صــــنــــع مــــنــــي دمــــيــــتــــه👱‍♀️⛓|🇲🇦

15

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 152📖💜
جيهان داخلة للمقر د الصحافة..تتقرب للبيرو ديالها و باشما تتقرب تتسمع لغوات و لبكا و نحيط..بقات تتطل مع لكولوار بان ليها المدير واقف تيطل من لبيرو... تلفتات لجايمس لي كان موصلها بلاصا و جا موراها...
جايمس وقف: جيهان..اش واقع ؟
جيهان ضارت لعندو: ماعرفتش بحالي بحالك غير سمعت البكا و الغوات وقفت
جايمس تقدم و تبعاتو جيهان حتا وقفو عليهم...
سالي غا شافتها شدوها جنونها و لاورا تتشدها: هياااا هيا السبب عتارفي بلي نتي لي باغة تخرجي علياااااا
جيهان هزات حاجبها باستغراب و شافت فالمدير: اش واقع هنايا؟ مال هادي؟
المدير: ميس سالي تتقول بلي نتي لي قطعتي ليها القصاصات د الاخبار..هادشي مهم الا متنشرش غدا غايسبقونا صحافات خرين..
جيهان بان ليها الطارو كولو مخوي فوق البيرو...
جيهان بواحد التعبير بحال المسكينة: هادي ا مستر من لبارح فاش بديت و هي تضور ليا حتى من كاس القهوة واش كباتو ليا على ملفي واش مشيت تشكيت ليك منها؟ كمدتها فقلبي و قلت نسكت مانحشمش ب جايمس لي طبر ليا على خدمة
جايمس معنقها لعندو: مستر..انا متأكد جيهان متقدرش تدير هاكا واش متأكدة ا سالي مكاينش خطأ؟؟
سالي بغات تنقز عليها تتباكا و لاورا تتشدها: شوف تتدير راسها ضحية..شنو زعما انا حماقيت و غانقطع خدمتي شهر وانا معاها مستر راه تيدااافع عليييهااااا
جيهان بحزن: ماشي حشومة عليك باغية تخرجي ليا على خدمتي و انا عاد بادية فيها غير البارح!
المدير: سالي !!! بغيت دابا تفسير لهادشي لي وقع اش هاد الصبيانية واش نتي ممستاوعباش بلي هادي خدمتك؟؟؟
لاورا: مستر..راها هاديك السبب هادشي عمروو وقع هنا
سالي بغات تدوي وقاطعها جايمس...
جايمس: سالي منسمحش ليك تبرري عدم مسؤوليتك و ترميها على جيهان!
جيهان مخشية فجايمس بحال المسكينة المظلومة...
سالي بغات تدوي وقرب منها جايمس: هادي اخر مرة تتجاوزي حدودك مع جيهان!
المدير: سالي..لتاحقي بيا للبيرو..
سالي فاتت جيهان دفعاتها و تبعات المدير و تبعاتهوم حتى لاورا...
جيهان دخلات البيرو ديالها عاد غاتبدا تبكي و شدها من ذراعها و شاف جيهة لباب...
جايمس: علاش درتي هكا؟؟
جيهان حييدات تعبير المسكينة على وجهها و عقدات حجبانها طالع ليها الدم مكاين لاش تمثل حتى قدام جايمس لي عارفها اش تتسوا غير فهاد المدة لي عاشرها فيها: ديييك ال&حبة خواات قهوة على ملفي بلعاني البارح و هدداتني هاداك انذار باش تعطيني بتيساع
جايمس شاد فجنابو غادي جاي: و مفكرتيش بلي ممكن تتفضحي وانا لي جبتك هنا هاه؟؟
جيهان: ماشي سوقي يا تجمع ك&رها يا نجمعو ليها بطريقتي!
جايمس ضحك بسخرية: صراحة معمرني شفت شي وحدة بقسوحية وجهك (قرب منها تيشوف جيهة لباب) كنت شوية و نثيقك كون ما عرفت اش درتي لبريندا..
جيهان: شفتي دابا عرفتي بلي العيب منهوم هوما لي تيجبدوني ماشي انا
جايمس شدها من خصرها تيشوف فعينيها: تيعجبني نشوفك دايرة دور الضحية..
