أســكريبتات🖤

أسكريبـــت رقـم{8}🖤

-هاا خلصتي
= قربت اخلص اهو
- يالا يابنتي هنتأخر كدا
= طيب طيب جيت اهوو
-احنا شكلنا هنترفد النهارده و هيبقا كلو من تحت راسك
= ايه التشاؤم اللي عالصبح دا ...خفي رجلك انتي بس وان شاء الله مش هنترفد ولا حاجه ...وبعدين في حاجه اسمهاا صباح الخير
- يسلااام صبااح الخير اي ...دا انتي راايقه بقا
=ومبقااش رايقه ليه دا هوا بنفسه قاالي صبااح الخير ..يعني اليوم كلو هيبقا خير
-دا اللي هوا مين دا اللي قالك صباح الخير
=هييييح هوو في غيرو شاغل قلوب الاخرين
-ايواا اديكي قولتي شاغل قلوب الاخرين ..يشغل قلبك انتي ليه بقا
=ايه دا هو انتي متعرفيش!
-لا معرفش
=مهوو انا من الاخرين دول
-داا انتي واقعه بقا
=لا طبعا انتي بتقولي ايه احنا اتفقنا نكون اصحاب
-انتي اي حكايتك مع الواد دا يابت انتي
=بصي انا بأختصار كدا عمري ما هقابل حد زيه تركيبت دماغه وكلامه وتصرفاته مفيش انسان طبيعي بيعملهاا
-ازاي بقا!
= انا مش عارفه اوصفهولك ازاي هو صعب يتوصف وصعب يتفهم بس انا بقدرتي الخااصه قدرت افهمه وهو بيعزني جدا علي فكره
- مااشي ياست الفهيمه اجلي الكلام لما نخلص محضراتنا
"بعد مرور ساعتين"
- تعالي نروح الكفتريا نجيب حاجه ناكلها احسن انا جعت اوي
= هو كمان بيحب الاكل
-هو مين دا اللي بيحب الاكل!!!
=عمار
-عماار ميين يا حجه انتي؟
= عماار اللي حكتلك عنه من ساعتين
- ااااه هو اسم الكريم عمار
=ايوه
-عرفتيه منين دا
=هو زميل معانا في الكليه بس دفعه سنه تانيه
-بجد!!!
=ايوه
-طب هو فين عايزه اشوفه
= هورهولك بس عايزه اقولك حاجه الاول
-قولي
=هو ميعرفنيش شخصياً وميعرفش ان انا معاه في الكليه
-نعم يااختي !!!!
=وربنا زي ما بقولك كدا
-وانتي ازاي قدرتي تكدبي كدبه زي دي انتي عارفه لو عرف هيبقي رد فعله اي
=دي كدبه بيضه مهو لو مكنتش قولت كدا كان يستحيل يثق فيا 5%
-ورد انا مش معاكي في اللي انتي عملتيه دا مكنش ينفع تكدبي كدبه زي دي لان مسيره هيعرف سواء منك او بالصدفه المهم انه هيعرف
=اهو دا اللي حصل بقاا
-كملي عرفتيه ازاي
=بصي انا اعرفه شخصياً وكنت معجبه بيه جدا هو انسان هادي جدا و انطوائي ملوش اصحاب كتير واغلب الاوقات بشوفه قاعد لوحده علي الترابيزه اللي هناك دي يا اما بيكون ماسك موبايله يا اما بيشرب النسكافيه بتاعه المفضل عنده بالصدفه عرفت ان عنده اكونت عالفيس وعرفت اسمه بالظبط وجبت الاكونت قلبت فيه لقيت كلامه كلو غموض كدا فضلت اقلب في الاكونت لحد ما لقيته كاتب بوست بيقول ..
"يخسر الإنسان مرة ، ويبقى خائفًا ، إلى الأبد."
لفت نظري جدا الكلام وفضولي دفعني اني اتعرف عليه اكتر ودخلتله من  اكونت فيـك قولتله اسمي وسني الحقيقين والتخصص اللي بدرس فيه
-طب وبلدك؟
= لا دي كدبت فيها
- ها كملي
