....:آحمـآآآآد يآ آحمـآآآآآآد
آحمـد :في آي يآ مـريم صوتك جايب اخر الشارع مش كدا الله
مريم بصوت عالي: مهو انت لو بترد من الصبح كنت عرفت في اي لكن ترد ازاي دا لازم انده وانده وانده وبعدها تيجي بكل برود تقول في اي
احمد بلامبالاه :ايوه كنتي بتندهي ليه؟
مريم بغضب: نسيت
احمد: وحيات امك
مريم: ايوه نسيت واتفضل اطلع برا اوضتي
احمد وهو يخرج: يا مااااامااا تعالي شوفي بنتك
الام: في اي يا ولاد هو انتو صغيرين عشان تتصرفوا كدا
مريم بعصبيه: هو ال بدأ
احمد: لا والله انا ال قولتلك اندهي عليا وفرجي الشارع كلو وبعدها بكل برود تقولي نسيتي
الام بصوت عالي: بس انت وهيا اسكتوا يالا كل واحد يشوف وراه اي
مريم: انا راحه انام
احمد: انا نازل لصحابي
الام :الست هانم ال في اوله ثانوي وراحه تنام اي في اي مفيش مذاكره ولا اي
مريم: مذاكره اي يا ماما دا تريكو يعني غرزه هنا وغرزه هنا ودا مش محتاج مذاكره علي فكره
الام: لا والله هو انتي بتدرسي الغرز بس مفيش عندك مواد تانيه
مريم وهي تنظر في الساعه المعلقه علي الحائط: اي دا يا خبر دا انا لازم انام حالا
الام :وانت يا احمد نازل لصحابك ليه مفيش شغل ولا اي انا مش قولتلك دور علي شغل
احمد وهو يتحدث في الهاتف: الوو اي يا صاحبي نزلك اهو ...ماما انا نازل اشطا باي..معاك يا صاحبي انا علي السلم اهو...
الام: ياااارب اهديهم ياارب انا مبقتش عارفه اتصرف معاهم ازاي واحده مقضياها دروس ومدارس ونت والتاني مقضيها تيلفونات وخروجات
..............................
خرج احمد من البيت وفي اثناء سيره وجد بنت بتتخانق مع احد اصدقائه: -
البنت: انت ازاي تعمل كدا هو انت معندكش اخوات بنات
صديق احمد: انتي تخرصي خالص ...كان سيضربها بالقلم ولكن احمد مسك يده وقال: في اي يا عمر انت اتجننت هتمد ايدك علي بنت ثم وجه حديثه الي البنت : اتفضلي امشي انتي يا انسه وحقك عليا انا احنا اسفين
-ذهبت البنت وهيا تبكي... اخذ احمد صديقه عمر الي كافيه لكي يجعله يهدأ : -
احمد: في اي بينك وبين البنت دي؟
عمر: .......
احمد: اتكلم يا عمر اي ال بينك وبينها؟
عمر: ......
احمد: متتكلم يا عمر
عمر: مفيش يا احمد مفيش ....وقام وذهب
احمد بعد ان غادر عمر: يا تري في اي مخبيه يا عمر
...............................
في صباح اليوم التالي: -
الام: مريااااام يا مريم اصحي بقا
مريم: امم..
الام :يا بت قومي بقا بلاش دلع قومي يا بتاعت التريكو قومي
مريم بتمثيل: هاهاها يا خفه دمك اي بتاعت التريكو دي ما كلو تعليم يا ماما
الام وهيا تضربها كتفها بخفه: اي يا خفه دمك دي صحيح معرفتش اربي قومي يا بت
مريم: طيب طااايب طاااااااايب
الام: خمس دقايق والاقيكي قدامي بتفطري
مريم بضحك: علم وسينفذ يا فندم
بعد ان خرجت الام:-
مريم: اما الحق امسك الفون شويه قبل ما تيجي تقفشني تاني
...............................