جيهان هزات فيه عينيها: هي تتعجبك المرأة الضعيفة امم؟
جايمس: بلعكس..القوة ديالك فكونك تتقدري تبيني عكس شخصيتك فلحظات ممكن نثيقك
جيهان بتاسمات: امم شفتك باقي هنا مغتلحقش لخدمتك ههه
جايمس جر خصلة من شعرها: كيفاش نقدر نخلي وحدة بجمالك و نمشي نخدم..
جيهان خرجات ضحيكة خفيفة: خود راحتك غير لايصدق المدير راجع ليك ههه
سالي دخلات لقاتهم زاديين الريوس خنزرات فيهم و جبدات كرطونة من تحت لبيرو تتجمع فيها كتوبها...
جايمس شاف فجيهان: يالاه انا غانمشي نشوفك من بعد (غمزها)
جيهان بتاسمات ليه و جلسات فالبيرو ديالها متجاهلة سالي لي ماكرهاتش تقجها...
جايمس خرج و تلاقا بلاورا حبسها: اش واقع؟؟
لاورا جرات ذراعها منو: بدل ليها القسم و دابا انا مضطرة نتحملها معايا بوحدي بففف
لاورا مشات و جايمس شاف حتى عيا و مشا للبيرو ديالو...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 153📖💜
فقدام الروض ركنات طونوبيل كحلة قاتمة قدامو و خرجات منها لوبي لابسة ملابس جد عادية تتبين على بساطتها كإنسانة جاية تخدم ف روض بحيث لابسة سروال دجين ازرق مفتوح و تيشرت وردي..دخلات من البوابة كيف قالو ليها و مشات تتقلب بعينيها على المرأة المكلفة لي خص تدوي معاها..ضورات راسها فالمكان كان خاوي من الدراري الصغار و هادشي تيدل انهم يا تيلعبو فالداخل أو عندهوم فترة قيلولة بقات تتحرك فراسها بتوتر حتى وقفات عليها وحدة من العاملات تتسولها اش بغات...
لوبي بعدات منها بشوية: ا اناا ليزا جيت على قبل الخدمة انا لي دويت معاكوم البارح
العاملة: اه منقدرش نعاونك ولكن شوفي الكاتبة فالاستقبال..
لوبي: واخا تديني لعندها؟
العاملة هزات الشطابة ديالها و قربات من المكتب الكبيير فالرواق و اشارت بصبعها للكاتبة لي تتفلي شي وراق و حداها واقف راجل بكوستيم انيق تيخنزر...
لوبي قربات منهوم: احم جيت على قبل الخدمة
الرجل شاف فيها و خرج من البيرو تيهبط و يطلع و يشوف الجناب و الشعر: فكريني بسميتك؟
لوبي: ليزا
الرجل مد يدو للكاتبة لي تترعد و تلفت ليها: هادوك الزوجات لي ستاقلو بلا سبب غاترجعيهم خصنا نتفاهمو هادشي بلكونطرا ماشي تفلية..
الكاتبة مدات ليه ملفات شدهوم من عندها بجهد تيقلب فيهم: ليزا..جبتي التحاليل؟
لوبي باستغراب: اينا تحاليل؟
الرجل بدا تيتعصب: التحاليل دياولك اش هاد لكلاخ ثاني سيفطولينا..التحاليل بلي مفيكش امراض معدية!!!!
لوبي دخلات يديها فجيب الصاك و خرجات منو ورقة مطوية و مداتها ليه: شوف هادي
الرجل هز لورقة حلها بتعابير معوجة: اممم..(هبط نظاظرو) محتاجينك..مييس؟؟
لوبي: ليزا
الرجل: زيدي معايا (تيهبط فيها)
لوبي تابعاه حتا دخلو المصعد تتشوف فيه بنص عين مكرهاتش فديك اللحظة تصفيها ليه قبل من داك الطفل لي مادار والو...
الرجل دخل مع لوبي لمكان كبير تيتسمعو الاناشيد و صداع د الاطفال لداخل و المربيات غاديين جايين بالاطفال شي باغي طواليت شي تقيا شي خصو يبدل...
لوبي حطات يدها فوق الرسومات د لحيوط..كانو زرافات و اعشاب مرسومين و الحيط رطب..بتاسمات بدون شعور و سهات مع الرسوم تتمشا حتا حسات بخصلة من شعرها تقاست و عنقها بشي حاجة رطبة مبللة تلفتات بشوية ولقات اصبع صغير تيقيس فشعرها شافتها جمعات يدها..اليد صغيرة و مطبزة..الصبيعات منفوخين..كانت طفلة بطوينكاتها الصغار تترمش فلوبي هازاها مربية و فنفس لوقت تتحاول تهز فوطات من لرض...
