#قاعدة زهقانة قولت اقوم اطلع علي السطح شويه:-
-ماماا انا طالعه علي السطح
-متتأخريش يا رغدة والبسي اسدالك وانتي طالعه مش كل مره باباكي يزعقلك بسبب الموضوع دا
-اووف بقااا تعالي يادي الاسدال اما نشوف اخرتها اي
# اخدت النوت بوك بتاعتي وطلعت علي السطح بصيت في السما كانت مليانه طيرات ورقيه:-
-يا نهار ابيض كل دي طيرات ....بس شكلهم تحفه انا هاخدلهم صوره ....نزلت الصوره استوري وكتبت تحتها "اترون كل تلك الطائرات التي تحلق عالياً في السماء ستصعد ارواحنا مثلهم يوماً ما .." ..قفلت الموبايل ولسه هفتح النوت بوك بتاعتي هووب لقيت حاجه وقعت قدامي ...
-عااااااا اي دااا ....قربت من الحاجه اللي وقعت دي اكتشفت انها عصفوره ....طبعا ولاني لطيفه بحب الحاجات اللطيفه زي القطط والعصافير و..ثانية واحده اي دا دي مش بطير ...اممم انا هاخدها اربيها .....اخدت العصفور زي الهبله ونزلت..
-ماماا ماماا مااماا
-اي يا هبله في اي
-شوفتي لقيت اي
-لقيتي ايه "ولسه بتدور وشها عشان تبص هووب زعقتلي هووب مزيكت حسبالله اشتغلت "شيلي البتاع دا برا
-يا مامي دي عصفوره لطيفه خالص
-دا انتي اللي هبله خالص وهتموتينا كلنا
-رفعت حاجبي وقولتلها باقتضاب: دا ليه بقا
-يابنتي الله اعلم العصفور دا فيه اي ولا بيعاني من اي حرام عليكي متعذبهوش
"اخدت العصفوره اوضتي وحطيتها علي سريري ونزلت لمستواها وقولتلها: هو انتي فيكي حاجه بجد؟ ...ركزت في عنيها اوي حسيتها بتعاني من حاجه ....اممم طب بصي انا هربيكي ...بس انا كدا محتاجه قفص!! اممم مش مشكله هصنعه ..بدأت اصنع القفص من الخشب وكان لسه فاضل تشاطيب بسيطه والقفص يخلص بس لقيت ان الوقت معتش مناسب عشان اكمل النهارده فا حبست العصفوره في مكان تقدر تتنفس منه وصليت العشا ونمت ....طول الليل وانا نايمه سامعه صوت خربشه جاي من المكان ال فيه العصفوره ...اووف بقا هو انتي مش هتسكوتي بقا وتسبيني انام ...تاني يوم صحيت بنشاط صليت الصبح وبدأت اكمل في القفص بس حسيت ان مفيش صوت للعصفوره قولت يمكن نايمه دي طول الليل منمتش وكانت مصدعاني كملت اللي كنت بعمله ومهتمتش ....خلصت القفص وكنت فرحانه جدا حاسه اني عملت إنجاز ..."بس الفرحه مبتكملش" ..روحت عشان اجيب العصفوره لقيتهاا ساكنة مكانها ومبتتحركش فضلت اهز فيها بصبعي كدا ال هوا ارجوكي اصحي بلاش المقلب داا وقتها عرفت انها ماتت !!
حسيت اني اتخنقت ...سمعت صوت اذان الضهر"... قومت اتوضيت ولبست اسدالي وصليت ..لفيت العصفوره في منديل و...
-اتكلمت بصوت كله حزن: مااما انا هطلع علي السطح شويه
-متتأخريش يابنتي
-حاضر يا ماما
-من حق عملتي اي في العصفوره يا منيله
- حطيت وشي في الارض وقولتلها بصوت كله حزن: ماتت..
-ماتت!!!
"خدت العصفوره ودفنتها واندفنت معاها ذكراها ..قعدت في جمب حسيت ان عندي صداع جامد ..منكرش اني حاسه بالذنب وان انا السبب في موتها!!!! بس هو ليه كل حاجه حلوه بتروح مني!!...نزلت اوضتي حطيت ايدي علي وشي حسيت اني فقدت القدره علي الكلام الدنيا اسودت في وشي ومعتش حاسه بحاجه:-
-رغدة اصحي يابنتي كل دا نووم!
-ماما!! هيا الساعه كام
-احنا المغرب يابنتي ..انتي كويسه؟
- اه اه انا بخير
-طب قومي اتوضي وصلي يابنتي
"قومت وانا مش حاسه غير بوجع في كل جسمي ونبضات قلبي مش منتظمه ..وقتها قررت اني انتقم للعصفوره !!بس هاخد حق العصفوره من مين ؟؟!!! مني!! ....اه هاخد حق العصفوره مني انا السبب في موتها انا مستحقش اني اعيش...حبست نفسي في اوضتي ضلمت الاوضه ونمت :-
-رغدة افتحي
-مفيش رد......
-رغدااااة افتحي يابنتي الحقوني يا ناس
"جه بابا رد عليها: في اي بس بتزعقي ليه "
-رغدة قافله علي نفسها من امبارح لا حس ولا خبر
-طب وسعي انا هكسر الباب ...واحد ..اتنين..تلاته..
"وهووب الباب اتكسر وجريوا عليا.. وقتها كنت نايمه بس نايمه للابد .."
-رغدة حبيبتي ردي علياا!!
-دي...دي .."
-دي ايييه في اييه بنتي فيها اي
-ماتت ..
-ماتت!!!
✨✨............................✨✨
"ارحمــوا مـن فـي الارض يرحمكـم مـن فـي السـماء🖤"
للكاتـــبة:- رغـدة حســن 🧡🍁
أنت تقرأ
أســكريبتات🖤
Lãng mạnكـل يـوم أسكريــبت مختـلف بقصـة مختلفـة بأحداث مأخوذة من الواقــع🖤✨ بقلـــم :- رغـــــدة حســــن 🖤
