أســكريبتات🖤

أسكريبـــت رقـم{2}🖤

...:انتي يا استاذه
ايات: ....
....: يا استاذه ردي
ايات: جرا اي يا حج مش شايفني بركن العربيه
.....: يا استاذه دا مكان عربيه البيه
ايات: طب وسع كدا ..نظرت يمين ويسار ثم نظرت الي الرجل مره اخره ثم قالت: مش شايفه اسمه مكتوب علي المكان يعني
.....:يا استاذه متقطعيش عيشي
ايات: حضرتك ال ناوي تقطع عيشي مهو مش معقول يبقا اول يوم ليا في الشركه بالمنظر داا
.....: يا استاذه متركنيش هنا لا حول ولا قوه الا بالله
ايات: طب وسع كدا لادوسك
ركنت ايات السياره ثم نزلت
ايات: ابقا خلي البيه ينفعك
ثم ذهبت
..................
جاء بلال وكان سيركن سيارته في مكانها المعتاد ولكن عندما شاهد سياره اخري تقف مكانه المعتاد نزل من سيارته وهو في قمة غضبه
بلال بغضب وصوت مرتفع: عم عبده يا عم عبده
عم عبده: ايوه يا بيه
بلال: انا قولت كام مره ان دا مكان عربيتي انااا
عم عبده: مره واحده يا بيه
بلال: وللاسف شكلي هقولك لتاني مره
عم عبده: اخر مره يا بيه
بلال: عربية مين الزباله دي
عم عبده:  واحده ست يا بيه فضلت اقولها ان دا مكان عربية حضرتك بس فضلت تقول مش شايفه اسمه مكتوب يعني وسابتني ودخلت الشركه يا بيه
بلال: يعني صاحبت العربيه دي في الشركه دلوقتي
عم عبده: ايوه يا بيه وكانت بتقول ان دا اول يوم شغل ليها هنا
بلال في نفسه( دا انا هسود ايامك كلها) :تمام اركن انت العربيه في اي مكان دلوقتي
عم عبده: امرك يا بيه
.................
اما عن ايات فقد دخلت الشركه بعد ان ركنت سيارتها:-
ايات: انا جايه هنا عشان السكرتيره المطلوبه لمكتب المدير
السكرتيره: تمام يا فندم اتفضلي اقعدي لحد ما بلال بيه يجي عشان اعملك انترڤيو
ايات: تمام متشكره جدا
................
دخل بلال الشركه وهو في قمة غضبه ثم دخل مكتبه ولم يلقي التحيه علي احد علي غير عادته
ثم دخلت السكرتيره ورائه
السكرتيره: صباح الخير يا مستر بلال في كام بنت برا جاين عشان منصب السكرتيره تحب تعملهم انترڤيوو امتي؟
بلال: اعملي انتي مقابلة الانترڤيوو و ال هتكون مناسبه تجبهالي
السكرتيره: تمام يا فندم اي اومر تانيه
بلال:  متشكر
.......................
بعد المقابله وقع الاختيار علي ايات..
السكرتيره: اتفضلي معايا يا فندم علي مكتب المدير
هزت ايات راسها : ماشي
.......................
طرقت السكرتيره الباب :-
بلال: اتفضلي
السكرتيره: مستر بلال انا اخترت ال تنفع منصب سكرتيرة حضرتك
بلال: تمام خليها تدخل
السكرتيره: تؤمر بحاجه تانيه يا فندم
بلال: اه شوفيلي عربية مين ال ركنت مكاني النهارده
السكرتيره باستغراب: امر حضرتك يا فندم
-خرجت السكرتيره ودخلت ايات...اه صح نسيت اقلكوا اسم السكرتيره(دعاء)
دخلت ايات والخوف يكسو ملامح وجهها تسير وهيا مرتبكه يدور في راسها الكثير من الاحاديث حتي قطع افكارها بصوته الحاد
بلال:  اتفضلي يا انسه واقفه ليه
ابتسمت ايات شبه ابتسامه ثم جلست
بلال: اولا مبروك عليكي التعين في الشركه بصفتك سكرتيرتي الجديده
ايات: شكرا يا فندم ان شاء الله هكون عند حسن ظن حضرتك
بلال: تمام تاني حاجه مبحبش اعيد الكلمه مرتين ال اقوله يتنفذ بالحرف الواحد طول ما احنا في المكتب ثالثا بقا ودا اهم حاجه لبسك يبقا محترم ومرتب وشكلو شيك انا محبش سكرتيرتي تكون حاجه مبهدله كدا رابعا لو انا قولت الشغل دا يخلص النهارده يبقا يخلص النهارده خامسا شغلك هيبدأ من اول الاسبوع الجاي وخلال الاسبوع دا هتكوني فهمتي طبيعة الشغل من انسه دعاء ..في اي حاجه مش مفهومه عندك سؤال او حاجه؟
ايات بتركيز: لا يا فندم كله مفهوم
بلال: تمام اتفضلي
خرجت ايات وهيا تقول في نفسها: (شكلي هتمرمط في الشغل دا بس انا ال استاهل منا كل شويه اقول لمامي اني عايزه اشتغل ويوم ما اشتغل محبش الشغل انا استاهل اصلا) ...ذهبت ال حيث توجد سيارتها وركبتها وذهبت ال حيث تسكن: -
.......................