لوبي شدات برفق اصبع الطفلة تتقربو منها و تتشوف ظفيرها صغير و يديها الرطبة حتا طلعات المربية هازة الفوطات: ايميلي شفتي اش درتي..سوري ميس...
المربية مشات و لوبي بقات دايرة عندها تتشوف فالطفلة لي بقات تتشوف فيها حتى هي و المربية هازاها غادية بيها..لوبي لاول مرة حسات باحساس جديد عليها بتاسمات و تنفسات بحال الى كانت حابسة النفس فدوك اللحظات رجعات اللور و تزدات مع الحيط.. فديك اللحظة نسات لاش جاية و شكون هيا و بالنسبة ليها حتا حاجة متتسوا ومعندها قيمة قدام هاد الاحساس الجديد عليها هاد الساعة..شافت جيهة اخر الكولوار..المربية مبقاتش تتبان ليها و هيا ساهية حتا سمعات غوات المسؤول لي فيقها من سهوها...
الرجل واقف مع المدربة: ميس ليزا..اش تتديري تما؟؟؟؟
لوبي زيرات على عينيها و يديها و تلفتات..تمشات لجيهتهم كانو واقفين قدام باب زجاجي مزدوج كبير..موراه تيبانو الاطفال تيلعبو و معاهم مربيات سهات تاني و بلعات ريقها...
المدربة شداتها برفق من ذراعها مبتسمة: ليزا..مستر انجيلو دوا عليك تنتمنا تكوني صبورة!!
لوبي هزات فيها عينيها بتوتر و كتافات بتحريك راسها بالإيجاب حاسة بلي الخدمة لي جات على قبلها عاد بدات...
المدربة دخلاتها تتشرح ليها و هيا متتسمعش عينيها تيتفحصو المكان حتا طاحو على طابلو كبير معلق فلحيط فيه اسماء الاطفال و حروف تترمز لكل طفل..هبطات عينيها ليهم كانو اربعة تيلعبو فالارضية و زوج متكيين فوق طابي د الراحة...
المدربة كملات هضرتها و شافت فلوبي: ميس تتسمعيني؟
لوبي فاقت من سهوها: ام ااه
المدربة: الاطفال هنا فاعمار صغيرة بقاي تردي لبال ليهم..الاسماء فالائحة و كل طفل عندو سمطة فيدو فيها الحرف ديالو..فهمتي؟
لوبي حركات ليها راسها: اه فهمت
المدربة عطاتها الطابلية لبساتها...
خرجات و خلاتها مع الاطفال و مربية اخرى تتقاد شي قصص فالخزانة..لوبي قربات من الاطفال تتشوف فالساعة البلاستيكية و تتقارنها مع اللائحة حتا تلفتات ولقات المربية هازة على يدها طفل و رضاعة: ميس..واش تتقلبي على شي حاجة؟
لوبي تتقاد فشعرها: غير البلاصة جديدة عليا
المدربة بتاسمات: واخا خودي راحتك انا غانمشي نقاد ل فيلي الرضاعة..
لوبي شدات فلحيط بيد تتحاول تخفي توترها حتى بان ليها طفل متكي..قربات تتقرا الاحرف و بدا تيحل عينيه و ناض جلس تيحكهم...
قربات منو بحذر و جلسات فالأرض تضور عينيها فالمكان...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 154📖💜
الطفل شاف فيها: ماما..بغيت ماما..
لوبي بغات تقرب منو و ترددات: ماماك؟
الطفل دار يدو الصغيرة على ركبتها: واش نتي الميس لخرى..ديني للدار بلييز (خرجات ليه شوية د لخنونة من نيفو)
لوبي جبدات كلينيكس من الطابلية و حاولات تمسح ليه نيفو بشوية: انا جديدة هنا
الطفل مسح نيفو و رجع حط يدو فوق ركبتها و دارت يدها على يدو تتقيسو و شافت فيه تيرمش فيها...
لوبي حسات بإحساس غريب ماعرفاتش كيفاش توصفو ولكن كانت مرتاحة لديك اللمسة الدافئة و اليد الصغيورة المحطوطة فوق من يديها...
