،،جعلتنى مدمنا،،

البارت السابع

(احمد) بصدمه وخوف قال:....انت 
ابتسم الشخص ابتسامه ثقه وقال: ...اي رايك فى المفاجأة دي حلوه صح
(احمد )فاق من صدمته وقال:... انت ازاى وسكت
ضحك صالح بشده وقال:...مالك كدا لا اجمد لسه المفاجأت كتير .
(احمد):..انت اللى عملت كدا حطيتلى الشنط فى شنطه العربيه أنا مش هسيبك خليك عارف كدا كويس أنا هقول انت اللى حطتيلى الشنط فى العربيه علشان تنتقم منى
صالح والابتسامه مازالت على وجه قال:...لا اتكلم حلو علشان مندمكش بص لنفسك انت فى القسم متهم فى قضيه مخدرات وسلاح وبعدين مش انا اللى حطيت الشنط أنا بس اتفرجت عليك وهما بيقرروا يخلصوا منك كنت عايزك تتعذب زي ما اتعذبت سنه بحالها بتعذب وانا بتعالج من الأرف اللى كنت بتخلينى اخده
(احمد) اتفاجأه بصدمه تانيه وقال:... مين دول اللى عايزين يخلصوا منى.
(صالح) وهوا بيقعد على الكرسى قال: ...تعالى اقعد كدا علشان القعده مطوله.
أنا هقولك كل حاجه علشان تعرف انى طيب
احمد وهوا بيقعد بصمت ..
(صالح )وهوا بيتكلم بنفس طريقه الكلام اللى كان احمد بيتكلم بيها وهوا شمتان فيه وقال:....الحكايه بدأت لما خلصت علاجى كامل وخرجت من المستشفى واشتغلت وبدأت أكبر وأقوى يوم ورا يوم لغايه ما بقيت صاحب اكبر شركه معمار فى ألمانيا فى الوقت ده منسيتكش ولا نسيت حقى بعت ناس تراقبك وتجبلى كل المعلومات اللى عايزها وفعلا حصل كدا وعرفت عنك حاجات كتير زي انك بقيت بتاخد كميه مخدرات من ناس وتبيعهم للشباب لا ومش كدا وبس انت بتشجعهم يشربوا ويدمنو وعرفت انك فاشل وملكش غير فى السهر والخروجات والكلام مع البنات المهم في يوم لما خلصت بيع الكميه اللى معاك وطلبت تانى وهما رفضوا علشان مبتدفعش كل فلوسك فلما رفضوا انت هدتتهم وقولتلهم انك هتبلغ عنهم وهما قرروا يخلصوا منك قبل متخلص انت منهم 
وضحك صالح وقال:....وانت بغباءك مأخدتش بالك وروحت خرجت وسهرت وهما حطولك الشنط دي وبلغوا عنك وانت شلت القضيه كلها لوحدك وانا معملتش حاجه غير كنت بتفرج بتسليه فلما عرفت انهم هيبلغوا عنك انهارده خدت اول طياره وجيت استقبلك
وطبعا هتقول لنفسك وانا قاعد معاك دلوقتى بصفتى اي
هقولك علشان مبقاش خبيت عنك اي حاجه
أنا لما بقيت صاحب شركه بقت معارفى كتير مش صعب عليا اخليهم يسبونى وانا بتفرج عليك وانت ضعيف قليل الحيله مش بايدك حاجه يمكن أنا كان بأيدى استسلم للادمان أو اتعالج واتعالجت لكن انت لا مفيش قدامك غير الإعدام
واقدر دلوقتى اقولك ان ربنا انتقملى منك من غير ما اشيل ذنب حد اي رايك فى حكمه ربنا بقى
(احمد )وهوا مصدوم من اللى حصل وقال:..... أنا عمرى مكرهت حد قدك وهطلع من هنا ومش هسيبك
(صالح )وهوا مبسوط قال:....ياااه متتخيلش أنا فرحتى ازاى دلوقتى وانا شايفك كدا
نفس الكلام لو تفتكر انى قولته وانت مصدقتنيش لكن أنا كانت قدامى فرصه اتعالج انت اي انت خلاص انتهيت أنت لاتموت من قهرتك لا تموت من حبل المشنقه وانا ارجح انك هتموت بقهرتك
وضحك صالح وقال وهوا يخرج من الاوضه :.... نفس الكلمتين اللى قولتهم ليا اجى الدور عليا انى اقولهولك
سلااام
...وبعد فتره من حبسه ..
..المحكمه حكمت بإعدامه وكدا الخير انتصر على الشر ....

