أســكريبتات🖤

أسكريبـــت رقـم{7}🖤

أسكريبـــت🖤

- انتي بتعملي اي!
=بشرب
- بـ ايييي!!!
=بشرب
- انتي واعيه انتي بتقولي اي!
=ايوة
-لا اكيد انتي فاقده الذاكره
= لا خاالص
- طب انتي عارفه امبارح كان ايه!
=امبارح كان 29 / 7
-وبالتاريخ الهجري!
= 8 من ذو الحجه
-والنهارده!
= 9 من ذو الحجه
-والتاريخ دا بقا مبيفكركيش بحاجه
=لا طبعا بيفكرني دا النهارده واقفه عيد اللحمه
-عيد اي!!!
= اللحمه
- اسمه عيد الاضحي
= تؤ اسمه عيد اللحمه
-ماا عليناا نرجع لموضوعنا..انتي قولتي النهارده اي!
= واقفه عيد اللحمه
-واحنا بنعمل اي في يوم الواقفه
= بننضف ونغسل ونمسح ونكنس وبنصوم
- الله ينور عليكي بنصوم فعلا وانتي بقا عملتي اي دلوقتي
= شـربـ...عااااااا انا شربت وانا صايمه
- الحمدلله انك فهمتي اتكل انا عالله بقا
= تعالي هنا انت رايح فين!!
-رايح انام عما المغرب يأذن
= مفيش نوم غير لما تقولي اعمل اي في المصيبه دي
-المصيبه دي حضرتك انتي ال تشوفيلها حل مش انا
= انت بتتخلي عن اختك في هذا الموقف العسير
-ولكن انتي من وضعتي نفسك بهذا الموقف
= اذاً عليك مساعدتي
- هناك سؤالاً يقف بحلقي هل يمكنني طرحه
=نعم بكل تأكيد
- هل انا من وضع الماء امامك واخبرتك ان تشربي!
= لا
-يبقا تغوري من وشي بدل ما اطلع صيامي عليكي
=اندل انسان شوفته في حياتي
- نعم!!!
= اخويا ال بحبه سابني وراح ينام
-عايزه حل للمشكله دي صح
=ياريت ياخويا والله
-عليكي بالاستغفار يا ابنتي فانتي كنتي بغيبوبه ولم تتذكري بأنك كنتي صائمه سيسامحك الله بالتأكيد فقط استغفري
=الله عليك ياعم الشيخ الله
-مش حليتي مشكلتك!
=ايوة
- طب لسه واقفه هنا ليه !
=بكفر عن ذنوبي
-سبحان الله من بين اوض البيت كلو جايبه تكفري عن ذنوبك في اوضتي جمب سريري
= اعذرني يا اخي فلقد ارتكبت معصيه هنا بهذا الغرفه منذ قليل وعليا بتكفير ذنبي الان
-كانت فكره مين السودا ان التلاجه تبقا في اوضتي
= هذه فكرتي اليست رائعه
-انها فكرتاً غبيه مثلك تماماً
= هل انا غبيه!!
-نعم
=اااه عشان كدا اخوالي وخلاتي بيقولوي انتي شبه اخوكي في كل حاجه
- قصدك اي يابت انتي هااا!!!
= انني لا اقصد شيئاً يا سيدي
-دلوقتي بقيت سيدك هاا ومن شويه كنتي غبيه عشان طلعالي صح
=من قال هذا الكلام تحدث عن نفسك فأنا صائمه
- وحيات امك ما هسيبك وهفضحك يا فطره
=انا بقول اخرج بقا من الاوضه دي وهروح اكفر ذنوبي في اوضه تانيه اصل محبتش الواقفه هنا بصراحه
- خدي يابت
= عايز اي ياض
-  ياض!!!!!! طب وربنا لهفضحك يا فطره
= جرا اي يابو الرجوله دا انا بهزر معاك بردو
- بت اتكلمي عدل
= اي دا انت هتمد ايدك علي واحده نسوان
- واحده نسوان!!!
=  ايوة
- امشي من وشي
= حاضر
- وطفي النور
= حاضر
- واقفلي الباب
= متقوم تقفلو انت مكسح
-يابت اتعدلي متخلنيش امد ايدي عليكي
= ماماااااا
- خلاص خلاص
= يا مااماا
- يابت خلاص انا اسف مش همد ايدي عليكي خلاص
= فين كل سنه وانتي طيبه يا اجمل اخت في الدنيا بتاعت كل سنه!!
- سوري نسيت كان منه وخلص
= بقا كدا ...طب يا ماااماا
- هاتي راسك ابوسها كل سنه وانتي طيبه يا اجمل اخت في الدنيا يالي طلعتي عين امي
= وانت طيب يا قلب اختك ربنا يخليك ليا

" الأخ نعمة من الله عز وجل، فهو قطعة من القلب والروح، هو الكتف الذي نتكئ عليه إذا ما اشتدت الدنيا، فيـارب احفـظ لي اخـي انا وكـل من قـال اميـن ❤️🏵️"

{عيـدكـم مبـارگ 😊❤️}

للكــاتبـة:- رغـــدة حسـن 🖤