لماذا أنا

البارت الرابع

#لماذا_انا . 4

#عبير_السراي
البارت الرابع ..
فتحت عيني .. ولكيت عمتي تطبطب  بوجهي تحاول تصحيني...
دلال(عمة اية): يمه اية اصحي يابعد عمري  ... هاي اني يمج لا تخافين . .
اية: يمه اني وين .. لا تعوفيني وحدي (كمت ابجي من شفت نفس الغرفه الجنت بيهة .. يعني هذا مو حلم .... اووف ربي  
دلال: خية ام عمار  فهميني شصاير .وضعية اية مو مال حادث شصاير الله يخليج ..
عرفت المرى اسمهة ام عمار وهي نفسهة ام ذاك القذر .. وبدت تحجي لعمتي الصار ... واني ابجي زيادة كلما تذكر كلمة اتذكر الي صار .. عمتي كامت تدك على راسهة  من سمعت الي صار ..
دلال: فضحتينه الله لا يوفقج .. هااي نهاية المدارس ومصايب المدارس ..
كامت تضرب بيه .. وج انتي السبب..منين تعرفينه .؟؟  شجابج عليه .. الا انتي موهستله . وشعندج رايحه وياه ... الله اكبر على راسج جبتيلنه العار .كون. الله ماخذج . ولا هالعار  هجمت عليه وكامت تضربني .. 
اية : والله مااعرفه  (اني انهاريت اكثر .. لان جنت متصورتهة راح توكف وياي وتحسسني بالامان مو هي تتهمني اني السبب)  .
تدخلت ام عمار هي ومها وخرنهة عني ..اول مرة اشوفهة هيج وبهالحالة انقهرت على نفسي وانقهرت عليهة لان شفتهة ضاعت بتفكيرهة والمسؤولية صارت عليهة ...
حجت وياهة ام عمار ..
ام عمار : شوفي خية الغلط بأبنه من راسه لساسه .واحنه احسن شي نسد السالفه من اساسهة ومحد يدري بيهة.. يعقد عليهة ونزوجهم كدام الله وخلقه ولا فضايح ولا شي لا انتم تردون فضيحه ولا احنه ..
لكن عمتي اكتفت بالصمت ..
بعدهة كالت وعمهة شنكولة  ..
ام عمار مثل ما كلنالج وجبناج .. نكله حادث وابني دعمهة واخذناهة للمستشفى ومبيهة شي بس رضوض واسبوع يعدي ونجيكم خطابه كدام الناس كولهة واحنه النتشرف بيكم والتردونه يصير ...
دلال: والله ياخية عقلي وكف ومااعرف شنو اسوي.
ام عمار: . خيه مثل مكتلج .. نمشيهة بستر وانتي بكيفج بعد ...
.... مدام انتي شايفتهة هيج   .. شورج وهدايت الله .  بس كون الله يكملهة بالستر .. 

اني ضليت بس استمع .. يعني شنو ..راح يزوجوني من هذا الحيوان القذر لا مستحيل
اخاف احجي عمتي تكتلني لان هي اساسا محملتني المسؤؤلية .. ضليت اردد بيني وبين نفسي مستحيل اقبل لا مستحيل انجمع اني وهذا الانسان  بمكان واحد ....

ام عمار  بصوت خافت حزين : والله ابني مو هيج . ابني عاقل ورزن ومثقف  مدري شجاه الله لا يوفقه السبب ....
مها بهالاثناء اخذت صدريتي حتى تخيط الشك البيهة وجابتهة لبستهة ... صار الضهر عمتي ..كالت لازم نروح بعد مبيهة مجال .
ام عمار : ايي خلي اشوف واحد من الولد يرجعكم ..
دلال: لا عيني احنه نروح .. لا اتعبون نفسكم ..
ام عمار : يمعودة ليش هالحجي ان شاء الله صرنة اهل وكتلج مشي السالفة بالستر .. الله يخليج ..
عمتي باوعتلي وخزرتلي بغضب ...هذا الحصلنا من البنات وخلفة البنات .. ..
اني ساكته بس احس عيوني راح يطكن من البجي ..عبالي عمة تطبطب عليه وتهديني .. مو هي تلومني .وتحسسني بالذنب .. اني جنت امشي بطريقي مثل كل يوم هو الي اقتحم حياتي وهدم كل شي حلو بيهة ... رجعنه للبيت طبعا عمتي مباوعتلي الطريق كوله .. طبينه وكولهة تلكتني .. بنات عمي ومرت عمي ..
خيرج سلامات ايوو .. شنو الصار .. اكتفيت بالسكوت .. عمتي جاوبت مكاني .. انو تعرضت لحادث وكذا...
بس الحمد لله عمي مجان موجود والا انهاريت كدامه ...
عمتي كالت اخذنهة للغرفة ترتاح ...
طبينه للغرفة ..وبنات عمي استلمني تحقيق شصار وياج وين جنتي ؟؟ مجاوبت ...
كتلهن اريد انام .. تمددت على جربايتي ..  وبنت عمي رهف  غطتني حاولت تحجي وياي غطيت راسي وكمت ابجي ... لحد ما غفيت ..صحيت على صوت عمي ..
العم .:  ايوو.. باباتي ...
اية : باوعت .. حسيت نفسي اول مرة اشوفة لعمي ..طفرت عليه وحضنته وكمت ابجي ..
العم.: سلامتج بنيتي .. شصار وياج ..
اية .: ردت احجيله كولشي .. كلت ..
عمو واحد....
ودخلت عمتي : هاا خوية تطمنت عليه مبيهة شي ان شاء الله بس من الهبطة والخوف ..
اباوع على عمتي تخزرني وتعض بشفتهة بمعنى لا تحجين ... سكتت ..
عمي سالني بنتي شنو الي صار ..احجي لا تخافين ...
عمتي قاطعتنه ابو حسن خويه .. روح اكعد باالاستقبال وهسة دقايق تغسل وتبدل وتجيك .. سكتت عمو .وطلع .. استلمتني عمتي ..
وج تردين تفضحينه شتردين تكولين العمج ..هاا ..
كولتلهة : احجيله الصدك حتى ياخذ حقي .. عمتي :وج منين ياخذ حقج الرجال شايل عيبه انتي البالواجهة وج لا تخزينه وتسوينه علج بحلوك الناس .. باااعي تطلعين لعمج وتكلليله جنت امشي ودعمتني سيارة بيهة الولد وامه واخذوني للمستشفى كالوا بس رضوض وبعدين عمتي اجتني وجابتني لهنا وخلللص حجاية زايدة انتي التنضرين اول وحدة وج يمه استرينه عمج اذا درة يموت بمكانه ترضيهة لعمج  ...
اني كمت ابجي .. لا كولشي ولا عمي .. اوافق وأمري لالله .. .

رحت لعمي وكتله مثل مرادت عمتي وهو اقتنع وكال باجر اخذج للطبيب حتى اتاكد .. كتله ميحتاج عمو بس تعبانه اريد ارتاح .. ..
عمي: بس شكلج يبنيتي مو مال بس تعبانه .
اية: لا عمو ماكو شي بس الخوفة بعدهة بيه .عمي: لا تخافين وانه ابوج اجيبلج حقج  ..... دخلت لغرفتي ورجعتي على نومتي .. حسيت نفسي هلكانة اريد انام اريد اشرد من هالواقع الي بي . غفيت .. لحد ماكعدتني رهف ... وج ايوو الحكي ..... اهل الولد الدعمج اجوي وكاعدين يم ابويه .....

وللحكاية بقية ...
اتمنى اسمع ا ارائكم وتعليقاتكم ..