صــــنــــع مــــنــــي دمــــيــــتــــه👱‍♀️⛓|🇲🇦

2

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 11📖💜
الحارسة دخلات وصال لمكتب المدير...
المدير بتاسم: تفضلي ا انسة شهبار جلسي
جلسات وصال و فقرارة نفسها تتسائل اش بغا منها المدير فهاد الوقيتة...
المدير جبد صاك فيه حوايجها و بسطامها تيطل عليه و سدو و حطو قدامها و حط فوقو ورقة..
المدير: تنتمنا تكوني دوزتي معانا وقت مزيان تنتأسف بزاف حيت هاد القرار جا معطل ولكن العدالة خدات مجراها و غاتمتعي بحريتك.. هنا كاين مبلغ مالي كتعويض و بطاقتك الشخصية تكلفنا صاوبناها ليك و شي صور هادشي غاينفعك باش تبداي حياتك
وصال وقفات و لأول مرة لمدة 4 سنوات تدير شي ردة فعل أو تبيين شي احساس...
وصال بدهشة: كيفاش؟؟واش بصاح هادشي؟؟
المدير بتاسم: ااه هاد التعويض غاتعيشي بيه حتا تلقاي شي خدمة هادشي تنديروه مع كاع النزيلات لي تيجيهم العفو
وصال: بصراحة ماعرفتش اش نقول
المدير شاف فالساعة: فالواقع بغيناك تباتي للصباح ولكن فلوراق خصك تخرجي فوقت محدد معندناش لحق نحجزوك بعد هاد الوقت
وصال: وي انا بغيت نخرج
حلات صاكها جبدات منو جاكيت خفيفة و لاحتها فوق التيشورت...
وصال: بسلامة
عطاتهوم بالضهر كأنه ماتتعرفهومش حسو بإحساس غريب فديك اللحظة كأنها ممعبراهومش صافي لي كاين هو لي كاين قد هضرتهوم قد جوابها يالاه ديك الدهشة لي خرجات منها لي عبرات بيها على احاسيسها فقط و رجع برودها الأبدي لملامح وجهها..تبعاتها الحارسة من اللور غادية موراها فالممرات حتى وصلو للباب الرئيسي و حلاتو ليها تما فين حلات عينيها على وسووعية الخارج و عينيها سرحو فالشوانط و الطرقان و صوت الطونوبيلات و المواطر لي غاديين جايين..تحركات من قدام الإصلاحية عاطية بضهرها بلا ماتلفت ولا حتى تفكر فيها كل خطوة للأمام تتزيد تمحي بيها شي إصلاحية من دماغها..غادية صاكها فيديها و ماعارفاش فين غادية المهم لي عارفاه انه غتبدا حياتها من جديد غتأسس راسها من جديد غتلقا كيفاش تعوض قرايتها لي ضاعت منها فهاد السنوات كلها مع لاكارط ناصيونال و الفلوس لي عطاوها اكيد غتأمن ليها مسكن و خديمة فبلاصة بعيدة على الخيشبيش لي تعرفات عليهوم فحياتها و تكمل فيها هدوئها بلا صداع الراس...
طلعات فوق التروطوار و الطونوبيلات دايزين حداها ساهية فالدنيا و كيف تبدلات و الحرية لي تعطات ليها بشكل مفاجئ ولكن رغم هادشي كامل حسات بإحساس غريب و لي ناتج من تفكيرها بخصوص اطلاق سراحها..كيفاش حتى تم هادشي و هي عتارفات و لقاو حمضها النووي(زغبة شعرها)فالآداة لي تدارت بيها الجريمة؟؟حاولات تلقا شي تفسير ولكن حسات براسها بدا تيضرها و هي تحبس بتنهيدة مطلعة عينيها تتشوف قدامها بإصرار...
وصال: هادي هي فرصتي باش نصلح من نفسي و فرصتي باش نبدا حياة جديدة طبيعية اكيد غنستغلها!
طوموبيلة دوبلفي تتشعل غادية فشارع طويل صاايكاها جيهان لي حيدات نظاظرها حطاتهم قدامها و وقفات فالسطوب تتلفت..هزات مانطة كبيرة من لكوسان اللوراني تما فين بانو عرام د الدولارات..
جيهان: شحال صعيبة يكونو دولارات تحت يدي دايزين و منقدرش نستمتع بيهم.. هادو ثاني غايكونو ربح للمافيا د لحشيش و التهريب د الاثار.. هوما تيعطيوني الزبابل د لفلوس وانا بحال لحمقة تنقيهوم ليهم..
طوموبيلات بداو تيكلاكصونيو موراها و هي تغطيهوم دغيا و شافت قدامها...