(":وبكدا يكون صالح انتقم لنفسه بس من غير ميشيل ذنب اي حد وربنا هوا اللى اخدله حقه ووقف يتفرج عليه وهوا بيدمر زي ما دمره زمان بس الفرق الوحيد أن احمد كان قاصد كل اللى بيعمله لكن صالح حقه اجي من غير ميظلم حد حتى لو هوا ظلمه.....:")
راح صالح على شقته القديمه اللى فيها ذكرياته مع أمه اللى وحشته ونفسه يشوفها نفسه يقولها ابنك بدأ ياخد حقه .
دخل الشقه واول مدخل ابتسم وراح قعد على الكرسى وقال بصوت مهزوز:.... كان نفسى تبقى معايا يا امى أنا حققتلك حلمك فى انى بقيت مهندس كبير زي مكنتى عاوزه
يااه وحشتنى ضحكتك اوووى اكيد انتى فى مكان احسن من هنا بكتير ربنا يرحمك يا امى
وسكت شويه وقال: ...الدور اجى عليكى يا أية اوعدك انى اكسرك زي مكسرتنى ومش هتأثر بدموعك
أنا مش عارف ليه مش قادر انساكى ليه مش قادر ابطل احبك لييه رغم كل اللى عملتيه معايا بس اوعدك انى اوريكى عذاب على قد حبى ليكى...
وقام وقف وجتله فكرا وخرج من البيت
راح اشترى شقه فى حي راقى علشان يبدأ خطته وطبعا صالح كان وهوا بيراقب احمد كان بيراقب أية وعرف أنها اتغيرت كتيير بس بعد اي وكل اللى صالح عارفه أنه كل واحد هياخد جزاء ما عمل معاه ..
فاق صالح من شروده على صوت رنه تليفونه ..
(صالح) :..الوا ازي حضرتك يا عمى
(الشخص): ..أنا الحمدلله انت عامل اي
(صالح): ...بخير والله ها يا عمى طمنى ردت قالت اي
(الشخص )وهوا بيضحك: ....وافقت يا بنى هنستناك يوم الخميس انشاء الله
(صالح )بابتسامه خبيثه لتحقيق مراده قال: ..... هاجى اكيد .
قفل صالح مع الشخص وقال بضحكه: .... اقدر دلوقتى أقول إن الخطه بدأت
..وفتح تليفونه وكلم مروان ..
(مروان )وهوا بيضحك قال: ....اي يا يبنى نستنى ولا اي
(صالح) بابتسامه: ...معلش كنت بصفى حساب قديم
(استغرب) مروان وقال :... حساب اي اوعى تكون فكرت تانى فى فكره الانتقام احنا مصدقنا انك ارتحت يا صالح
(صالح): ....أنا مش هرتاح غير لما انتقم واخد حقى منهم
وبعدين اسمعنى بس هحكيلك كل حاجه
(مروان) بضيق:...احكى
(صالح) وقد بدأ يحكى له كل حاجه حصلت من ساعه وصوله القاهره وحبس احمد لغايه موافقه العروسه اللى اتقدملها
(مروان )وهوا مبسوط علشان ربنا خدله حقه من غير ميشيل ذنب حد :....الف مبروك يا صالح شايف حكمه ربنا خدلك حقك وانت واقف تتفرج عليهم تخيل سعادتك دلوقتى علشان ربنا خدلك حقك
انت عارف لو كنت انت اللى حطتله المخدرات دي وأنه كان فعلا معملش حاجه كنت هتفضل حاسس بالذنب علشان هوا معملهاش واتسجن ظلم حتى لو هوا ظلمك بس انت اخلاقك متسمحلكش بالظلم فربنا عمل كدا علشان يريحك..
(صالح) وهوا مبتسم: ...فعلا عندك حق يا مروان قولى الاء عامله ايه وجود وسند
(مروان ):.....كويسين الحمدلله بيسلموا عليك
(صالح ):... الله يسلمهم افتح كدا مايك التليفون
(مروان): ...طب استنى
(مروان):... ها اتكلم
(صالح):.... الاء مش انا اتقدمت لعروسه وهيا وافقت كمان هتحبيها اووى يا الاء
(مروان) :...اها صح انت قولتلى بس انا فرحتى بأن ربنا خدلك حقك نستنى اباركلك حبيبى الف مبروك وربنا يتمملك بخير مين اللى مامتها دعيالها دي
(الاء ):...الف مبروك يا صالح وربنا يتمملك بخير يارب مين قولى يلا
(صالح) وهوا بيضحك بسخريه: ...هيا من ناحيه مامتها دعيالها فهى دعيالها
هقولك يا الاء
.....العروسه تبقى أية .....
يتبع......