،،جعلتنى مدمنا،،

البارت التامن

(صالح) وهوا بيضحك بسخريه: ...هيا من ناحيه مامتها دعيالها فهى دعيالها
هقولك يا الاء
.....العروسه تبقى أية .....
(الاء) بخوف ظهر على وجهها: ....انتتت بتقول اي يا صالح مش دي اللى جرحتك وكسرتك زمان واهانتك قدام الناس
ودي اللى بسببها مامتك ماتت بقهرتها انت عارف انت كدا بتقولها اي بتقولها يا أية أنا معنديش كرامه
(صالح) بضيق :...الاء لو سمحت أنا عارفه كل ده وانا مش متجوزها حبا فيها لا أنا متجوزها علشان اقدر اكسرها وأذلها واخد حقى منها كامل
(الاء) بترجى: ...صالح سيبك منها يا صالح انسى وأبدأ عيش حياتك بقى منغير تعب ولا ضغط انت انتقمت من اللى اذاك وضيع سنه من عمرك وانت بتتعالج لكن بلاش جواز من اللى اسمها أية دي بلاش
(صالح) بهدوء: ...الاء اسمعينى أنا خلاص أنا كلمت أهلها وهيا وافقت زي الغبيه فكرت أن ممكن انسى واتجوزها
ورايح ليهم يوم الخميس واتصلت علشان اعرفك لو عايزه تجي معايا انتى ومروان
(الاء )بغضب: ...لا هيا وافقت علشان فلوسك وافقت علشان انت بقيت شكل ومركز وحاجه كبييره مش علشان بتحبك أو هيا نفسها تتجوزك فتنسى انتقامك وتوافق
وبعدين انت قررت واتكلمت مع ابوها وهيا وافقت ولسه قايم تقول دلوقتى لا مش هنيجى يا صالح
(مروان) :...أهدى بقى يا الاء مش كدا
(صالح )بهدوء :.. خلاص يا مروان سيبها أنا هروح لوحدى أنا كدا كدا علطول لوحدى مش حاجه جديده عليا يلا سلام
وقفلوا مع بعض وصالح قعد يفكر يا ترى كلام الاء صح 
وشويه وقال لا أنا صح أنا لازم علشان اعرف اكسرها اتجوزها وهتشوفوا كلكم أنا مش هضعف قصاد حبى ليها مش هضعف ابدا
اجي يوم الخميس ...
صالح بيجهز نفسه لبس قميص ابيض وبنطلون اسود وسرح شعره وحط البيرفيوم الخاص بيه
..وفجأة الجرس رن ...
اول ما فتح صالح قال:...مش معقول انتوا
(مروان ):....ايوا يا عم الاء قعدت تعيط وتقولى أنا مقصدتش وقعدت تزن علشان تنزل مصر تحضر قرايه الفاتحه معاك.
(صالح) وهوا بيضحك من قلبه: ....وده العشم برضوا أنها متسبنيش لوحدى ده اختى يا مروان مش جارتى لا
(الاء ):....متزعلش منى يا صالح اللى انت شايفه صح وبدال مرتاح خلاص مقدرش اقول حاجه.
(صالح )وهوا بيحضن ولاد مروان والاء:...أنا مبزعلش منك يا الاء قولولى وصلتوا امتى مصر
(مروان )بأرهاق وبيقعد على الكرسى:...عايز اقولك أن احنا لسه واصلين حالا واول ما وصلنا روحنا البيت حطينا الشنط وجينا عليك .
(صالح )وهوا بياخد مفتاح عربيته والموبايل وجايب بوكيه ورد كبير باللون الابيض وعلبه شوكولاته قال: ....طب يلا علشان منتاخرش
(الاء) بضيق قالت :...ورد وشوكليت اومال لو كنت مبسوط بالجوازه دي كنت جبتلها اي
(مروان )بصوت عالى نسبيا:...الاء احنا اتكلمنا فى الموضوع ده وخلصنا يلا علشان منتاخرش.
(صالح) وهوا بيرد على مروان :...يلا يا مروان
ووصلوا البيت ودخلوا قعدوا فى الصالون وسلموا على العيله بس هيا لسه مشفوهاش..
(الاء )قالت بشبه ابتسامه: .... اومال العروسه فين مشفنهاش يعنى .
عماد(والد اية)...قومى يا سهى هاتى أية
سهى (والده أية)...حاضر
..فى أوضة أية...
