أســكريبتات🖤

أسكريبـــت رقـم{9}🖤

"اربع سنين فاتو علي فراقنا... في البدايه كان صعب عليا اتخيل حياتي من غيرو بس دلوقتي انا خلاص اتأقلمت مع الوجع كنت بشوفه صدف قدام عيني كنت ببقا عايزه اروح اتكلم معاه و اقولو ليه! ليه بعدت! ليه عملت كدا! ..."
- الووو سرحتي في اي
"بصتلها بنظره هي حفظتها كويس نظره حنين .."
-لسه بتحنيلو يا ورد
"اتنهدت تنهيده طويله ..اتكلمت وانا عيني بتروح وتيجي علي الحاجات اللي حوليا ودا معناه اني خلاص هعيط حاولت اداري ..ابتسمت ابتسامه سخريه .."
=هحن لواحد سابني من اربع سنين أيعقل!؟
-تنهيدتك وعينك وتحركاتك بيقولو غير كدا
= بيقولو اي بقا
-بيقولو انك لسه بتحنيلو
=لا ...انا بحن لزمان مش اكتر
-هسيبك براحتك يا ورد وهحاول اقتنع بكلامك رغم اني عرفاكي كويس

"حور صاحبتي واختي وجارتي وكل حاجه ليا هي اكتر واحده حفظاني وحافظه تصرفاتي انا اه كدبت عليها بس هيا عارفه اني مبحبش اتكلم في الموضوع دا بمعني اصح عشان مقلبش علي نفسي المواجع .."
-ورد يا ورد
=ايوه يا ماما
-انزلي هاتي الطلبات دي من عند عم عبده
=حاضر

"وانا نازله لقيت حور بترن عليا فضلت اتكلم معاها ونهزر اهو تسليني لحد ما اجيب الطلبات ببص بالصدفه لقيته واقف عند عم عبده ..داريت وشي بسرعه وحاولت ابان طبيعيه جدا وقتها نسيت اصلا ان حور معايا علي الموبايل .."
-انتي يا حجه سكتي ليه
=ايوه معاك
-معايا اي؟
=متقلقش مش هتأخر
-نعم ياختي!!
=هجيب الحاجه من عم عبده واول ما اطلع هكلمك علطول
-حاجه ايي وعم عبده مين انتي متأكده انك بتكلميني!!!!

