لماذا أنا

9_10

#لماذا_انا9
#البارت_التاسع
الكاتبة #عبير_السراي ..
طلعت بوجهي للغرفة صاحت عليه منى مجاوبت عليها.. دخلت للغرفة واحس دمي يفور شنو هالصلافة .وقلة الادب .. حتى لو كنتي تحبينه مااتصرف بهالاسلوب ... افتر بالغرفة .. ومااعرف شسوي فوق ضيمي تطلعلي هااي .. يربي شسوي لحظي اذا هو يحبهة ليش هيج سوة وياي.. ليش دمرني ودمر نفسه .. ليش مراح الهة شجابة عليه.. . سمعت اذان الضهر .. كمت اتوضيت  .لازم ارجع للصلاة لان تركتهة من صار الحادث لليوم ..كملت صلاتي .. عدلت نفسي...
.اندك الباب ... فتحت..
منى :: شنو يابا اصيحلج متجاوبين صاير شي .. عفت الباب مفتوح ودخلت ...
اية:: لا حبي ماكو شي ..
منى:: دشوفي حتى وضعيتج تخربطت ..
اية::لا حبيبتي سلامتج بس عندي دوخة ماذيتني..
منى :: ايي لان متاكلين .. دنزلي صبينه الغدة ...
اية:: لا حبي مااشتهي .. الف عافية ... حصرتني العبرة .. اختنكت.. الدمعة وصلت طرف عيني..
منى:: حبي صاير شي احد مسمعج كلمه.. جنتي كاعدة يم ريم.  كلتلج شي ضوجج ...
باوعت عليهة ... حسيته تعرف شي بس متكدر تكول..
اية؛: ليش اكو شي حتى تكوله...
منى .:: خليج صريحه وياي حتى اني هم اكون صريحة وياج .. هاا... كولي .
اية :: اوك اذا تردين الصراحة ... بنت عمج هيج تكولي .. (كذا وكذا ّ....) وكلتلهة على الحجته وياي...
منى:: شوفي اكولج شي ... اولا هي تحب علي من زمان.. بس هو معتبرهة مثل اخته... وممعبرهة..  لكن هي سوت المستحيل حتى يتزوجهة حتى امهة حجت ويه علي وكلتله انته ابن عمهة واولى بيهة وهم رفضهة .. كللهة اني اعتبرهة مثل منى ولمياء ولا يمكن افكر بيهة بغير شي.. .بس هم مستسلمن...
وعلي اساسا ميحب البنات وجان رافض فكرة الزواج اطلاقا.. وشكد امي حاولت وياه يرفض   بس انتي سحرتي ... بجمالج .. وغمزتلي .. لا تضوجين حبي خلي تولي لا تعبريهة .. ..
اية::تمام..
منى :: يله كومي اتغدي.... لو اصيح لعلي هو يكومج ..
اية :: لا يمعودة .. فدوة لا تحجين اله ايي شي تمام
منى:: تمام ... لا تشيلين هم..  يلة كومي منتظرينه...
نزلنه لكيتهم صابين الغدة .. الزلم وحدهم بالاستقبال.. والنسوان بالصالة...
ام عمار:: تعالن يمه.. تغدن ..
منى :: ايي يمه جايين كعدنه بس اني مااشتهي اكل ايي شي.. والدوخة ماذيتني بس مااكدر احجي .. استحي..
اباوع على ريم حتى منزلت تتغدة .. معبرتهة... ضليت اسولف ويه منى ... خلصنه الغدةوطلعو.ا الخطار وكلمن صعد الغرفته  اني صعدت لغرفتي اتمدد.. لان تعبانه ومنايمه اليل كوله...  شوية .. واندك الباب ودخل علي اني كعدت.. وانطيته ضهري فتح الكنتور .. اخذ ملابس  ودخل للحمام ... شوية وطلع لابس شورت وفانيلة .. .. مشط شعرة  .. جر الفراش الجان نايم بي ... وتمدد ...اني اراقبه بس بطرف عيني ماابينله لان احاول ابين اني قوية كدامه حتى ميستضعفني.. ..بس بداخلي ارجف رجف...  باوعت عليه لكيته منطيني ضهرة...
كلت همزين حتى اخذ راحتي... تمددت وحاولت استرخي بس مااكدر متوترة ... محسيت بنفسي غفيت... فزيت على صوته.يفتح الكنتور بس هي فزة هي كومه على حيلي.. باوع علية متفاجأ.. رجع ماعرف شيدور بالكنتور..
واحس قلبي راح يطلع من مكانه... باوعت عل ساعة ب6:35 معقولة محسيت بنفسي. كعدت عل جرباية انتظرته يطلع... كمل لبس وشعرة وتعطر وطلع..
اني هم دخلت للحمام غسلت وبدلت ملابسي وعطرت نفسي ومكياج خفيف ... وطلعت وصلت يم الدرج وسمعت صوت ناس جوة وهوسة... استحيت انزل ... ضليت مترددة نزلت .. لكيت البنات كاعدات بالمطبخ سلمت وكعدت.. يمهن شويه بس بعدني مااعرفهن ...
سوينه العشة واجتمع الكل على السفرة ..  ضليت مترددة ادخل يمهم.. صاحلي البنات دخلت .. جان علي كاعد ومدنك عل سفرة و كاعد بصفه اخو احمد كالو لاحمد كوم خلي مرته تكعد بصفه كام احمد وكعد بغير مكان... كتلهم..
؛:: لا اريد اكعد يم البنات اريد اتعود عليهن...
رفع راسا وضل يباوع عليه... مهتميت ..
كعدت يم البنات اكلت كم لكمه وكمت.. عمتي كالت... وين اشو مااكلتي ...
مااشتهي..والله  ...
ام عمار:: يمه نجيبلج غير شي ..
اية:: لا يمه هذا خير من الله .. بس اني مااشتهي صدكيني ...
ام عمار :: على راحتج بس شوكت متجوعين هذا المطبخ... كدامج...
ابتسمت... وكعدت على صفحه... ضليت اراقب بي.. من جوة ليجوة مو حبا بي لكن حبيت احرجه كدام اهله ...و حبيت اغثة مثل مغثاني .خلص العشة وشربوا شاي وكعدوا يسولفون وعلي طلع...
واني شايله هم لليل... . ..صارت بالعشرة كولمن راح لغرفته...صعدت اني فتحت التلفزيون ضليت اتفرج ومتمددة.. لحد مااجه ... هم دك الباب دكه ودخل ..  فزيت وعدلت حجابي ...
بدة ينزع ملابسة اني دورت وجهي.. للجهة الثانية .. غير ملابسة ... وجر الفراش .. وتمدد اني هم كمت طفيت التلفزيون.. وانتجيت على الجرباية ... حنيت راسي على المخدة ورجليه لامتهن..