بعد مرور ما يقرب نصف ساعه ذهبت مريم لمقابلة صديقتها( اروي) في المدرسه :-
مريم: ازيك يا قلب القلب وحشتيني
اروي وهيا تحتضنها: مش ناويه تبطلي اسلوب الولاد دا بس والله وحشتيني في اليومين الاجازه دول
مريم: هحاول اصدقك يا بكاشه
اروي: لا والله وانا من امتي بكذب عليكي يعني
مريم: سيبك من كل دا هاا قوليلي عملتي اي مع عمر الكلب دا
اروي بزعل: فضحني وكان هيضربني لولا جه واحد ابن حلال ومسك ايده وخلاني امشي واعتذرلي
مريم: طب انتو اي ال وصلكو لكدا
اروي: كل ما اقولو تعالي اتقدملي يقولي الشقه وابويا وامي وكل مره حجه شكل لحد ما زهقت ورحتلو وقولتلو انا معتش عيزاك انت بتضحك عليا ومعلقني بيك وخلاص وفضلت اهزائه وهو ساكت ولما جيت اخرج كان عايز يتهجم عليا ولما زقيتو و جيت اخرج قالي لو اتحركتي خطوه واحده هتلاقي صورك ال معايا متفبركه اخر حاجه وهتبقا فضحتك بجلال وسط الناس ..مهتمتش بكلامو وخرجت فا جري ورايا قولتلو حرام عليك انت معندكش اخوات بنات قالي اخرصي وكان هيضربني وزي ما قولتلك جه واحد ابن حلال منعه ومن ساعتها مشوفتش وشه تاني
مريم: يالهوي كل دا حصل
اروي: انا خايفه اوي يا مريم ليعمل لصوري حاجه فعلا
مريم:متخافيش ان شاء الله مش هيعمل حاجه ....ثم نظرت في الساعه: يا خبر احنا اتاخرنا اووي بقولك اي استأذني من مامتك وباباكي و تعالي اقعدي معايا شويه واهو هنرغي ونحاول نشوف حل في المصيبه دي
اروي: تمام ..جودباي يا حب
مريم: هستناكي.. باي يا قلبي
...............................
عادت مريم الي المنزل: -
مريم: ماما اروي صاحبتي جايه لما تيجي دخليها اوضتي
الام: ماشي تعالي اتغدي يالا
مريم: احمد فين؟
الام: في اوضته ..ليه
مريم: لا بسال بس عادي
الام: ماشي
...............................
بعد ما يقرب ساعه كان احمد ذاهب ناحية المطبخ ليشرب فا سمع صوت الباب: -
احمد وهو يفتح الباب: مين....وعندما نظر لها وجدها نفس الفتاه التي كانت تتشاجر مع صديقه
اروي بارتباك: هـ...هو دا بيت مريم؟
احمد :اه اتفضلي اقولها مين
اروي بتوتر: قولها اروي
جائت الام: تعالي يابنتي هيا بتستناكي من بدري خشي تعالي وريها اوضة مريم يا احمد
احمد: تعالي اتفضلي ...اهي
اروي: شكرا لحضرتك
احمد: مسميش حضرتك اسمي احمد
اكتفت اروي بابتسامه ودخلت الي مريم
مريم : اتاخرتي ليه ومالك وشك احمر كدا وبتتنفسي بسرعه في اي انطقي يا بت
اروي بعد ان جلست: مـ مين ال برا دا
مريم: مين قصدك علي احمد
اروي: ايوه
مريم: دا خطيبي ليه
اروي: نعم؟!!!
مريم بضحك: بهزر دا اخويا بس اي اتصدمتي ليه
اروي: اصل بصراحه يعني ..