" ويدوب هقولها سلام سمعت صوت تكسير من ورايا لفيت بتلقائيه ابص علي مصدر الصوت لقيته هوا اكتشفت انو كان ماسك كوبايه واتكسرت في ايدو ..هتقولولي عرفتي منين ان اتكسرت في ايدو مهو عشان ايدوو كانت بتجيب دم ..لما اخد بالو انو بقا محط انظار للجميع ابتسم ابتسامه خفيفه وقال ..انا اسف يا جماعه اتكسرت غصب عني ...استجمعت كل قوتي وحاولت ابقا طبيعيه.. قولت لعم عبده علي طلباتي وخدتها ومشيت ..وهو بعد ما اعتذر مشي وكان باين عليه متعصب.."
-وبعدين!
=ولا قبلين هو دا كل اللي حصل
-يا شيخه اتقي الله بقا بتكلميني علي اني ولد عشان البأف دا
=بس متقوليش عليه بأف
-عبو قلبك الحنين اللي جايبلك الكافيه دا
=متشكريين يا اخت
"كنت قاعده في امان الله لا بيا ولا عليا سمعت صوت حاجه بتتحدف في البلكونه بتاعتي قومت اشوف مصدر الصوت
لقيت ورقه ملفوفه علي طوبه بصيت في الشارع الاول ملقتش حد مسكت الورقه وفتحتها واللي كان فيها كألاتيي..
"لحقتي تنسيني بالسرعه دي يا ورد! "
-في حد يرن علي حد في الوقت دااا
=حور انا لقيت ورقه اتحدفت في البلكونه بتاعتي
-منك لله مصحياني الساعه 4 الفجر عشان تقوليلي لقيتي ورقه في البلكونه
=يابنتي دي مكتوب فيها لحقتي تنسيني بالسرعه دي يا ورد!
-بطلي تهيأت يا ورد
=حور انا بتكلم بجد حاسه ان هوا اللي بعت الورقه دي
-حاسه اي !!هو اي اللي هيفكرو بيكي بعد اربع سنين
=مش عارفه بقا
-روحي نامي الله لا يسيئك
=انتي شايفه كدا
-اه يالا وبكرا لما اصحي هكلمك
"قفلت الخط وانا في بالي كلام كتير ...مفتكرش هوا اللي بعتها ...ويبعتها لييه  ..هو اي دا اي اللي فكرو بيا اصلا ..يووه بقا مش هنخلص "
-بيقولك مره واحده منمتش طول الليل وقاعده تفكر في سي مجهول اللي حدفلها ورقه في البلكونه
=هاا
-ها اي صباح الفل انتي من ساعت ما جيتي وانتي مش هنا
= لا انا معاكي
-انتي منمتيش بعد ماقفلتي معايا صح
=بصراحه اه وغيري الموضوع بقا
"كنا قاعدين علي البحر انا وحور وفضلنا نتكلم انا وهيا في مواضيع متعدده لحد ما لقيته جاي بأتجاهنا .."
=حور دا جاي بأتجاهنا
-نعم!! دا اي البجاحه دي
قطع حديثناً انا وهياا ..
*لو سمحتي!
"كان موجه حديثه لياا معرفش اي اللي خلاني اتوتر كدا هو انا مش قولت خلاص مبقتش احبه ايه اللي حصل دلوقتي بس "
=بتكلمني انا؟
*اه بكلمك انتي
"لا دي بجااحه بقا لا استني عليا دا انا هقفلك بقا "
=خير في حاجه؟
*ممكن رقم الحج الوالد
=نعم؟!
*نعم اي بقول عايز رقم بباكي
= وعايز رقم بابا ليه انشالله
"بصلي بصه اللي هوا بت انتي اخلصي وهاتي الرقم اصل ادفنك هنا ...سكوته طال فا قررت اديلو الرقم ..واخده وشكرني ومشي "
=شوفتي ايدو كانت ملفوفه ازاي
-نعم ياختي يعني سبتي كل حاجه وركزتي مع ايدو اللي ملفوفه
=اصلو متعور فيها جامد
-ورد بطلي تعاطف مع الناس ..قوليلي تفتكري عايز رقم بباكي ليه
=وانا هعرف منين يعني
- قومي روحي الله لا يسيئك اصل منك عالاخر
=مااشي ياستي القااكي قريباً ودااعااً
"عدي اسبوع مفيش فيه اي جديد غير اني بقيت بشوفه الفتره دي علطول بقا موجود حرفياً في كل مكان بروحه ..وفي يوم كنت طالعه العماره ومعايا طلبات وبدندن في اغنيه لقيته نازل من عالسلم ...بصتلو بصه اللي هوا لاا بقولك ايي بتنيل اشوفك في كل مكان بروح فيه وبقول ماشي صدف لكن الاقيك نازل من العماره اللي انا ساكنه فيها دا اللي مش ماشي خاالص .."
=هو انت ليك حد هنا في العماره؟
*ابتسم وقالي ..اه نسايبي
"يا بجاحتك ياخي وبتقولها في وشي كدا عادي ..اتكلمت بهدوء علي عكس البركان اللي جوايا .."
=اه مبروك ..وسبته وطلعت
"داخله الشقه وانا بكلم نفسي ودماغي بتجيب وتودي في سكان العماره لحد ما امي قطعت تفكيري ..
-ما لسه بدري يا هانم
=سوري يا ماما والله اتأخرت بسبب السمك اللي طلبتيه
- سمك ايي!!! ما علينا ابوكي عايزك
= حاضر
"ايوه هيا فعلا كان ناقصها بابا عشان تبقا كملت ..صبرني ياارب"
-خير يا بابا طلبتني؟
