صــــنــــع مــــنــــي دمــــيــــتــــه👱‍♀️⛓|🇲🇦

7

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 71📖💜
جايكوب: لا..
لوبي: اذن ماعندي ماندير بماضي خايب و مافيهش إنسان تنتيق فيه
جايكوب وقف فالسطوب و شاف فيها: حتانا ماعندي مندير بحتا شي بلاصة مكايناش فيها نتي..
لوبي شافت فيه: بغيت نزيد نتدرب كتر باش نقدر نكون سلاح بجنبك...
جايكوب بنظرة غريبة ممفهوماش حط يدو على يدها و ديمارا ثاني...

فالكازينو التابع لمافيا البلاكجاك و لي هو ملتقى لمافيات خرين ايضا كان المكان جددد صاااخب عاامر بالشخصيات الغنيية الكبييرة و لي دايرين بصمااتهوم فالتجارات السودااء و فنفس الوقت فأعماال معروفة فالبلاد..العاهراات فكل مكان تيسربيو فالمشرووبات و يضوورو الزبائن اشكاال و انواع لي حبيتي واش كاين فالجانب الآخر كاين صمت كبييير فطاولات القمار لي تيبغيو تركييز اكتررر مع المبالغ الخيالية الكتييييرة لي تيقمروو عليها فوق الطاولة كل ليلة! حتى وصل جايكوب و لوبي لي ركن طونوبيلتو فالباركينغ و هبط غادي داخل و هي بجنبو تتشوف بعويناتها قوة الاضوااء و مكان اول مرة تشوفو فحياتها...
تحل الباب المزدوج و زوج كاردز تحناو ليه..كلشي تجمع فزوايا الكازينو محركين ريوسهوم كتحية..مع الدخلة كانت شجرة الكريسماس محطوطة فالجانب و الاضواء و دروج من زوج جوايه منقوشين بالذهبي و طالعين لفندق الكازينو...
جايكوب شاد فيد لوبي حتا سمع حس صباط تيهبط من الدريجات و تلفت ليه...
كان راجل خمسيني مهييب بكومبلي ديالو باين عليه الثرااء مبتسم حتى وقف عليهوم...
لوكاس: مستر دراغون شرف كبير تشرفنا الليلة
جايكوب سلم عليه: شكرا..لوبي هادا لوكاس مول الكازينو..و عضو فالبلاك جاك
لوبي شافت فيه بعينيها الباردين: هاي
لوكاس حدر عينيه فالشدة ديال جايكوب فيها و طلع عينيه هاز حاجبو بعدم تصديق ماقادرش يخبي استغرابو قدامهوم تيشوف فالعنصري ضد البيض لي ماحاملش شعرة فالبيضين شاد فوحدة منهوم دابا بل تيقدمها بكل هدوء ليه؟!!
لوكاس بابتسامة مريبة: تفضلو طاولتكم حدا طبلة اللعب..اه و فادر ماجاش؟؟
جايكوب: خليتو فالطريق واحد شوية يكون هنا..لوبي زيدي معايا..
لوبي حسات بيدو لي تحطات على ضهرها و مشات للقدام غادية بجنبو تابعاه فقط ماعارفاش فين تحت انظار الكل لي مصدووووومين اكبر صدمة لهاد العام انه الدراغووون العنصريي ضد البيييض هاهواا مرافق شقرااء كيف الثلج....
لوكاس تمشا لحدا بودرة مزوقة بالذهبي و جات حداه ريبيكا دارت عليه يدها...
ريبيكا: لوكاسيتو..واش هاداك دراغون شكون هاديك لي معاه؟؟
لوكاس شدها من خصرها: مقدرتش نشوف ملامحها مزيان ولكن هيا بيضة و شهبة (تلفت لريبيكا) هادشي متيصدقوش لعقل
ريبيكا مندهشة: اكييييد حتى من سمراواتنا مساكن شفتهوم تشوكاو ههه فلت ليهوم الدراغون و مع من مع عرق متيحملوش
لوكاس دار السيكار ف فمو و عينيه عليه: عندي احساس بلي قريب نلقا نقطة ضعف د دراغون..
ريبيكا: زعمة ديك باربي لي معاه؟ ههههه
لوكاس تيشير عليه بالسيكار: هاديك..بلاتي فادر المشلل هاهواك جا..خصني نستاقبلو ههه
لوكاس حل ذراعيه: اووه فادر باقي تتبان شباااب..
فادر بتاسم: لوكاس تدير فيها بحالا كبر منك بزاف
نويل موراه هازة راسها تتقلب على جايكوب حتى لمحاتو واقف تيوجدو ليه طاولة اللعب و شعر اشقر باين حداه صغرات عينيها فلوبي لي كانت تتحرك فراسها بشوية متفحصة المكان...
لوكاس: اووه الانيقة نوييل (بابتسامة خبيثة تلفت لريبيكا و شاف فنويل) تتباني زوينة بزااف
نويل فاقت من سهوها: ا ااه شكرا ا لوكاس
ريبيكا جبدات الكارو ديالها شعلاتو و بدات تنشر فدخانها: جايكوب سبقكوم هاد المرة مع واحد المفاجآة و وجه جديد فالبلاك جاك
فادر: لوبي عضوة جديدة معانا
لوكاس تلفت ليها تيقاد الجيلي: عجيب ان دراغون يتمشا برفقة بنت شهبة بيضة ولا اش بان ليك ا ميس نويل (هبط راسو تحنا)
نويل هزات راسها: مجرد عضوة جديدة
فادر صغر عينيه فلوكاس: ماجاوكش مواتيين مع بعضياتهوم؟
لوكاس تيحك يديه و خاتم بحجر كريم كبير فصبعو..
لوكاس هز عينيه لهيه: فادر.. هاهياك جاية اخيرا غانتشرف بمعرفتها
لوبي بانو ليها فادر و هانك جاو سلكات طريق بين الناس تمشي لعندهوم حتى فجأة حسات بشدة عنيفة حول خصرها خرجات عينيها فالأرض فور ما شافت يدين بيضين على كرشها عمرها شافتهوم و عطر رجولي عمرها شماتو...
شاب رقيق بكوستيم انيق و القاميجة محلولة للكرش بسنسلة طويلة...
الشاب: همممم شحال زوينة امممم اول مرة نشوفك هنااااا
لوبي تتدفع فيه و تفك بملامحها الغاضبة: طلللق منييي طللللق غنقتلللك طلللق ماتقييسش فيا!!
الشاب دخل نيفو فعنقها و خرج لسانو تيلهث و ريحة الشراب تتفوح منو و مزيرها بالجهد عليه..دار يدو فحجرو تيحل السمطة و هوا دايخ..زاد زيير على خصرها ملصق مؤخرتها على رجولتو حتى بدات تتحس بالفردي لي محطوط فسمطة سروالو و بخفة دخلات يديها موراها حتى جبداتو و بدون تفكير هزات راسها تتشوف فيه حاطة الفردي على تحت ذقنو ضاغطة على الزناد حتى تشرشرو الدمايات..طاح الرجل جثة هامدة و ما برداتش خوات فيه كاع الرصاصات لي فالفردي عاد لاحتو فالأرض بتنهيدة تتقاد شعرها و البوندو ديالها ببرود..تحت انظار الرجال و النساء لي حلو فامهوم بدهشة...