مريم: انطقي في اي
اروي : فاكره الصبح لما كنت بقولك في واحد ابن حلال دافع عني واعتذرلي بسبب عمر
مريم: ايوه بس دا اي علاقتو بال انا بقولو ...ااااه اوعي تقولي ان احمد كان ابن الحلال دا
اروي: لا هوا
مريم: بجد ...يابن الايه يا احمد
اروي: تعرفي اني كنت بدعي اقابل الشخص دا تاني عشان اشكرو علي ال عملو
مريم: اممم عندي فكره
اروي: قولي
مريم: امي نازله السوق واحمد في الوقت دا بيروح يشرب قهوته في البلكونه فانتي ممكن وقتها تروحي تشكريه عالسريع بس اوعي حد يشوفك في البلكونه وانا هعمل اني كنت في الحمام اشطا
اروي: اشطااا اووي
بعد مرور نص ساعه رغي في الفاضي: -
مريم: بت امي نزلت واحمد في البلكونه
اروي: انا متوتره اوي
مريم بضحك: عيشي حياتك بس بسرعه قبل ما امي ترجع
اروي: هروح وامري لله
...............................
دخلت اروي البلكونه شعر احمد بوجود احد فالتفت ليعرف من اتي فوجدها هيا فنظر الي البحر مره اخره: -
اروي بتوتر: شكرا علي ال عملته معايا
احمد: .......
كانت اروي ستذهب عندما لم تجد رد منه ولكن قاطعها صوته :-
احمد: اي ال بينك وبين عمر
بدأت اروي تبكي: ......
التفت احمد اليها وجدها تبكي: -
احمد: احكيلي وانا والله هجبلك حقك لو اذاكي في حاجه
بكت اروي اكثر فامسك يدها: متخافيش احكيلي انا في مقام اخوكي وهجبلك حقك
تركته اروي وهيا تجري وتبكي: -
احمد (لا كدا كتير عمر مش عايز يقول وانتي مش عايزه تقولي كدا في حاجه انا لازم اعرف)
...............................
مريم: اتاخرتي ليه ...بت انتي بتعيطي ليه في اي انطقي عملك حاجه
اروي ببكاء: كان بيسألني اي ال بينك وبين عمر
مريم: ودا يخليكي تعيطي جتك نيله ولا تزعلي نفسك اصل احمد فضوووولي اوووي
تفاجئت مريم واروي بصوت احمد: -
احمد: مين دا ال فضولي معلش انا كان قصدي اساعد مش اكتر ...ثم نظر الي اروي التي تبكي ...ما اكيد مش هتقوله هو انت معندكش اخوات بنات كدا لله في لله اكيد في حاجه
اروي ببكاء: مريم انا ماشيه ....مسكها احمد من يدها: لا مش هاتمشي الا لما اعرف كل حاجه
مريم وهيا تسحب اروي من يد احمد: سيبها يا احمد انت ملكش الحق انك تعرف حاجه اصلا سيبهاا
احمد بعصبيه: لا لياا وهعرف ..ثم نظر الي اروي ..عاجلا ام اجلا هعرف وهتشوفوا
-خرج احمد من المنزل وهو منزعج ذهب ليجلس علي البحر وهو يحدث نفسه( طب هو انا مالي فعلا ...انا مليش الحق اعرف او ادخل في حاجه تخصها ....طب ليه بحس اني مدايق لما اشوفها بتعيط ...ليه بتخنق لما بشوف في عنيها نظره ضعف ...هيا ليه مستسلمه كدا ..انا كان قصدي من ال عملتو اني اعلمها تدافع عن نفسها لكن بالعكس دي بتزداد ضعف فوق ضعفها ....يااارب انا زعلان لزعلها مخنوق لخنقتها تعبان لتعبها )
...............................
بعد ان خرج احمد: -
مريم وهيا تحتضن اروي: اهدي يا اروي اهدي ابوس ايدك
اروي ببكاء شديد: هو ليه الكل جاي عليا كدا
مريم: محدش جاي عليكي متقوليش كدا انا جمبك
اروي بعد ان هدأت قليلا: انا لازم امشي
مريم: طب اوصلك
اروي: لا لا انا همشي لوحدي
...............................
