أســكريبتات🖤

أسكريبـــت رقـم{5}🖤

أسكريبـــت رقـم{5}🖤

"2:30"
"قاعدة في أمانة الله بسمع المغني المفضل عندي  احمد كامل وعايشه الدور.."
-انتي يابنتي طفي الاغاني دي الجيران اشتكت
-يادي النيله عليا حاضر يا ماما حاضر
- انا عارفه خلف اي دا بس ياربي
-مخلاص يا ست الكل قولنا حاضر
-انتي هتزعقيلي يابت انتي
-يختااااي الطم ...لا ياست الحبايب قطع لساني
- طب تعالي ساعديني ابوكي زمانه جاي
- حاضر

"4:00"
-ماما
-عايزه اي يا اخرت صبري
-الله يخليكي تسلمي ...كنت بقول يعني...
-هاتي من الاخر بلا كنت بقول بلا مكنتش بقول
-الله عليك وانت فاهمني ....عايزه اروح علي البحر شويه
-خدي كيس الزباله معاكي وانتي خارجه
- انا بقول نفضها خروج النهارده
- يبقا احسن
-اي دا انا كنت بهزر مش عايزه حاجه من تحت تانيه
-لا

"4:20"
" قاعده علي مقعد قدام البحر وسرحانه وحاطه الهند فري وبسمع احمد كامل ...لقيت حد بيحرك ايده قدام عيني قفلت الاغاني وبصتله لقيته بيقولي .."
- هو حضرتك طرشه!
- نعم !!!
-يعني مبتسمعيش
- انت بتقول ايييه!!!
-يعني بتسمعي
- اه بسمع عايز ايه
-اصل بقالي ساعه بكلمك وانتي ولا هنا
- يادي النيله انت لسه هتقول اصل وفصل اخلص عايز ايه
-المقعد ال حضرتك قاعده عليه بتاعي
- مش مكتوب عليه اسمك علي فكره
- لا مكتوب
-  مش باصه وعلي فكره مش هقوم متحاولش
-هو ممكن اسألك سؤال
-اسألتك كترت
-معلش
-ارغي
-هو انتي متأكده ان حضرتك واحده ست
-لا انا واحد راجل ..في اسأله تانيه
-ممكن اعرف كنتي بتسمعي ايه
-اللهم طولك يا روح
-معلش
-احمد كامل
-مين دا خطييك
-لا جوز امي
-اضحك يعني
-لا بين سنانك
-بتحبي احمد كامل دا
-اه جدا
- يبخته
-نعم!!!
-مفيش سلام

"5:00"
"روحت البيت وانا مازالت بفكر في ال حصل  .."

تاني يوم:-

"3:10"
- حنييين
- يادي النيله عليا...ايوة يا ماما جاية
- عايزه شويه طلبات من تحت يالا عشان تجبيهم
-حاضر

"وانا نازله علي السلم لقيت ناس بيطلعوا عفش شقه..مهتمتش وروحت جبت الحاجه وطلعت "
-ماما
-نعم
-هو في اي وانا نازله لقيت ناس بتطلع عفش شقه ؟
-ايوة في ناس هتسكن في الشقه ال قدامنا
-اممم ماشي

"4:30"
-ماما انا راحه اقعد علي البحر شويه
-خدي كيس الزباله في ايدك وانتي نازله
-ماما هو حد قالك ان انا عضو من اعضاء النظافه
- لا
-اومال في اي مش معقول كدا في الراحه وفي الجايه الله
-خلصتي
-اه
-مفيش نزول
-ايييه يا ست الكل براحه علينا دا انا كنت بهزر فين الزباله يا حبيبتي
-في المطبخ

"4:50... وصلت البحر ولقيت المقعد ال بحب اقعد عليه  فاضي...."
-الحمدلله اني ملقتش حد ...مسكت قلم وكتبت اسمي  علي المقعد ...

"5:20"
كنت طالعه علي السلم لقيته نازل بسرعه استغربت جدا انا اول مره اشوفه في العماره واول ما شافني جري عليا .."
-متعرفيش مكان صيدليه قريبه
-اه علي اول ال... "ولسه هكمل كلامي قاطعني "
-ممكن تيجي معايا ارجوكي ماما تعبت فجأه ولازم تاخد علاجها دلوقتي
"مشيت وانا ساكته وصلته الصيدليه وبعدين رجعنا البيت .... طلعت علي السلم واول ما وصلت لباب شقتنا لقيته بيخبط علي باب الشقه ال قدامنا وقالي قبل ما يدخل ..."
-انا بجد متشكر ليكي جدا انا جديد في المكان ومعرفش حاجه هنا
-لا شكر علي واجب
"دخلت شقتنا وهو دخل شقتهم...واول ما دخلت سمعت ماما وهيا بتكلم بابا .."
-اما الجيران الجداد دول دمهم خفيف بشكل
- اه بالزات ابو عبده دا طلع بيشبهني في حاجات كتيره اوي
"ولسه هدخل اوضتي..."
-حنين اتأخرتي ليه
- كنت طالعه علي السلم ولقيت الشاب ال ساكن قدامنا جديد سألني عن  صيدليه قريبه لان مامته تعبت فجأه و.. (قاطعتني)
-ام عبده تعبانه
- ام عبده مين يا ما...(قاطعتني تاني)
-انا لازم اروح اشوفها
- يا ماما
" هي دي راحت فين دي وام عبده مين ...لقيت بابا بيقولي.."
- ام عبده وابو عبده وعبده دول الجيران الجداد و كانوا عندنا النهارده لما كنتي برا اتعرفوا علينا وكانوا نفسهم يشفوكي اوي بس انتي كنتي برا
-اه معلش تتعوض