=ايوه يا حبيبتي تعالي اقعدي هنا
"حبيبتك واقعد؟!!! لا دا الحوار كبير ..يالا اشجينيي يا والدي "
=ورد يا بنتي انتي عارفه اني مش عايشلك وانتي بنتي الوحيده ونفسي افرح بيكي قبل ما اموت ..
"ايوااا هيا الاسطوانه المشروخه دي كمل يا والدي "
-ليه بس يا بابا بتقول كدا ربنا يطول في عمرك انت وماما ويخليكوا لياا
= اللي عايز اقولهولك يابنتي ..
"خير اللهم اجعلو خير كمل يا حج وقفت قلبي .."
=جايلك عريس
"ياا فرج الله اخيراً كمل كلامه ..نعم!!!! عريس!!! عريس ايي "
=ساكته ليه يا ورد
- والله يا بابا انت فاجئتني ..طب وانت رائيك اي !
=بصي يابنتي انا دوري اني اقولك هو حلو ولا لا وانتي عليكي تقولي اه او لا وبتتحملي نتيجه اختيارك و هو بسم الله مشاء الله شاب اخلاق ومحترم جدا واهله ناس طيبين وانا عشان كدا فاتحتك في الموضوع
-اللي تشوفه يا بابا
=الناس جاين بكرا بليل وهتقابليهم عايزك رافعه راسي يا ورد
-ان شاء الله يا بابا... عن ازنك
"دخلت اوضتي وانا في حيره ..طب اوافق عشان احرق دمه زي ما حرق دمي ...طب وزنب المسكين اللي هيتشحتف معايا اي ..المشكله مش في كدا المشكله ان حب عمري خاطب من العماره اللي انا فيهاا ..يارب يسرها من عندك ياارب "
-خدي نفس عمييق واهدي وخليكي ريلاكس
=بالله يا حور ما نقصاكي
-يابنتي اهدي انتي متوتره كدا ليه مش كدا يا ماما متعمليش في نفسك كدا
*يالا يا ورد عشان تقابلي اهل العريس
-ورد اهدي وحاولي تباني طبيعيه مع ابتسامه خفيفه
=مع كوبايه ليمون عشان دوخت
*يالا يا ورد
=حاضر يا ماماا
" داخله ورا مامتي وعامله فيها البت الكيوت بقا اللي بتتكسف وحاطه وشي في الارض سلمت علي الناس اللي قاعده بس اكتشفت ان العريس مش موجود!!! لا بقولكوا اي احنا هنبتديها شغل القط والفار من اولها مش هينفع ..الباب خبط لاقيت امي بتقولي قومي افتحي يا ورد ...اييه يا امي منظري بقا معفن اوي قدام الناس..شاهد قبل الحذف عروسه تفتح باب الشقه عشان خبط واهل عريسها حاضرين ..ونبي يارب تعدي الليله دي علي خير ..بفتح الباب لقيته هوا ..تعلاالي انا اصلا متعصبه وعندي شحنه غضب هائله تعالي افجرها فييك"
-انت جاي هنا بتعمل اي!
=بدور علي اهلي مشوفتيش اهلي؟!
-اهلك مين ياعم اتكل عالله
=حاسبي بس كدا
"لا دي بجاحه دا دخل البيت وسابني واقفه ماسكه الباب هو انا كنت البوابه بتاعت اهلك!!! وبعدين ثانيه كدا هو جاي هنا يعمل اي ..روحت وراه بسرعه "
=اتأخرت ليه يا خالد
-سوري يا امي عما ركنت العربيه
"اي ياا حجه انتي تعرفي البأف دا منين !!!!..بعد ماقعد كدا بصلي من تحت لفوق وقال ..
-ايه ياعمي اومال فين العروسه
"قربت منهم وابتسمت ابتسامه خفيفه وقولت .
=موجوده اهوو
قام بابا واقف و قال: يالا يا جماعه نسيبهم لوحدهم شويه
"اي دا يعني انا لوحدي مع البأف دلوقتي!!!"
-ساكته ليه
=وهقول اي
-قولي اي حاجه عاتبيني اضربيني اعملي اي حاجه
=وهيفيد بأيه العتاب دلوقتي تفتكر هيرجع اربع سنين ورا تفتكر هيصلح الجرح اللي في قلبي لا طبعا يبقا بلاها عتاب قصتنا انتهت من اربع سنين يا خالد
-لا منتهتش قصتنا فضلت ناقصه وانا جاي عشان نكملها ..ورد انا اه بعدت بس والله عملت كدا علشانك انا زي ماكنتي عارفه عواطلي مش ورايا حاجه بس فوقت ولما فوقت كان لازم اتقي ربنا فيكي واحافظ علي النعمه اللي ربنا ادهاني وكان لازم ابعد انا مكنتش بفوت صلي من غير ما ادعي انك تكوني ليا انا سافرت سنتين عشان اكون نفسي واول ما رجعت دورت عليكي دورت كتير ولما لاقيتك بدأت اراقبك من بعيد ولما شوفتك عند عم عبده وكنتي بتتكلمي في الموبايل مع واحد اتعصبت جدا وخوفت تضيعي مني وكان لازم اخد خطوه واديني خدتهاا اهو ...
-ورد عيزاني؟
=عيزاك
-جاهزه نكمل قصتنا اللي فضلت ناقصه؟
=اه
-بحبگ ❤️
........................🖤💥
"بين كل دقيقه واخري انتي، وبين كل ساعه وساعه انتي، وبين كل وجه و وجه انتي، وبين كل نفس ونفس انتي♥️"
#رغـدة_حسن ❤️🌸
#ورد