صــــنــــع مــــنــــي دمــــيــــتــــه👱‍♀️⛓|🇲🇦

5

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 41📖💜
جيهان فمطار سان فرانسيسكو فكاليفورنيا بعدما حطاتها الطائرة الخاصة د المستر حاطة حداها زوج فاليزات ديالها و هزات تلفونها تتصوني...
جيهان: هاي مستر.. انا فالمطار دابا..
المستر جالس فالمكتب تاعو مخدم مكبر الصوت و تينحت فجوهرة: ايفانا.. تلاقيتي بالعميل ولا مزال؟
جيهان: لا هاني تنتسناه واش غيتعطل متنحسش بالأمان هنا (تتدور عينيها فالمطار)
يزيد هبط من الطائرة هاز فاليزتو و ملف ازرق بلاستيكي و جبد تلفونو تاصل...
يزيد: اه جورج انا عاد وصلت المطار (تيدور راسو) ميس صونيا..اه واش درتي معاها فشي مكان محدد؟
جورج: اه راها انسة راقية غاتبان ليك تتسناك حدا ساحة الانتظار.. لابسة دجين..
يزيد: طريقتك زوينة فلوصف..هاني غانقطع راها قدامي مباشرة..
يزيد قطع و تمشا بخطوات ثابتة...
جيهان جمعات تلفونها فجيب الدجين و تلفتات بشوية حتا بان ليها حذاء راقي و خطوات واثقة تتمشا جيهتها طلعات راسها بشوية متبعة الكوستيم ديالو لبلو مارين و العطر ديالو لي فاح و طلعات فيه عينيها و يدها لي كانت شادة لفاليزة طلقاتها و دارت لعندو عاودات هبطات يدها حتا لمحات الساعة ديالو الراقية و يدو لي تيقاد بيها الكرافاطة...
يزيد: ميس صونيا؟
جيهان عاضة فشفتها و شافت فيه: هاه؟
يزيد: انا يزيد (مد ليها يدو)
جيهان بتوثر سلمات عليه: صونيا.. متشرفة بيك
يزيد: جورج لي قاليا بلي نقدرو نثيقو فيك و نسلمو ليك الملف د المخطط..
جيهان تترمش فيه و متتسمعش اش تيقول مكتافية بشفايفو لي تتشوف تيتحركو..
يزيد: من بعدما تراجعيه سجلي ليا التغييرات لي وقعو فهاد عاماين فشبكة الكاميرات فالمنطقة متافقين (بابتسامة جذابة)
يزيد مد ليها الملف...
جيهان خداتو و عينيها تيلمعو شافت فالملف و عنقاتو لعندها: كون هاني مستر يزيد و وو
يزيد: و اش؟ دوي ممكن تستافسري على اي حاجة
جيهان: ام امتا غنشوفك ثاني؟
يزيد: نعم؟
جيهان: قصدت امتا غانجاوبك ملي ندير التغييرات على هادشي
يزيد بضحكة خفيفة قرب منها و شد فيديها و فالملف بجدية: شوفي.. هاد الملف ماشي هادشي ا صونيا.. هادي عملية مهمة بغيتك تقارنيه مع وضعية الكاميرات الحالية و تجاوبيني.. غاتلقاي هنا الرقم ديالي الشخصي لاي مستجد تواصلي معايا.. بلا منوصيك على المخطط..
يزيد بعد منها بابتسامة..
جيهان عينيها على ساعة يدو: ساعة بيغ بونغ الاصلية؟
يزيد شاف فيها بابتسامة و طلع يدو و غمزها و مشا...
جيهان سدات فمها مخرجة فيه عينيها حتا مشا راكب طوموبيلتو الراقية و تلفتات...
جيهان : ميمكنش انا تنحلم.. لا تنحلم..
جيهان حلات الملف تتقلب فلوراق: اش هاادشييي اش هااد تخربيق؟؟؟
جيهان جمعات الملف تتشوف فالطريق لي داز منها شادة شعرها لي مشعككاه...يتبع...