خرجت اروي من المنزل وقبل من تذهب الي بيتها قررت الذهاب آلي البحر :-
جلست علي مقعد وظلت تبكي وتشكي ربها بصوت شبه مسموع حتي اتاها صوته من خلفها ...نعم صوته احمد: اسف
اروي: .....
احمد: ممكن تبطلي عياط
اروي ببكاء: عايز اي تاني جيت ورايا ليه عايز مني اي
احمد: اولا انا مجتش وراكي ثانيا انا عايز اساعد مش اكتر
اروي: متشكرين من خدماتك مش عايزه منك حاجه
احمد: وانا مش هسيبك الا لما اجبلك حقك
تركته اروي وذهبت
احمد: لازم اعرف .....لقيتهاا.... اكيد مريم اختي عارفه
...............................
عاد احمد الي المنزل: -
احمد: السلام عليكم
الام: وعليكم السلام ورحمه الله وبركاته
احمد: مريم فين؟
الام: في اوضتها يابني..في حاجه ولا اي
احمد: لا لا مفيش حاجه متشغليش بالك انتي
...............................
بيخبط علي باب اوضة مريم:-
مريم: ادخلي يا ماما
احمد: انا احمد يا مريم
مريم: ...........
احمد: مريم انا اسف علي ال عملته ممكن نتكلم شويه
مريم: اظن مفيش بينا كلام بعد ال عملته
احمد: طب ممكن ادخل
مريم بتفكير: اتفضل
احمد: اولا كدا اسف انا عارف اني غلط لما اتصرفت كدا انا فعلا مليش الحق اتدخل
مريم: ها وبعدين
احمد: انا عارف انك بتحبيها لان باين عليكي ولو بتحبيها هتقوليلي في اي وانا صدقيني هساعدها ومش هئزيها في حاجه وهتشوفي بنفسك
مريم : احمد
احمد: نعم
مريم: هو انت عايز تعرف ليه
احمد: عادي يعني اي المشكله لما اعرف صاحبي وصاحبت اختي بينهم اي
مريم باستسلام : هقولك وامري لله
احمد: قوووولي
مريم:بص يا سيدي عمر ساكن جمب اروي جيران يعني وكدا هيا كانت معجبه بيه جدا هو لاحظ دا فا فات ايام واسابيع وشهور وحبها ليه بيذيد يوم بعد يوم لحد ما هو كمان حبها وفي مره وهيا ماشيه تيلفونها وقع علي الارض فا جري ومسك الفون وقالها ممكن تفتحي الفون اصل بصراحه بشبه عليه ولانها كانت بتحبه فتحته مسك الفون وكتب رقمه وقالها لا مش هوا اصل فوني وقع مني بقالو اسبوع فا بعد ما مشي مسكت الفون وكانت راحه ترن عليا لقت رقم متسجل بي(كلميني ضروري) وكانت كلمته وبدأت الحكايه وفهمها انه بيحبها وهيتجوزها وكلو فل وتمام لحد ما اتكشفت ان كل مره بقا في حجه شكل وحست انه بيضحك عليها فا قررت تواجهه وكان ناوي يفضحها ويضربها لحد ما جه ابن حلال وانقذها منه وابن الحلال دا قاعد قدامي ومتأثر اوووي بال بقوله
احمد: ياااااه كل دااا ودي ملقتش الا سي عمر ال تحبه
مريم: منتا عارف انه واد حليوه ودمه خفيف
احمد: بس نصاب وبتاع بنات
مريم: عندك حق ...ها قولي هتعمل اي بعد ما عرفت
احمد: ميخصكيش
مريم: احمد اروي لو عرفت اني جبتلك سيره عن الموضوع دا هتشلوحني
احمد:متخافيش مش هقول....اسيبك بقا تكملي مذاكره
مريم: ماشي يا حب
ګان احمد سيخرج ولكن تذكر شئ جعله يعود الي اخته
احمد:مريم
مريم بصوت واطي: اديني الصبر يارب هيا نقصاك دلوقتي
احمد: افندم علي آسـآسـ آني مسمعتش مثلا ..المهم انتي قولتلي بيتها فين؟
مريم: هيا مين؟
احمد: بتتتت بتتتت احنا هنستعبط
مريم وقد تكلمت بسرعه: جمب بيت عمر
احمد: تمام ...باي
مريم: باي ياخويا
............................................