جيهان صايكة: قاليك حجة نشري بيهم كوليكسيون د طوموبيلات و نعاودو لبيع و هاكا فلوس لحرام يوليو حلال..جيهان وحماني محترفة تبييض الاموال كاملها و مايبقا ليها من هادشي غا تمارة..
بقات تتمعن حدا الرصيف بانت ليها بنت غادية بشوية هازة صاكها لي مثقل عليها كل مرة مبدلة ليه كتف و تتشوف فالشانطي بحال الا مجلية ماعارفاش منين تسلك...
جيهان نقصات السرعة فاتتها ب بضعة امتار و وقفات بالجهد تفكرات شي حاجة...
#فلاش_باك
راجل شاد بنت فعمر 16 سنة من شعرها تيديها و يجيبها...
جيهان تتبكي: باااا بااا عافاك لااا
الراجل: انا ماااشي باااك انا رااجل مك لي ماتت و خلات ليا لفقسة!!! اش غاندير بييييك اناا؟؟؟خرجي علياا خرجييي من داااري
الراجل حل لباب بالجهد و لاح جيهان برا بكريناتها وحدة مضفورة ولخرا مطلوقة...
جيهان وقفات و عينيها تيدمعو: فين غنمشي انا اهئ اهئ...
#نهاية_الفلاش_باك
حطات يديها على قلبها لي تيضرها تتنهد و بقات تتلفت كانو تحركات و مشية البنت نفس ديالها فاش كانت فداك العمر..شافت من لمراية انها جاية تما فين وضاح شكلها لي تيوحي لعمر صغير..لاحت راسها على لفولون و دمعتها طايحة بعد ثواني مسحاتها و طلعات راسها شافت لبنت غادية..بقات تابعاها بشوية حتال لواحد اللحظة محسات حتا ضغطات على لكلاكصون وشعلات الاضواء...
وصال سمعات كلاكصون مجهد خلاها تكمش عينيها بإنزعاج و ضارت..لقات بنت زوينة طويلة لابسة مزيان واقفة عليها...
جيهان: واش عرفتي فين غادية؟
وصال: لا
جيهان حلات لباب: زيدي طلعي الظلام و الدنيا خايبة فهاد السيكتور طلعي
وصال بدون اي تعبير على وجهها: متنعرفكش باش نطلع معاك.
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 12📖💜
جيهان: بفف نتي تعرفي
جيهان سدات لباب و دخلات دورات لكونترول و ديمارات تتبان ليها وصال واقفة فالظلام تتشوف فالشانطي...
جيهان رجعات باللور و حلات الزاج: قلتليك طلعي ولا غانطلعك بزز
وصال: علاش باغية نمشي معاك لهاد الدرجة؟ الى بغيتي لفلوس هاكيهوم من دابا ماغادي تسرقي مني والو.
جيهان بتاسمات و عضات فشفتها: كون عرفتي شحال هنا دلفلوس (ضحكات) دخلي راه حتا انا واحد النهار كنت بحالك طلعي
وصال: نتي ماعارفانيش و تتقولي بحالك؟
جيهان: حتا انا واحد النهار كنت خارجة ماعارفاش فين قاصدة كنت بحالك طلعي مغنبقاوش هنا فهاد لوقت
وصال حدرات عينيها فصاكها و قالت لي ليها ليها اصلا هي من فاش حطات رجليها برا الإصلاحية و مغامرة فهاد الدنيا المبدلة و لي ماعندها فيها حد سو اللهم تكمل فمغامرتها...
وصال: اوكي
حلات الباب الأمامي و جلسات حاطة صاكها عند رجليها و ديماراو من تما...
طوموبيلة كحلة وقفات و صدرات صوت فالمكان لي كانت واقفة فيه جيهان مع وصال..
وقفات موراها طوموبيلة خرا و هبط منها راجل بكوستيمو لكحل و نظاظرو لكحلين و هبط لاخر من الطوموبيل الامامية..
الرجل 1: اش واقع هنا؟
الرجل 2: العيينة رقم 108 طلعات فطونوبيل احد المارة
الرجل 1: اه اش غنقولو للبوص هادشي خطير
الرجل 2: اش تتسنا زيد نتبعوها!!
الرجال ركبو بالزربة و تبعو طوموبيلة جيهان...
جيهان تتشوف قدامها صايكة و هزات باكية د لفانيد مداتها لوصال...