اما عن السكرتيره دعاء فذهبت ال مكتب المدير ثم دقت علي الباب: -
بلال: ادخل...ها عرفتي اي اخبار عن العربيه
دعاء: ايوه يا فندم وفي الحقيقه انا شوفت انسه ايات ال كانت عند حضرتك من شويه ركبتها ومشيت
بلال وهو يضغط علي اسنانه: يعني العربيه بتاعتها
دعاء: ايوه يا فندم
بلال: تمام اتفضلي انتي
بلال في نفسه( وقفتي مكان عربيتي وقولنا ماشي بس اكتشف انك بقيتي سكرتيرتي لا دا انتي زودتيها اووي انا هوريكي ..)
.......................
في صباح اليوم التالي استيقظت ايات مبكرا كي تذهب لتعرف طبيعة عملها: -
ايات: صباح الخير يا مامتي
الام: صباح الخير يا حبيبتي..تعالي افطري يالا
ايات: مامي حبيبتي انا مش ناقصه تاخير اقسم بالله
الام :يابنتي افطري عشان تعرفي تركزي
ايات: ارجوكي يا ماما اعفيني هتأخر
الام بقلة حيله: طيب روحي يابنتي الله يوفقك ويوقفلك ولاد الحلال
ايات: يااارب ياا ماما ياااااارب ...عايزه حاجه يا ست الكل
الام: عايزه سلامتك يا قلب امك
غادرت ايات المنزل وذهبت الي حيث الشركه وكالعاده وصلت قبل مديرنا المحترم ال بيجي متاخر(بلال)
ايات وهيا تركن العربيه في نفس المكان السابق: ازيك يا حج
عم عبده: ......
ايات بضحك: مقولتليش فين صاحب العربيه ال انا وقفت مكانها مكلمنيش يعني 
عم عبده: احسنلك متعرفيش
ايات بضحك: مش عايزه اعرف ..هو انت اسمك اي يا حج
عم عبده: اسمي عبده حضـرتك
ايات وقد انتهت من صف السياره ونزلت منها: ماشي يا عم عبده انا هدخل انا بقا
عم عبده: ..........
ايات في نفسها وهي تسير الي الشركه: (اي الراجل دا ياربي علي الاشكال ال بشوفها عالصبح)
.......................
اما عن بطلنا ال بيصحي متاخر: -
الام: انت يابني قوم عشان شركتك
بلال: .........
الام: والله ما عارفه انت مدير شركه ازاي
بلال: ........
الام وهيا تضرب بخفه علي كتفه: انت يا نلت النيله
بلال بصوت نوم: اي يا ماما.. في اي
الام بابتسامه:  لا يا حبيبي كنت بصحيك تفطر: ثم تحولت نبرتها ال زعيق: قوم يا زفت الطين هو اي ال في اي في ان حضرتك مدير شركه وعندك مسؤليات السكرتيره دعاء رنت عليك لحد الان اربع مرات وحضرتك نايم ولا تعلم
بلال وقد جلس: ماشي ماشي اخرجي برا وانا هغير و هاجي وراكي
الام: اما نشوف
خرجت الام من الغرفه واغلقت الباب ولكن تذكرت شئ فا رجعت وفتحت الباب مره اخره و..:-
الام بزعيق: انت يا زفت انت نمت تاني
بلال وقد قام بسرعه وانحني علي الارض ولعب ظغط: لا يا ماما مين دا ال نام دا انا صاحي من بدري حتي شوفي بلعب ضغط اهو
الام وهي تخرج من الغرفه: قدامك 10 دقايق بالظبط وتكون قدامي اي تأخير كدا ولا كدا هكون مولعه فيك
بلال: طيب طيب عدي خمس دقايق هتلاقيني قدامك
خرجت الام وبقا بلال وحده في الغرفه:-
بلال في نفسه: (بدأت المعركه يا سكرتيرتي)
.......................
خرج بلال من منزله وركب سيارته واتجه الي الشركه (دا طبعا بعد الزعيق ال اخده من مامته عشان التأخير )
بلال بعد ان وصل و وجد نفس السياره واقفه في مكان سيارته خرج من السياره بزعيق: عم عبده يا عم عبده
عم عبده: ايوه يا بيه
بلال بنرفزه: انا قولت كام مره ان دا مكان عربيتي
عم عبده: مرتين يا بيه
بلال بعصبيه اكبر: وشكلي هقولك للمره التالته
عم عبده :اسف يا بيه
بلال بصوت عالي: المره الجايه لو لقيت المنظر دا تاني هيتخصم منك 50% من مرتبك مفهوم
عم عبده: مفهوم يا بيه
.......................