خرج احمد من عند اخته ثم اتجه الي الباب
الام:انت نازل يا احمد
احمد:ايوه يا ماما عايزه حاجه
الام:لا يا حبيبي خلي بالك من نفسك
احمد:حاضر ...باي
الام: ربنا يهديك ...باي
.............................................
بعد خروج احمد من البيت كان يفكر فيما حدث لأروي وفي اثناء سيره لم يلاحظ انه يسير في نصف الطريق وهناك سياره كانت امامه كان سيرتطم بها ولكن هناك احد سحبه عن الطريق بسرعه و اوقعه ارضا
سائق السياره: مش تحاسب يا جدع انت
تجاهل احمد كلام السائق وكان يريد ان يري من انقذه ثم نظر الي الجانب الاخر فكاانت المفاجئه
احمد:اي دا هو انتي ال انقذتيني
اروي: ايوه انا وبعدين مش تخلي بالك كنت هتروح فيها بعد الشر طبعا بس شكلك كنت سرحان
احمد: .........
اروي: انت كويس حصلك حاجه اتصل بالاسعاف
احمد وهو يقف: لا لا انا كويس.....هو انتي كنتي رايحه فين
اروي:كنت مخنوقه شويه قولت اروح علي البحر افك نفسي
احمد:في الوقت دااا!!!!!!
اروي: اه عادي
احمد: لا مش عادي وامشي قدامي هاجي معاكي انا اصلا كنت رايح
اروي: حيلك حيلك هو انا خطيبتك وانا معرفش ولا يكون بينا قصه الحب زي روميو وچوليت
احمد:حاجه زي كدا
اروي:نعم!!!!!!!
احمد: ها بقول لا طبعاا مفيش حاجه بس انا كأحمد بحب اساعد
اروي: وانا مش عايزه مساعده
احمد:مش بمزاجك واتفضلي قدامي
اروي: لا انت مجنون
احمد: هتمشي ولا افرج عليكي الناس واقول حراميه
اروي بضحك: لا لا همشي
احمد بابتسامه:مانتي بتعرفي تضحكي اهو
اروي بابتسامه: حد قالك اني مبعرفش اضحك
احمد:لا اصل من ساعت ما عرفتك وانتي بتعيطي وبس
اروي وقد ملئت الدموع عيناها:انا اتأخرت انا لازم ارجع البيت حالا
احمد: انا اسف لو دايقتك بكلامي بس احنا لازم نتكلم معتش ينفع نأجل موضوع عمر دا
اروي: موضوع مين
احمد: عمر
اروي: اي موضوع عمر دا
احمد: اروي بصراحه مريم قالتلي كل حاجه
اروي:مريم!!!!!
احمد:اه مريم بس ارجوكي متزعليش منها هيا ملهاش ذنب انا ال اصريت اعرف
اروي:مريم ال قالتلك
احمد:افهميني يا اروي انا كنت لازم اعرف
اروي: وبعد ما عرفت تقدر تقولي هہتآخد حقي آزآي
آحمـد بأسـرآر:هہآخد حقك وهہتشـوفي
أنت تقرأ
أســكريبتات🖤
عاطفيةكـل يـوم أسكريــبت مختـلف بقصـة مختلفـة بأحداث مأخوذة من الواقــع🖤✨ بقلـــم :- رغـــــدة حســــن 🖤