جيهان: همم هزي
وصال طلعات فيها غير عينيها الباردين: لا شكرا
جيهان جمعات لباكية فلمجر: ايوا ماقلتيش ليا (تتغزز لفانيد) اش تتديري هنا فنصاصات الليل؟
وصال: تتعرفي إصلاحية ابن بطوطة؟
جيهان: همم (شافت فيها) لا ههه اش عندي ما نعرف فيها مالها؟
وصال شافت قدامها بلا ماترمش: عاد خرجت منها
جيهان جمعات ابتسامتها تتدور لعندها و مركزة قدامها: كيفاش؟؟ ولكن اشنو درتي؟
وصال: تيهمك تعرفي؟
جيهان: الا مكانش هادشي غايحرجك
وصال ضورات راسها لعندها و ركزات عينيها على عينيه جيهان: لا الى هادشي مغيخلعكش
جيهان ضحكات: اش غاتكوني درتي زعما هاه! شافرة شي حد؟شحال شفرت فصغري و معمرني حصلت
وصال بهدوء: قتلت ماما و صاحبها.
جيهان وقفات الطوموبيل بالجهد فحي سكني راقي..
جيهان: كيفاااش؟؟؟
وصال: ردة فعلك متوقعة(حلات الباب)شكرا على التوصيلة
جيهان شداتها من ذراعها رداتها للطوموبيل: واش بصح تتدوي؟ هه باينة مطلعاها عليا زيدي زيدي
جيهان خرجات سدات لباب و تبعاتها وصال..
جيهان: نتي ماغادية فين غاتباتي معايا هاد الليلة
وصال: ماخفتيش نقتلك زعمة؟
جيهان: واش بنت بريئة بحالك تقدر تقتل حتا دجاجة
وصال بقات ساكتة...
جيهان دخلات للمجموعة السكنية و وصال تابعاها حتى طلعات لشقة فيها حلاتها بسوارتها و سبقات داخلة...
جيهان تتطل على وصال لي باقية برا...
جيهان: دخلي اش تتسناي؟؟
وصال ضورات عينيها فالمكان و هي تدخل...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 13📖💜
جيهان سدات لباب موراها و شعلات كاع الاضواء بزر من ازرار ريموط عاد بانت الشقة لي كانت كلها مرتبة...
جيهان: غاتعجبي حيت متنجلسش فيها بزاف داكشي علاش نقية دخلي جلسي
وصال حطات صاكها عند رجليها و جلسات فهدوء و صمت...
جيهان جلسات حداها: ماقلتيش ليا شنو قصة الاصلاحية و اشنو درتي حتا دخلوك هادشي الا كنتي فعلا من تما
وصال: راه قلت ليك اش كاين
جيهان: و علاش خرجوك؟؟ علاش مدزتيش للحبس؟
وصال: قالو بلي انا بريئة و لقاو راجل اخور لي دار الجريمة رغم انه انا لي درت بيدي و قلتها بلساني المهم ماعلينا عطاوني حريتي و استغلت هادشي باش نبدا صفحة جديدة فهاد المجتمع
جيهان تترمش : مفهمت والو من هادشي قتلتي و خرجوك و لقاو اخر ههه المهم ماقلتيش ليا اسميتك
وصال: سميتي وصال
جيهان: و انا سميتي جيهان..همم واش فيك الجوع؟
وصال: شوية
جيهان: غانوض نصاوب ليك لبيض هو لي هنا دابا موالفة تناكل فالزنقة خودي راحتك
جيهان دخلات للكوزينة و خلات وصال جالسة تتدور فعينيها...
لبيبان د الطوموبيلات لكحلين تحلو حدا العمارة و خرجو منهوم ثلاثة د الرجال لابسين كلشي كحل..
رجل 1: ماعندنا حل اخر من غيرو
الرجل 2: نقتاحمو الشقة..
الرجال دخلو تيضورو فالعمارة...
الرجل 2: الضو شعل فالطابق الثاني من الجهة اللي فليمن...
الرجل 3 جبد لفردي: اذن هادي هي الشقة المعلومة
الرجال دفعو لباب بقوة حتى تحل على جهدو مقتاحمين المكان..جيهان غير سمعات الصداع قفزات بفزع مطييحة مقلة البيض من يديها حتى تشتت فلارض اما وصال وقفات مزيرة على صاكها و عينيها تيضورو منين جاي الصداع...
الرجل 1: وصال شهبار تفضلي معانا
وصال رجعات خطوات للوراء: شكون نتوما؟؟
الرجل 2: ماتخافيش حنا غنديوك لبلاصة آمنة كتر من هادي
جيهان خرجات من الكوزينة بالزربة: شكون نتوما؟؟؟
الرجل 3 هز عليها الفردي: ماتحركيش من بلاصتك
جيهان هزات يديها بخوف فاش شافت الفردي: ه ه هاني...
