أســكريبتات🖤

أسكريبـــت رقـم{6}🖤

أسكريبـــت رقـم{6}🖤

- يعني مبتخافيش من الرعب
- تؤ تؤ مين دي ال تخاف
-يا سلام
- انتي مش مصدقاني ولا اي
-بحاول اصدقك
- طب اثبتلك ازايـ..... عااااااااااااا
-في اي سرعتيني
-هنااك هناااك
- هناك اي انتي خايفه ليه كدا
-فـ..ي خيـال عدا هناااك
-لا اظاهر انك اتجننتي
-والله في خياااال عدااا هناااك
- بيتهيألك ...وبعدين لحظه مش كنتي مش بتخافي وعامله فيها چمس بون
-اولا اسمها نمس بون ثانياً انا فعلا شوفت خيال
-بطلي تخاريف يا نور
- ورد انا مش بخرف انتي مش مصدقاني
-انا راحه انام
-استني جايه معاكي متسبنيش هنا لوحدي

"انا نور طالبه في جامعه القاهره طبعا ولان مدينتي بعيد عن الجامعه حجزت شقه انا و ورد.. بقالنا يومين في الشقه ....ورد مش صاحبتي وبس دي اختي وكل حاجه في حياتي اول مره ورد متصدقنيش انا مكدبتش لما قولت اني شوفت خيال انا فعلا شوفت خيال .... او يمكن بيتهيألي"

{اليوم التاني}
-نووور يااا نوور اصحي يابنتي عندنا محاضره
-طيب طيب صحيت اهو
-انا نازله اجيب حاجه ناكلها في الطريق لما تخلصي انزليلي تحت
-ماشي

"كنت بغسل وشي حسيت بحركه ورايا اتنفضت وبصيت ورايا ملقتش حاجه قولت يمكن بيتهيألي فا اتوضيت وروحت اصلي وانا بصلي باب الاوضه اترزع واتقفل انا اتخضيت جدا خلصت صلي ولبست بسرعه ونزلت "
- نور انتي مقتنعه بالحاجات ال بتحكيها دي اولاً في عواصف النهارده زي مانتي شايفه كدا هنطير واحنا ماشين فا الباب اترزع اثر الهوا وكذلك لما حسيتي بحد وراكي كان الهوا بردو بطلي تخيلات يا نور
- بس انا مبتخيلش يا ورد
- اي دا انا نسيت موبايلي في البيت هروح اجيبه بسرعه واجي مش هتأخر
-طيب
"انا كنت مدايقه انها مش مصدقاني بس كنت بحاول اقتنع بكلامها وان دي تخيلات ...بعد 10دقايق لقتها راجعه وكان باين علي وشها انها متعصبه"
- انتي ازاي تسيبي باب الشقه مفتوح
-بس انا قفلته
-قفلتيه ازاي انا روحت لقيته مفتوح
"انا فاكره اني قفلته ازاي بتقول انها لقته مفتوح "
- انا اسفه يمكن نسيته
- طيب خلاص بس حاولي متنسيش تاني انتي عارفه حاجتنا في الشقه وممكن تنسرق
"كنت عايزه احلفلها اني قفلت الباب وبالمفتاح كمان بس مكنتش هتصدقني حاولت انفض الافكار دي من دماغي وانسي اي حاجه حصلت ....بعد يوم مرهق ومتعب روحنا البيت ..."
- نور روحي جهزي الاكل عما اغير هدومي
- حاضر يا ورد
"روحت المطبخ عشان اعمل الاكل بفتح المايه عشان اغسل ايدي ملقتش مايه فضلت حاطه ايدي شويه ملقتش حاجه سمعت ورد بتنادي عليا فروحتلها...
-عملتي الاكل
-كنت هعمل فيه بس المايه قاطعه
-قاطعه ازاي يابنتي روحي جربي تاني
-طيب
"روحت المطبخ تاني علي امل ان المايه تكون جت ولسه فتحت الحانفيه وحطيت ايدي تحتها علطول لقيت المايه نازله من ايدي لونها احمر اتفزعت و صرخت بأعلي صوتي من خضتي ورد جريت عليا بصت علي ايدي لقيتها مجروحه وبتنزف..
-نوور مالك اي ال عمل في ايدك كدا
"استغربت جداا من ال قالته..."
-ايدي اي انا ايدي مفهاش حاجه بصي المايه شوفي لونها
"ورد مسكت ايدي المجروحه وخدتني برا المطبخ وقعدتني واتكلمت بهدوء..."
- نور المايه لونها مش احمر زي مانتي شوفتي
-انتي مش مصدقاني يا ورد طب حتي شوفي لسه اللون الاحمر علي ايدي ازاي
- دا دم من ايدك انتي
-من ايدي انا!!!
-بصي كدا علي ايدك
"بصيت علي ايدي واتصدمت من ال شوفته ايدي فعلا كانت مجروحه جداا بس امتي وازاي معرفش بس ازاي مكنتش حاسه بيها "
- نسيت اقولك ان انا لما طلعت اجيب الفون كنت راحه اشرب الكوبايه وقعت مني واتكسرت فلميت الازاز وحطيته في المكان ال انتي حطيتي فيه الاكل ومن غير ما تاخدي بالك اكيد اتعورتي
" انا حرفياً مصدومه من ال بسمعه انا ازاي فكرت ان لون المايه بقا احمر ومختش بالي من ايدي ..."
{اليوم التالت }
- نوووور اصحي
"فتحت عيني بصعوبه انا منمتش امبارح من كتر التفكير في ال بيحصلي...روحت عشان اغسل وشي لقيت ورد بتقولي ..
-اول مره تصحي لوحدك يعني وبعدين دا احنا النهارده معندناش محضرات
-ايييه!!!
-اي ايه!
-ورد هو مش انتي صحتيني من شويه
- انااا!!!!!
-ايوة انتي
- لا انا مصحتكيش لان عارفه ان النهارده اجازه فسبتك نايمه واتفاجئت انك صحيتي لوحدك
"حسيت بدوخه جامده فسندت علي اقرب كرسي وقعدت عليه حطيت ايدي علي وشي في حاله زهول من ال بيحصلي "
-نور انتي كويسه!!
" لسه هرفع وشي عشان اقولها انا كويسه لقيت ورد اتحولت فجأه وعينها احمرت وشكلها بقا بشع ووضوافرها بقت كبيره وسنانها بقت بشعه وبشرتها بقت سودا وفجأه مسكتني خنقتني ....

-عااااااااااااااااااااااااا
-نور اصحي ..نووور مالك
"فتحت عيني بصيت حوليا لقيتني في بيتنا بصيت علي ال كانت بتصحيني لقيتها ماما ..وقتها عرفت اني كنت بحلم"
-نوور سمعاني
-ايوة سمعاكي يا ماما
- طب قومي ياختي بقينا العصر وبعدين انتي مش عندك درس يابنتي
- ها ...ايوة ايوة عندي
-طب يالا قومي يا كسوله عشان تعدي السنادي علي خير وافرح بيكي بقا
-ماما
-نعم
- هو مش انا كنت عايزه ادخل جامعه
- ايوة
-انا غيرت رأيي انا هتجوز واقعد في البيت

"اول مره اكتب رعـب ..سوري علي الاخطاء 😂"

للكاتبـــة: رغـــــدة حســن 🖤