تاني يوم:-

"4:10"
-ماما
-نعم
-انا نازله شويه
-لا
-لا ليه يا ماما
-اصل انا عازمه النهارده  الناس ال سكنوا في الشقه ال قدامنا علي الغدا فرصه عشان نتعرف علي بعض اكتر
-ايوه وانا مالي
-انا قولت لا يعني لا ويالا اجهزي
"4:30 ....الباب خبط روحت فتحت لقيت واحده اول مره اشوفها اتكلمت وقالت.."
-بسم الله مشاء الله انتي حنين مش كدا
-ايوه انتي م...(قاطعتني)
-قمر مشاء الله يا حبيبتي بص يابو عبده علي القمر
-يا طنط حضرتك م...(قاطعني راجل كان معاها اول مره اشوفه بردو )
-قمر يا حبيبتي قمر
"كنت لسه هقفل الباب في وشهم لقيت ماما .."
-ازيك يا ام عبده تعالي اتفضلي اتفضل يابو عبده اومال فين عبده
- جاي ورانا اهو
"ام عبده وابو عبده مين النااس دوول...و لسه هقفل الباب لقيت حد بيزقه .."
-حاسبي هتقفلي علي ايدي
-انت بتعمل اي هنا
-انا عبـ.....(قاطعته)
-وطي صوتك لحد يسمعك
-حد يسمعني اي هو انا بسرق "وذقني ودخل ...لقيت ماما بتسلم عليه"
-ازيك يا عبده عامل اي
-بخير يا طنط
-اقعد يا حبيبي
"كان لسه هيقعد ... استني عندك
- في ايه
-دا الكرسي بتاعي
-مش مكتوب عليه اسمك علي فكره
-لا مكتوب
- مش باصص و متحاوليش مش هقوم ...وقعد

"كان شكلي زفت اووي وقتها ...حاولت الطف الجو واتكلم عشان اتفاداا نظرتهم لياا "

"وخلص الغدا ومنكرش اني اعجبت بشخصية عبده واغلب الوقت كنت سرحانه فيه.."

"وفي مره راحه علي البحر لسه هقعد لمحت قلب مرسوم جمب اسمي ..مهتمتش ولسه هقعد ..
-حنين
-ابتسمت ..هو انت
-اه ..كنت عايز اقولك علي حاجه
-قول يا عبده
-انتي جميله اوي
-ابتسمت...ميرسي
-انا بحبك اوي
- ميرسي ..لما استوعبت قال اي بصتله وقولتله: ايييه!! .....سابني ومشي ندهت عليه بس مردش 

(بعد مرور اسبوع من لقأتنا المختلفه ليا انا وعبده وكنت كل ما احاول افتح معاه يوم ما كنا علي البحر يقفل الموضوع ...كنا معزومين عندهم... خلصنا الغدا وكنا قاعدين مع بعض بنشرب بيبس وبنضحك ...بصلي ابو عبده وقال.."
-احنا يسعدنا ويشرفنا نطلب ايد الانسه حنين لابني عبده
-انا كأبوها موافق انا مش هلاقي شاب محترم واخلاق زي عبده
"انا جالي ذهول ومن الصدمه شنئت ..الكل بصلي وعبده قام جابلي مايه منكرش اني فرحت واني حبيته بس الموقف يصدم بصراحه انا واحده وش كسوف اتحط في موقف زي دا وبعد ما هديت مامت عبده بصتلي ..."
-هاا يا حنين نقرأ الفاتحه
"بابا بصلي انا بصتله ال هوا بابا اديني بالقفا عشان لو حلم افوق  ....انا قولت اكيد ماما حبيبتي هطلعني من الموقف دا بس صدمتي اكتر ما انا مصدومه...."
-نقرأ الفاتحه
الكل: بسم الله الرحمن الرحيم ....."

"فوقت من صدمتي وهما بيبركولي ....مبروك يا عروسه .."

✨✨.........................................✨✨
"قدري انت و الدال ميم فاصبحت لي قمري المنير 🖤"

للكاتبــة :-
                رغــدة حســـن 🖤