكدا
(صالح) وهوا ينظر ليه بكره: ... ومين قالك بقى أنى لسه بحبها أنا مبقتش اكره فى حياتى ادها
وغلط صالح فى الكلام ونول احمد فرصه لتدميره وقال صالح :..ده انا نفسى اكسرها زي مكسرتنى نفسى تندم انها فى يوم رفضتنى وده هيحصل
(احمد )وهيا ينظر ليه بشر: ... وانا هساعدك فى كدا علشان هيا مغروره ومتكبره وشايفه نفسها اووى أنا هخليها تندم على رفضها ليك لما هتشوف صالح تانى خالص
أنا هعلمك تلبس وتكلم بنات وتفهم دماغهم وتفكيرهم وأبقى أنا كدا بصلح سوء فهمى معاك اي رايك
(صالح) والانتقام عماه ونسى أنه عايز يدمره وقال: ... أنا موافق
واتبادلوا الارقام ..
ويوم التخرج دخل شخص بكامل أناقته وبكل غرور وتكبر وهوا لابس بدله التخرج وفجأه وبدون مقدمات خبط في ..........
يتبع.....