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 42📖💜
يزيد صايك طوموبيلتو و دار لكيت: الو بريندا
بريندا تتلبس طالونها جالسة فوق الفوتوي: توحشتك بزاف..شفتك متاصلتيش بيا و تشوشت عليك
يزيد بتاسم: لا انا وصلت بيخير قضيت الغرض غايخصني نمشي لوطيل شي يامات بينما نقاد شي وراق فالخدمة و نرجع.. ياك كلشي بخير؟
بريندا تتشوف فالساعة: امتا غاتجي تقريبا؟
يزيد: هاه معرفتش حسب السيدة لي خدامة معانا.. غانتسناها تراجع شي وراق و ملي غانقاد كلشي غنرجع.. ياكما خاصاك شي حاجة؟
بريندا وقفات لبسات المونطو تاعها و رجعات شعرها لور: ل لل لا لا.. غير توحشتك و بغيت ندوزو الكريسماس مع بعض بغيت تكون اول واحد نشوفو فالسنة الجديدة
يزيد: فالكريسماس غانجي كوني هانية غانكون ساليت خدمتي
يزيد بانت لو مكالمة اخرى داخلة...
يزيد: مضطر نقطع بريندا مكالمة دخلات اوكي
يزيد بتاسم و ضغط شاد الخط: الو جورج..
جورج: مستر يزيد.. فينك؟!!
يزيد: راني فطريقي للفندق..
جورج لي واقف فالمطار و الحال بدا تيظلام و حداه بنت بسروالها دجين و جاكيت هازة محفضة ورق صغيرة...
جورج: كيفاش راجع للفندق و ميس صونيا؟ (تلفت ليها)
يزيد: كون هاني.. راه شفتها و عطيتها الملف..
جورج شاف فصونيا و همس: تيقول عطاك الملف؟؟
صونيا باستغراب تتشير براسها ب لا...
جورج: ميمكنش ا مستر..ميس صونيا راها معايا دابا و تتقول ماخدات منك والو..
يزيد وقف الطوموبيل بالجهد: كيفااش؟؟؟ اش تتقول؟؟
جورج: يس الا متيقتيني هاهيا
جورج عطاها التلفون تتدوي و يزيد تيدور فعينيه: انا جاي عندكم متحركوش
يزيد دور الطوموبيل و رجع للمطار...
جورج: مافهمتش بالضبط اشنو وقع...
بعد مدة من الوقت...
جورج شاف لهيه: هاهوا جاي
يزيد خرج ساد الطوموبيل و جا تيجري لعندهم بالفيستة ديالو لي تيديها لبرد محييد نظاظرو...
يزيد: اش واقع هنا ا جورج؟؟
صونيا بتاسمات: و اخيرا تلاقينا ا مستر يزيد
جورج: الميس ا مستر شحال تسنات فيك
صونيا: لا ماشي مشكل(مدات يديها) انا صونيا مستر
يزيد متوثر: شكون نتي؟؟ (جمعات يديها و شاف فجورج) شكون هاديي ا جورج؟!!!
جورج باستغراب: هادي صونيا ا يزيد هي لي غتكلف بدراسة كاميرات كاليفورنيا معاك!
صونيا غير تتحرك فعينيها من جورج لليزيد مافاهمة والو...
يزيد تيبلع فريقو و حل لكرافاطة: ميمكنش انا شفت صونيا قبيلة.. الا الا كنتي صونيا شكون هاديك لي شفت؟؟؟
جورج بصدمة: كيفااااش؟؟؟؟(شاف فصونيا)هادي هي صونيا الحقيقيةةةة شكوون هاديييك؟؟؟ياكمااا عطيتيهااا الملف؟؟؟
يزيد : بطبيعة لحال!..انا انا كنت راجع لل اوطيل و هيا منكراتش..سولتها و خدات الملف و قالت ليا غانتلاقاو من بعد ملي تصححو.. جورج فهمني راه ما فهمت والو!!
صونيا: ولكن اشنو مصلاحتها؟.. والمشكل الولاية هنا معندنا حتا عميلة خرا من غيري.. و انا لي مكلفة بهاد الشبكة د الكاميرات فهاد السنوات
جورج: ياكما شي جاااسوووسة كانت تابعاك!!!
يزيد شاد فراسو و بقا غادي جاي: لبنت كان باين انها متوثرة ولكن شنو الهدف من هادشي؟ جاسوسة من طرف شكون؟؟ منقدرش نستوعب و المشكل صبعي تحت ضرسها خصني نتسناها حتا تصوني ليا هيا..
صونيا بخوف: و الى ماصوناتش؟؟؟
جورج شاد راسو: و الى كان هدفها غير الملف و رمات رقم هاتفك!!!!ناري شغنقووول لدراغون و فادر
يزيد: جورج.. هادشي مخصوش يطلع للبلاك جاك.. بغيتك تجيب ليا صور كاع اللي هبطو فمطار كاليفورنيا ليوم.. كانت هازة معاها باكاج وانا شاك بلي هابطة فالمطار ليوم
جورج بتوتر: غنقلببب واخاا ندوز ليل كاملوو بلا نعااس مايممكنش يوصل هادشي اصلا للفوق
يزيد : هذا هو الحل لي عندي معرفتش كيغندير نوصل ليها ولكن الا شديتها غانخليها تندم على النهار لي شافت فيه وجهي!...