= هو بقا دلوقتي يثق فيا ثقه عميااء اي حاجه بتحصلو بيجري يحكهالي انا اول حد اي مشكله بيستشرني فيهاا انا ساعات بحس انه ابني
-ابنك!!!
= اه والله..بس مشكلته حاجه واحده بس
- اي هي الحاجه دي
=هو تافه حبتين ..لا مش حبتين هما حبتين تلااته اربعه
- اه مهو الطيور علي اشكالهاا تقع
=قصدك اي يابت انتي
- قصدي انتي فهماه يا ست ورد
= اه لقد طعنتيني في ظهري لقد كنت اثق بيكي حد الموت لقد خزلتيني
- هاايل يا فناانه ايه الاوڤر داا
=انا اوڤر يا ...
- يا اي؟
= .......
-انتي يا هانم سرحتي في اي كدا متكمليي كلامك
=هشششش سبيني اركز
- تركزي في اي
= في شاغل قلوب الاخرين
- نعم ياا روح خالتك هو هناا؟
=قاعد في الترابيزه اللي وراكي بالظبط بس اوعي تبصي وراكي احسن تفضحينا
- يعني لما انا ابص ورايا هفضحك وانتي يالي عينك هتطلع عليه مش فاضحه نفسك
=.......
-لا اله الا الله طب قوومي الله لا يسيئك عايزه اتمشي شويه
= يااربي عالفصلااان قومي ياختي
"ويدوب قومت مشيت خطوتين انا و نور لقيت حد بينادي علياا بس الصوت دا انا عرفاه كويس داا صووتــه وربنا صوتـه لفيت وشي بكل براءه بس بقيت زي الصنم لما لقيت في ايده ورقه وعينه هتطلع علي الورقه بس لحظه دي مش ورقه عاديه دي الرسمه اللي انا رسمتهالو وهو كان مره قاعد ماسك الموبايل يا كسفتيي "
– الورقه دي وقعت منك يا انسه
"هو المطلوب مني ارد صح؟ بس هو عارف صوتي واكيد لو نطقت بحرف هيشك فيا دا ايه الورطه دي ياربي ..فوقت من تفكيري وهو بيشاور بأيده قدام وشي "
– انتي يا انسه ؟!
=ها بتكلمني؟
" اول ما سمع صوتي بصلي بصه غريبه كدا اللي هوا انا بشبه عالصوت دا سمعته فين قبل كدا "
–الورقه دي وقعت منك وانتي بتقومي
"مد ايده يديني الورقه وانا مديت ايدي وكان باين عليا جدا اني متوتره مهو بصراحه حاجه تكسف انا عمري ما تخيلت اني اتحط في موقف زي دا ابداً "
=شكراً
–علي ايي ...بس علي فكره انتي مبدعه استمري
"قالي اخر كلمه وهو بيبصلي اوي وبعدها عدي من جمبي وخرج من الكفتريا ..لقيت نور جت وقفت قدامي ومسكت ايدي وقعدتني علي اقرب كرسي جمبي"
= هو كدا شك فيا صح
-شك فيكي؟ هو دا اللي هامك؟
= انا مش عارفه هوريلو وشي تاني ازاي بعد النهارده
-لا بس الموقف كان محرج بأمانه
= مش طالبه هزار خاالص يا نور وبعدين قومي نروح
-يالا ياختي
"اول ما روحت فتحت الاكونت الفيك اللي انا بكلمو منه لقيته متصل بس مردش علي اخر رساله ليا بعد تفكير طويل قررت ابعتله رسالـه"
=ازيك
–كويس وانتي
=كويسه
– ورد عايز اسألك سؤال
=اتفضل اسأل
–هو انا عمري كدبت عليكي؟
"هناا محور الكلام بدأ ياخد منعطف تاني الشك بدأ يدخل علي قلبي يكون عرف حقيقتي وبيستدرجني ..رديت عليه بكل تلقائيه وقولتلو"
= لا
– طب ايه رد فعلك لو اكتشفتي اني كدبت عليكي في مره؟