الطفل جبد محفظتو و حلها..هز منها وريقة وراها ليها: هادي ماما شفتيها؟
لوبي تتشوف فالرسم الطفولي ديالو: و هدا نتا؟(اشارت للرسم الصغير لي حدا الام)
الطفل: لا..هادا خويا لي غتولد ليا ماما..تتقول بلي غنكون انا لكبير واش بصح؟
لوبي هبطات حجبانها بقلق: اه
الطفل حط راسو على ركبتها و بتردد دارت يدها فوق جبهتو لي كانت سخونة شوية ضرب بين عينيها كلام كايل...
#فلاش_باك
كايل: الا قتلتي لولد بلا أثر غانعطيك فرصة تدوي مع جايك ديالك
ايس بغا يدوي و كايل حبسو بيدو: اش قلتي؟
لوبي بلعات ريقها بتردد: و و واخاا
#نهاية_الفلاشباك
لوبي ناضت و الدري رجع لبلاصتو تكا تيشوف فيها بعيون ذابلين..حلات صاكها و جبدات قريعة د الاقراص هزات منها قرص صغير و تحنات..هزات ليه راسو بغات تعطيها ليه...فجأة تفكرات هضرة سوكا...
#فلاش_باك
لوبي شافت فيها بتسائل: انا ماعارفاش شكون هي ماما ولكن تقدري تقولي ليا نتي شنو هي الأم بالنسبة ليك؟
سوكا: الأم هي الدرع الحاامي و الشخص الوحيد لي مستعد يضحي بحياتو على قبل ولادو و لي تقطع طرف منها باش هوما يعيشو
لوبي بواحد اللمعة فعينيها: و نتي هاكا غتكوني مع بنتك لي بغيتي تولدي ياك؟
سوكا شافت فيها بصرامة: شوفي لوبي انا واخا فالحقيقة وحش آدمي متعطش للدماء و القتل و لكن حتال الوليدات الصغار عمرني قتلتهوم بل كنت تنعتقهوم هوما مجرد ارواح بريئة ماعندهوم حتى ذنب و الوحش الحقيقي هو لي تيآديهوم...
#نهاية_الفلاشباك
غمضات عينيها بألم و ضغطات بصباعها على القرص حتى فرتتاتو و ناضت وقفات شادة فشعرها: منقدرش..منقدرش..كايل غاتدفع ثمن هادشي!! باغي ترجع مني وحش بحاالك!!!
لوبي مشات للمكتب د المربية هزات ورقة و ستيلو و كتبات "ردو ليه لبال باغيين يقتلوه" و خشات ليه لورقة فمحفضتو و سداتها..شافت فيه لقاتو تيرمش فيها تحنات حتا باستو فحنكو و هبطات منها دمعة ماقادراش تخييل انها كانت غتقتل روح بريئة بحالو..مشات جيهة الشرجم تتطل لمحات طوموبيل عاسة عليها من لباب الامامي...
ضورات راسها فالمكان و خرجات تقلب على باب خلفي لي تهرب منووو مايمكنش ليها تبقا مع داك كايل ابدا خصها ترجع لعند جاايكوب لعند حبيبها و تعاود ليه كلشي...
لوبي هبطات مع الدروج مخلية المصعد بالزربة حتا وصلات للتحت تتدور فعينيها مزيرة على صاكها حتا بان ليها كولوار كبير و جرات معاه حتال النهاية و لقات باب د الاغاثة مسدود بقات مضاربة معاه حتا شافها عساس برا..تخلع و حل ليها لباب...
العساس شافها لابسة الطابلية د المربيات: ميس..ياك لاباس؟؟
لوبي: والوو غير خارجة
العساس مستغرب تيشوف جيهتها..لوبي بقات تتجري جايبة الدورة للروض حتا وقفات حدا الطروطوار تتهز يديها عشوائيا لأي طوموبيل دايزة حتا وقف ليها واحد مول الطاكسي هبط الزاج: فين غادية (تيهبط فيها)
لوبي تتشوف يمينها و شمالها: ديني عند جايكوب سربي عفاااك(ماعارفاش العناوين و الاتجاهات)
مول الطاكسي معوج ملامحو تيشوف فيها بانت ليه مسطية..طلع الزاج و ديمارا...
