متمردة هزت عرشى 🦋❤️ بقلم/لوكى مصطفى

البارت 4 ✨

البارت 4

نظر للصورة بتفاجئ و رأى تعليقات كثيرة و عدد المشاركات لا يتوقعه ففهم ما بها ولكنه رسم البرود على وجهه..

رائف بسخرية: هو انتى جديدة فى المجال ولا ايه؟؟ ده مفيش حد مبيسلمش من الإشاعات ولا انتى بقا زعلانة عشان هى اشاعات بس و بتحلمى بأكتر من كدة..

ملك بقوة وهى تصفعه: انت بنى آدم مش محترم ، اوعي تكون مفكرنى زى البنات الهبلة اللى ورايا دول ، اللى هيموتوا على غمزة منك لا فوق انا ملك النشازلى يعنى انا خط أحمر للكل و اللى ميعرفش حدوده انا اعرفهالو "اكملت بقوة وهى تستدير للحشد الذى تجمع منهم صديقاتها" انا عايزة الحيوان اللى صور الصورة الزبالة دى يحصلنى انا عارفة انه حد من النادى ، و اقسم بالله اللى عمل كدة لو مجاش ورايا لكل المصورين اللى هنا هيتجازوا و هقعدهم فى بيوتهم سواء كانوا مصورين فريق الرجالة او فريقنا ، امشوا ورايا

ابعدتهم عن طريقها بقسوة و ركض خلفها الفتيات ، توقفت ملك عند بوابة النادى و ارتدت سترة رياضية فوق ملابسها الخاصة بالنادى ، وقف للفتيات بجانبها ولم يستطع احد ان يصدر صوتاً فهم يعلمون ملك فى غضبها ، نظرت ملك بهاتفها ثم رأت ظل يقترب منها بإرتجاف فأرتفع جانب شفتيها و استدارت فجأة ثم ضربت ذلك الشاب بجانب رأسه بهاتفها..

ملك بغضب جهورى وهي تمسكه من تلابيب قميصه: لما تفكر تطلع على المسرح مش هيبقا على قفايا يا *** ، لو مفكر انى عشان بنت ناس ابقا محترمة و في حالي لا ده انت هتشوف وش هيفاجئك بإذن الله..

الشاب برهبة وهو يمسك جرحه: والله يا كابتن كان بقالى كتير مش شغال

ملك بغضب اكبر وهى تضربه بالسيارة: فتشتغل عليا ، يا ريتك مثلا قولت اني روحت نادي تاني و خونت فنلة النادي لكن انت جاى تصور لحظة انا بين الحياة و الموت و دمى على هدومه تاخد بيها لقطة

الشاب : انا آسف ، صدقينى فى خلال نص ساعة كل حاجة هتتمسح

ملك وهى تدفعه بعيداً:غور

لهثت بعنف بعد أن رحل و كورت يديها و ضغطت عليهم بعنف ، صعدت سيلين بالسيارة و لحقتها چمانة برهبة ، بقت حياة فقط تعقد ساعديها و تنظر لملك بتحليل و دقة..

حياة بهدوء : خلاص كدة مبسوطة ، زمان جوا الدنيا مولعة عشان ملك النشازلى بنت عيلة النشازلى المعروفة ضربت كابتن رائف أشهر لاعب كرة قدم حلم كل بنت ، زمان فريقك بيحسدوكى انك نولتى شرف ان ايدك تلمس خده و زمان فريقه شغالين نميمة عليه أن ازاى لعيب بحجمه يتضرب من واحدة طولها ميعديش صدره اساسا ، و عملتى شو و لميتى الدنيا عليكى لا و ضربتى بتاع الكاميرا و زمانه بيقول عليكي انتي مش بنى آدمة طبيعية انتى hero اكيد

ملك بعصبية: انتى بتقولى ايه انتى كمان طبعا الاتنين كام لازم يتضربوا و يعرفوا حدودهم