=اكيد هيكون في سبب قوي ورا الكدبه دي مهو مش هتكدب من فراغ
"لحداً ماا كدا قدرت اقنعه نسبياً بأن الواحد لما بيكدب احتمال يكون بيكدب لسبب قهري ...كل دا وانا بحط افتراضات انه لسه معرفش انا مين بس هل هو معرفش بجد ولا عرف؟ "
                   "تاني يوم "
-يالا يا ورد هنتأخر
=نزلت اهو
- اخيراً دا انتي سيباني هنا بقالي ساعه
= ساعه ايه بس دول مجوش عشر دقايق
- حساكي مش طبيعيه ليه
= خايفه يكون عرف حقيقتي
- محسساني انك متجوزه عليه
= يووه يا نور مش وقت هزارك دا
-خلاص خلاص هتكلم بجد
= ياريت
-طب قوليلي ليه حاسه؟ ليه مش متأكده مثلا؟
"حكتلها اللي اتكلمنا فيه امبارح وهي طمنتني بأنه سؤال عادي بس انا قلبي مش مطمن ..حضرنا محضراتنا وكالعاده بنروح الكفتريا بس انا المرادي مردتش اروح طلبت منها تروح تجيب المشروبات وتجيلي في الاستراحه خوفاً من اني اقابله تاني "
– ايه السبب القهري اللي يخليكي تكدبي عليا كدبه زي دي وتتهربي مني بالشكل دا
" يارب اكون بحلم يارب ميبقاش واقف ورايا وبيكلمني انا هو انا موعود عليا بالمواقف اللي تكسف دي ..لفيت وشي لقيته هووا ومستني إجابتي ملامحي بان عليها التوتر ومبقتش عارفه ارد "
–جاوبيني يا ورد
"ايه دا هو انا مش بحلم دا طلع بجد طب ارد اقوله ايه دا ياا كسفتيي "
– انا كنت بثق فيكي جدا وعمري ما تخيلت مجرد تخيل انك ممكن تكوني بتكدبي عليا .. ورد انتي الانسانه الوحيده اللي قدرت تغيرني للأحسن غيرتي نظرتي للحياه لييه كدبتي عليا هاا ليه؟!
=كنت بتثق فيا؟
–ابتسم : ومازلت
"اي دا في اي دا ابتسم يالهوي علي جمالو وهو بيبتسم ...ايه دا ورد عيب اللي انتي بتقوليه دا وبعدين فين نور اتأخرت ليه كدا "
– ورد انا عايز اقولك علي حاجه
=قول
–انا كمان كدبت عليكي انا كنت عارف انك ورد اللي بتكلمني من اكونت فيك عشان معرفش هويتها الحقيقيه
" كلاكيت كسفه تالت مره اكشن "
=عرفت ازااي؟
– اصحابي اللي كنتي بتسأليهم عليا قالولي وصاحبي اللي اتكلم علي الاكونت بتاعي قدامك دا كان خطه مني و استنيتك بفراغ الصبر تكلميني وعرفت ان دا انتي حتي من الاكونت الفيك بتاعك دا وبعدين مهو انا مش عبيط عشان ملاحظش نظرتك لياو انتي مرقباني ومراقبه تصرفاتي وكلامي ...ورد انتي حليتي حياتي بالورد

"واللـه كلام جميل وكل حاجه بس انا عجز لساني عن الرد سامحني بقا "
–انتي سمعاني يا ورد
= اه سمعاك
– طب كدا خالصين كدبه بكدبه
= متوقعتش منك كدا علي فكره
"ابتسم ويا ويلي من ابتسامته "
–  اللي بيحب حد بيعمل عشانه المستحيل
"اي دا هو اللي انا سمعته دا صح ونبي "
–ورد انا بحبك
= هاا!!!
– هل تقبلين ان تكوني وردتي الخاصه هل تقبلين بالزواج مني ؟
= بكـل تأكيد ❤️🌸

..............................
"من أراد أن يكون معك , سيصنع من الجدران مدخلاً 🖤"

"رغـــــده 💙✍️"