(أية )وهيا مبسوطه جدا:...أنا مبسوطه يا ميار مش قادره اوصفلك شعورى دلوقتى أنه سامحنى وهيتجوزنى
(ميار): ...ربنا يسعدك يا قلبى
(ساره) بتحذير:...خلى بالك يا أية علشان أنا حذرتك أنا خايفه من صالح ده مش ممكن يكون سامحك من غير متتكلموا وتتعاتبوا وانا حذرتك وقولتلك كدا بس انتى مصممه..
(أية) وقد بدأ الخوف يتملك منها :....ساره بالله عليكى متخوفينى انا واثقه أنه مش هيأذينى اللى بيحب مش ممكن يأذى حبيبه
(سهى) دخلت عليهم الاوضه وقالت:...يلا يا أية الناس عاوزين يشفوكى.
(أية ):..ناس مين صالح ملوش غير مامته
(سهى) بحزن: ...لا ده مامته ماتت واللى جاى معاه جارته بس زي أخته وجوزها وولاده
(أيه )وحزنت عليه:... الله يرحمها
...وخرجوا من الاوضه....
فى الصالون كانوا قاعدين مستنين دخول أية
دخلت أية الصالون وشافت صالح قاعد نظرت له نظره حب ..
وقالت فى نفسها هوا ازاى اتغير كدا ازاى بقى حلو كدا بقى شيك جدا فى لبسه وفى كل حاجه بيعملها وعنيها جت على الورد واستغربت ازاى عرف انى بحب الورد الابيض وقالت فى نفسها ياريت يكون فعلا سامحنى على اللى عملته فيه زمان..
(صالح) اول ما دخلت أية شاف واحده لابسه فستان رقيق
لونه اسود واللى صالح اتفاجأه بيه هوا لبسها للحجاب كان مبسوط جداا لدرجه نسى انتقامه ليها والميك اب هادى خالص وقال زي القمر يا اميرتى
(أية) سلمت على الاء اللى سلمت عليها من غير متبصلها
وقعدت على الكرسى
(صالح )وهوا بيتكلم بهدوء: ....عمى أنا اتقدمت لأية وحضرتك وافقت صح.
(عماد):...ايوا يا بنى أنا وافقت بعد موافقتها
(صالح):...طب أنا مش هعمل خطوبه احنا هنتجوز علطول
(عماد) برفض:...ازاى يعنى مش المفروض خطوبه وبعد كدا تتجوز ليه السرعه
(أيه )وقلبها اتقبض بعد ما قال جواز علطول بس طمنت نفسها بأنه بيحبها..
(صالح )وهوا يقنع عماد:..يا عمى أنا عارف اية من ايام الجامعه يعنى مش هنحتاج الخطوبه دي فى حاجه وبعدين أنا جاهز عندى شقتى بالعفش بكل حاجه أنا مش عايزه أية غير بشنطه هدومها
(عماد): ....ازاى يعنى يا صالح مش هينفع أنا هجهزها زي اي بنت بتتجهز
(صالح) :..يا عمى البيت فيه كل حاجه ولو حضرتك مصمم حطهم لأية فى حسابها فى البنك اي رايك
(عماد) بغير اقتناع: ...بس
(صالح): ...من غير بس يا عمى ده الحل الوحيد ونسأل أية
(صالح )بابتسامه سخريه وهوا بيسمع باباها بيسألها عن رأيها وهوا واثق انها موافقه
(عماد):...اي رايك يا أية
(أية) وعنيها على صالح: ...أنا موافقه يا بابا أنا عارفه صالح من ايام الجامعه متخفش يا بابا
(عماد ):..بدال موافقه خلاص مبروووك يا ولاد
(صالح) بأبتسامه لقرب الانتقام: ...الله يبارك فيك يا عمى
قروا الفاتحه وروحوا واجي معاد الفرح عملها فرح كبير وكانت ايه مبسوطه جدا بأنها هتتجوزه
صالح كان لابس بدله شيك جدا وسرح شعره وحط البيرفيوم .
وأية كانت لابسه فستان ابيض رقيق والطرحه كانت اميره تختطف القلب.
والفرح عدى بسرعه وروحوا البيت
فى البيت صالح وهوا بيقفل الباب ....
(أية )بتتكلم وهيا مبسوطه وقالت:....أنا مبسوطه اووى يا صالح اننا اتجوزنا وانت سامحتنى على  اللى حصل زمان وقبل متكمل باقى كلامها كان
(صالح )بغل سنين ووجع وكسر وقام فجأة ضربها بالقلم:...
يتبع ......