دخل بلال الشركه وهو في قمه غضبه ثم دخل مكتبه و دق الباب: -
بلال في نفسه(اصطبحنا وصبح الملك لله) :ادخل
دعاء: صباح الخير مستر بلال في مؤاتمر عند حضرتك الساعه 8
بلال وقد نظر في ساعه يده وجدها السابعه والنصف: اوك
دعاء: انا دربت الانسه ايات وهيا مشاء الله عليها طلعت ذكيه وبتفهم بسرعه وفهمت كل حاجه وكانت طالبه تبدأ شغل من بكرا
بلال: ايات مين
دعاء: السكرتيره الجديده يا فندم
بلال بشئ من العصبيه: دي ال بتوقف عربيتها مكاني مش كدا
دعاء: ايوه يا فندم
بلال: تمام خليها تبدأ شغل من بكرا
دعاء: تؤامر بحاجه تانيه يا فندم
بلال: القهوه بتاعتي ....و..
دعاء : و اي يا فندم في حاجه
بلال: يعني ...بقولك ... اندهيلي عم عبده
دعاء باستغراب شديد: نعم؟! ...اقصد حاضر يا فندم
دعاء وهيا تخرج من المكتب في نفسها ( هو قالي اندهيلي عم عبده بجد ولا انا بيتهيألي ..لا لا مستحيل ازاي دي اول مره يطلب انه يشوف عم عبده ...دا انا لو مدتش الامر للامن انهم يدخلو ممكن يقتلوا....ربنا يستر)
ايات: سرحانه في اي يا جميل
دعاء :ها لا مفيش بس مش عارفه مستر بلال متغير بقالو كام يوم كدا
ايات بضحك: تلاقيه بيحب ولا حاجه
بلال وقد سمع حديثهم وهو يخرج من مكتبه من اجل المؤاتمر:-
بلال بجديه: هو مين دا ال بيحب
ايات وقد انتبهت الي الصوت من خلفها: وانت مال..ك
وما ان رأت بلال يقف قالت: اسفه والله ما اخدت بالي يا مستر بلال ارجوك متتردنيش ارجوك انا بشتغل عشان املي فراغي مش اكتر ارجوك يا مستر بلال انا مكنتش اق......
بلال بصوت عالي:  باااااس
ايات وهيا تنظر في الارض وقد امتلئت عينيها بالدموع : اسفه
بلال بصوت عالي : قولت بس ..اللي حصل دا ميتكررش تاني وانا هسامحك لانك لسه جديده هنا.......ولما اكلمك تبصيلي
نظرت ايات له وهي تبكي خوفا من طردها: اسفه
بلال في نفسه (يخربيتي انا ازعق للعسل الكيوت دا هو في ناس لسه عندها دم وبتعيط لما حد يزعقلها)
بلال بصوت شبه مسموع :  دا انا اللي اسف
ايات: نعم ؟!
بلال بابتسامه: اقصد حصل خير
قطع تلك اللحظات صوت دعاء وهيا تقول: مستر بلال تحب اجي معاك المؤاتمر
بلال وهو ينظر الي ايات: لا انا عايزها هيا
دعاء: اي؟!
بلال وقد انتبه لما قال: اقصد خليها هيا تيجي معايا عشان تعرف شكل المؤاتمرات بيبقا عامل ازاي
دعاء: تمام يا فندم ثواني وهتكون ورا حضرتك
بلال وهو ينظر اليها بحب: متتأخريش....ثم انتبه الي دعاء التي لاحظت طريقة حديثه غير نبره كلامه وقال بجديه:  عشان مبحبش التأخير
ايات بصوت باكي: اوكي  مستر بلال
بلال في نفسه (يالهوي علي بلال ال طالعه من بؤها زي الشهد)
.......................
بعد ان ذهب بلال :-
دعاء بغمزه: لا هو شكله بيحب فعلا
ايات : قصدك اي
دعاء وقد لاحظت بلال الذي ينظر اليهم من بعيد: لا يا انسه ايات مقصدش اتفضلي الورق ال هتحتاجيه في المؤاتمر اهو
ايات وقد استغربت من تغير نبره كلامها: ماشي
.......................
في المؤاتمر: -
بلال: انسه ايات انا عايزك تركزي في تفاصيل المؤاتمر وفي الكلام ال هيتقال عشان لما تبقي مرات صاحب الشركه تبقي فاهمه كل حاجه ومش محتاجه حد يفهمك مفهوم
ايات: مفهوم يا فنـ....انت قولت اي؟؟
بلال: ها..المؤاتمر هيبدأ -ثم تركها وذهب-
وقفت ايات في ذهول تحاول استيعاب ما يحدث
ايات بصوت شبه مسموع (هو انا سمعت صح ...ولا عشان انا معجبه بيه وكدا سمعته قال كدا ....هو قال مرات صاحب الشركه صح ...وهو صاحب الشركه صح.....ياااربي)