صــــنــــع مــــنــــي دمــــيــــتــــه👱‍♀️⛓|🇲🇦

16

⛓👱‍♀️صنع مني دميته👱‍♀️⛓
للكاتبتين✒: Victoria Kaelin و Mina Ab
💜📖الجزء 161📖💜
كايل فالبيرو ديالو عاطي بظهرو لرونالد لي مسرح فوق الكرسي...
كايل كب جوج كيسان د المشروب و تلفت ليه: ممكن نعرف شكون لاحك على لوبي؟..تنعرفك ملي تتكون شاد شي وحدة (اشار ليه بلكاس)
رونالد: نتا عارف بلي هي نوعي المفضل الشباب و الجمال واخا لعب بيها العنصري هو الاول...
كايل تنهد و جا حداه حط ليه لكاس و جلس قاد لافيست: جايكوب لدابا متخلاش عليها و الى عرف هادشي لي ناوي تدير راسك غايطير...
رونالد: على حد علمي انه الخطة ديالك كانت تسيفطها لنفس الفندق لي هو غيدير فيه الصفقة باش يتلاقاو و حيت التناقض ديالو و ديك النفس لي هازها فوق مناخرو مغتخليهش يرضاا يرجعها من بعد رفضها ليه قدامك توقعتي انه غيتخلا عليها و ديك الساعة هي غتقتانع تبقا معاك بإرادتها! قداش راك خبيث ا كايل!
كايل دار رجل فوق رجل: تنعرفو مزيان مغيقبلش الخسارة..غنزيدو نضغطو عليه و غاتديها معاك للفيلا المعزولة (اشار بيدو) فين قلتيليا كاينة مزال؟
رونالد: غير فالنواحي (حرك كاسو) مابغيناش دراغون يتعذب يلقانا الى ساق الخبار ههه
كايل حط لكاس و قرب منو: غايوصلو تسجيل لكاميرا واجد..
رونالد بتاسم: ههه اقوى انتقام يقدر يجيه هو يتلعب بممتلكاتو الخاصة..البلاكجاك تعطات ليه ولكن هاد الشقراء هو لي كسبها
كايل تسند بابتسامتو الشريرة تيشوف فرونالد و شرب رشفة من كاسو...

جيهان فبيتها تتطابي فلبيسي حتا خبطات لبوطونات و سداتو...
جيهان حيدات نظاظرها: فاش غانخدم دابا..كلشي طالب شواهد بفف...
هزات تيليفونها شافت مكالمات جايمس و رماتو فوق الناموسية: حتا نتا مثقتيش فيا!..اش غاندير انا بالتصاور لخاويين د المدير؟؟
ناضت بالشوميز القصير حتى هزات كاس د لما شربات و شافت من الشرجم: تنفكر نسافر و نخلي هاد البلاد..معطاتنيش..(تلفتات مسندة على لحيط و شافت فالفاليزة) كنت بغيت ناخدك ا يزيد ولكن منجحتش..كون كانت عندي فرصة ننتاقم منك على العذاب لي دوزتيه عليا..مفضل عليا عاهرة كاع امريكا دازت عليها!
جيهان مشات لفوق لماريو جرات لفاليزة و حلاتها فوق الناموسية و بدات تتعمرها بحوايجها: قبل..خصني نسحب كاع فلوسي و غانبدا من جديد..الشواهد نقدر نشريهم و غانقدر يكون عندي مجد و ممكن نتلاقاو شي نهار...

جايمس جمع تلفونو قدام عمارة جيهان و دخل تيخبط عليها لباب...
جيهان وقفات و قربات من لباب شافت من العين و تأففات اش بغا؟..طوالو رجليه!...
جيهان حلات: اش بغيتي؟؟
جايمس شدها جرها حتا لاحها فوق لفوتوي و جلس حداها: سمعيني!
جيهان تترمش فيه: اش غنسمع؟ ياك ثيقتي هضرة هاديك و كذبتيني؟؟ هاه..!
جايمس: داكشي فات..انا ممثيقت حد..واش بغيتي تبداي من جديد؟؟
جيهان وقفات ربعات يديها: لا..قررت نسافر(تلفتات ليه) غانرحل من هاد الدولة كلها..
جايمس تصدم: ك كيفااش؟
جيهان: هادشي لي غايوقع..
جايمس قرب منها تيشوف فيها: و انا؟
جيهان بلعات ريقها: مالك نتا؟ سير عند سالي..
جايمس دار يدو فخصلات شعرها: نتي عارفة بلي تنبغيك نتي..منقدرش نتخلا عليك...
جيهان تتحرك بؤبؤ عينيها فيه...
جايمس شد يدها بين يديه: شوفي..انا لقيتلك خدمة جديدة..
جيهان فلتات يدو و سبقاتو لبيتها و تبعها: شوف..انا صافي جمعت كلشي غدا غانسافر و مغتشوفنيش مزال
جايمس دخل تيشوف لفاليزة مجموعة و شاف فيها: اش تيعني هادشي؟؟
جيهان: غانمشي..بغيت نبدا من جديد..
جايمس شدها من عنقها: نسيتي الدين لي عليك؟؟
جيهان تتدور فعينيها مزيرة تتحاول تفك يديه: ا اشمن دين طلقني واش تسطيتي؟؟
جايمس: نسيتي بلي كنت السباب حتا نفدتي انتقامك من بريندا؟؟؟..و دابا خصك ترجعي ليا الحساب..!!
جيهان خرجات فيه عينيها: جاييمس..جايمس طلقني غاتندم!
جايمس: اش غاتديري؟؟؟..غتقتليني حتا انا؟؟ من ليوم غاتديري لي تنقولو ليك!!..يا اما غانفضحك لأم بريندا لي قالبة عليك الولايات و نتي معندكش فكرة اش تيتسناك منها..!!!
جيهان تتهز راسها و طلقها حتى شدات عنقها: غانعطيك لفلوس..ولكن مبغيتكش فطريقي مزال..
جايمس بتاسم: هادي كلها تمثيلية بلي تنهمك باش تديري لي بغيتي و تمشي بسهولة وانا نبقا مضبع..!
جيهان: اش بغيتي مني؟؟
جايمس جا حدا وذنيها: حيت انا ماشي وحش مغناخدش جسدك بزز..
جيهان سدات الشوميز تتشوف فيه...
جايمس: غاتدخلي معايا لشركة الدعايات..بيك غانقدر ندير سميتي فهاد المجال
جيهان: ياك غانعطيك لفلوس؟..انا عندي ثروة تغنيك!
جايمس: بحالك متيعرفوش شناهوا الاسم (دار يديه بزوج فجيوبو و تمشا جيهة لباب و تلفت ليها) غاترجعي الحوايج لبلاصتهم و نساي فكرة السفر..مغنطلقك حتا ندير سميتي فإعلانات اكبر الشركات هنا و ديك الساعة سيري للجحيم!
جايمس بتاسم و مشا..اما جيهان جلسات مصدومة حتا تخلعات بلباب لي تخبط و شدات فراسها...