لوبي طلع ليها الدم و التوتر قاتلها ماعرفات شنو تدير من غير تتشيير للطونوبيلات..بقات هكاك محسات حتا تشدات من خصرها و كارد مكلضم غادي بيها بحال المونيكة فيدو تتخبط و لاحها فالطوموبيل و سد عليها تتضرب فالزاج...
ايس حيد نظاظرو حداها و تلفت ليها: فين كنتي غادية؟
لوبي خنزرات فيه: بععععد منيييي وا عطيوني بتيساااااع
ايس: بالطبع مدرتيش المهمة لي كلفك بيها مستر كايل؟
لوبي عطاتو بضهرها قالبة وجهها جيهة الزاج: عندي القلب ماشي بحالكوم
ايس بتاسم و شاف قدامو...
#تتمة
جايكوب فغرفة كبيرة فيها رجل كبير فلعمر بلبيسي ديالو و واقف حداه..يزيد جامع يديه فزاوية الغرفة...
جايكوب: وقتاش غايكون الانفجار؟..يزيد لوبي مكايناش فالمقر؟؟
يزيد: اه تفقدت جميع الكاميرات مكايناش
جايكوب: معرفتش فين مشات و متيهمنيش..مستر بغيت الانفجار يبين لكايل القوة د دراغون
الرجل طلع فيه راسو: ماتخافش ا مستر كلشي تحت السيطرة
جايكوب ربع يدو و رجع خطوة اللور...
لوبي دخلات للمقر و البوابة تسدات..ايس شاد فيها حتا فلتات يدو تتحك ذراعها...
كايل خرج للساحة الامامية تيبتاسم: لوبي..فرحيني بأول عملية ليك
لوبي خنزرات فيه: بعد مني نتا و عملياتك طلعتي ليا فراسي!!
كايل تيقرب و يشوف فيها و يشوف ف ايس: اش تيعني هادشي؟
لوبي بغضب: تيعني بلييي عطينييي بتيساااع!!!
كايل عاد غايتعصب و تسمع انفجار هز لرض من تحت رجليهم..ايس جر لوبي عنقها لعندو و كايل جبد لفردي..لكاردز تجمعو طووقو المكان...
جايكوب واقف حدا الغرفة تيكمي فالسيكار ديالو حتا خرج عندو يزيد و تلفت ليه جايك: كمل كلشي؟
يزيد بلع ريقو: ل لوبي كانت عاد دخلات للمقر
جايكوب بشوية عليه حتا تلفت كولو لعندو: شنو؟
يزيد: اجي تشوف الكاميرات
جايكوب ممستوعبش اش تيسمع دفع يزيد و دفع لباب جا للشارف لي واقف..جايك مبقاش قادر يدوي تيضغط: فين تيخدم هاد ال$لاوي!!
الشارف ضغط على زر بدا المكان تيبان حتا وقفها جايك على منظر لوبي بين ذراعين ايس و باين عليها الخوف..الاسعاف و الدخان معمر المكان و لكن ميمكنش توه عليه رجع خطوة اللور و تلفت: يزيد..شكون هاداك؟؟
يزيد جلس فوق الكرسي و زوما عليهوم: البرهوش لي ربا كايل هاداك
جايك: و كيفاش تجرأ يحط يدو عليها وهيا مخلياه بحال الا..خصنييي تفسير ا يزيد هادي جرأة كبيرة كان خصني نقتلهم كاااملييين!!!
يزيد شاف فيه: واش متتيقش فلوبي ا جايكوب؟
جايكوب شد فراسو: معرفت..ولكن رفضها ليا و دابا هادشي راه ميمكنش يبقا عندي شي عقل(شدو من لكول د قاميجتو بزوج يدين) فين المنطق فهادشي هاه؟؟
يزيد: المنطق هو اننا عاد فرقعنا جزء من مقرهوم و اكيد غادي توقع هزة و فزع غتكون تخلعات و هو لي تلاح عليها متنظنش تكون هي(تنهد)هادشي باين غير من كيفاش كانت لاصقة فيك
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 155📖💜
جايكوب غادي جاي: خصني نتهدن ا يزيد خصني نتهدن..بغيت نعطي كايل درس ولكن متوقعتش هادشي!!
يزيد جلس تيشوف فالكاميرات بانو ليه نايضين من الارض و الكاردز مضورين تما: تهدن تتبان ليا ماوقع ليها والو
جايكوب خلاه و خرج معصب فديك اللحظة باغي غير يلقا آيس حداه يفرغ فيه اعصابو...