الرجل 1: تفضلي معانا بهدوء
الرجل 3: الى مابغيتيش نسيفط قرطاسة لجبهتها
وصال: واش الإصلاحية فاقت من كذبتها و رجعات فكرات انه انا المجرمة الحقيقية و سيفطوكوم ترجعوني؟
الرجل 2: لا لي سيفطونا اكبر من الإصلاحية و اكبر من اي حاجة تخييليها
الرجل 1: ماعندناش الوقت لكترة الكلام غنستعملو معاك العنف دابا!
الرجل 2 بغا يشدها غير شافتو لاحت الصاك دغيا و مشات للكوزينة مابانت ليها غير المقلة لي طاحت لجيهان باقة سخونة..هي لي هزات مزييرة على مقبضها: متقربش مني!
الرجل 2 قرب منها يشدها و هي ضربو بيها للوجه و خرجات من الكوزينة جارة جيهان حتى تتلقا لخرين حابسين عليها باب الدار و لي ضرباتو جاي شاد وجهو بألم...
الرجل 2: اعععع كونماكنتيش عيينة مهمة كوون خلصتي الضربة
الرجل 1 جر وصال من ذراعها و الرجل 3 هاز فردي على جيهان لي صاقلة مافاهمة اش واقع فدارها...
الرجل 2 جبد شي حاجة من جيبو و حطها لوصال فوق نيفها: و دابا غادي تنعسي شوية ا آنسة ريبانزل
دازو ثواني من استنشاق وصال لديك المادة المحطوطة فوق المنديل لي حطو على نيفها بقات مخرجة عينيها تتشوف فجيهان لي بدورها تتشوف فيها بحزن ماعندها مادير ليها فهاد اللحظة حتى بداو عينيها تيتسدو و غابت على الوعي...
جيهان غوتات: لاا وصاااال اش بغيتوو ديروو ليهااا حراام عليكووم بنت صغييرة!!!
الرجل 3 جمع الفردي ديالو و شدها حتى هي خدرها بداك المخدر حتى غابت على الوعي مستلقية فوق الأرض..ضار شاف فزملائو فالعمل واحد فيهوم هاز وصال الغايبة على الوعي و الثاني هاز صاكها...
الرجل 3 حط صبعو على ودنو تيوصل المعلومة: العيينة رقم 108 ولات بين يدينا وجدو الطائرة غنجيو دابا...
يتبع...
⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 14📖💜
فلغد ليه...
جيهان بدات تتفيق بصعوبة حاسة براسها ثقيل عليها و بيديها تتلمس فلرض قاست لبرودة ديالها..بداو عينيها يضورو فالشقة تتشوف السقف و بدات تتفكر حتى ناضت جلسات شادة فراسها..رجعات تتدور عينيها فالمكان لي مافيه حد...
جيهان وقفات تتشد فلحيوط حتا وصلات لصاكها و جلسات تترعد جبدات منو التلفون..
جيهان: اففف جاااوب..
الشاف ديالها شاف سميتها و هو يجاوب...
الشاف: الو حبيبة اش واقع ماموالفش ليك تصوني على النبوري؟
جيهان تتلف لها لهضرة شربات كاس د لما و خوات نصو: لباطرون متديرش عليا هاد لقوالب تاعك واش درتي هادشي باش تخلعني حيت موافقتكش هااه؟؟؟
الشاف باستغراب: كيفاش مافهمتش؟؟
جيهان: اوووه (شادة فراسها) راسي مهرس و غاتزيد عليه واا تا هادوك لي جاو لبارح لعندي شكوون؟؟
الشاف: اينا وحدين راني مافاهم اش تتقولي
جيهان: جاو شي رجال لبارح شمموني شي حاجة سخفت و داو لبنت لي كانت معايا شكون هادو واش عندك فكرة؟؟
الشاف بتعجب: لا لا و علاه انا غنسيفط لي يآديك؟؟
جيهان: والله حتا دخت شكون ممكن يدير هاكا واش لبوليس؟؟
الشاف: ديك البنت بعدا شكون فاش داوها هي و خلاوك نتي الى كانو البوليس متلا؟
جيهان: سمعتهم هضرو على شي عينة ولا جمعوهم معقلتش بالضبط ولكن ملي تنعاود نتفكر تنقول هاد الدخلة ماشي تاع لبوليس
الشاف: شوفي اجي دابا دابا ماتعرفي يرجعو الى حسو بلي تتشكلي حتى نتي شي تهديد دابا تجي للمقر
جيهان: واخا انا غانبدل هاد الشقة معندي مندير بشي مشكل اخر اووه نسيت ياكما داو لفلوس خليتهم فالطوموبيل..
جيهان قطعات بالزربة و هبطات تتجري حلات باب الطوموبيل و طلعات ليزار حتا بانوليها الدولارات كيما حطاتهم..
جيهان تسندات مع طوموبيلتها تتعض فالسوارت: شكون يقدر يكونو هادو؟؟...