لماذا أنا

البارت الثالث

#لماذا_انا 3

البارت الثالث
حسيت كولشي ساكن كانما فقدت حاسة السمع  ضلت عيني على السقف لحظات  حسيت جسمي  مشلول ميتحرك  . ابتعد عني . بعد ما انتهك جسمي ..وسلبني كرامتي ووقاري ..
ثواني  حسيت نفسي صحيت من الجنت بي .
كمت ابجي  شوي شوي يعلى صوتي كمت اصرخ معقولة الي صار بيه ..
حاولت استر نفسي بايي شي ..
رجعت اصرخ عسى ولعل احد يسمعني . كمت الطم وادك على راسي ..
الله لا يوفقك .. حسبي الله عليك ... ياحيوااان ..انتبه عليه .. رجع اتهجم عليه ..
كتله .. الله يخليك كااافي .. وابعده باديه وهو ولا كآنو انسان  بمشاعر تحركه غريزته وبس
دفع اديه وبدة يتوددلي مرة ثانية واني اصرخ .. حسيت بالباب ديتركع .. هنا اني تهسترت .. اصرخ باعلى صوتي ..
الحكووووني .. الحكوووني .
انكسر الباب .. ودخلت مرى جبيرة ورجال .
الرجال لزم ..( علي) رفعه ضربه بوكس طرحه بالكاع بعد ماكام ..
اجت المرى تركض غطتني بعباتهة وتبجي ..
ام عمار :حسبي الله عليك
اني بس ابجي ... الله يخليج خلصيني ..
ام عمار :-لا تخافين يمه ..اني يمج  .
حظنتني وضلت اتطبطب عليه بس اني كلي  ارجف ..
وعمار اخذ علي وطلعوا .. وماادري شصار بي بعدهة المهم ورى تقريبا ربع ساعه رجع عمار ..
عمار :  يله كومي يمه...
اني كلت راح يعوفوني ويرحون ..
اية :(واني ابجي) خالة الله يخليج لا تعوفيني ..
ام عمار : لا خالة وين اعوفج امشي وياي ...
التفتت على عمار .يمه وين وديته..؟؟
، عمار:  بستين داهية  .. كومي انتي وكوميهة
كامت ام عمار وتحجي ويه عمار ..
ام عمار : يمه جيب مي خلي اغسب للبنية خوما تروح هيج مدماية .. وحالتهة حالة ...
جاب مي وغسلت رجليه واني ابجي ..
يربي ليش هيج صار بيه شكول لعمتي .. شكول لعمي .. الله ياخذني ان شاء الله .. ولا انحط بهيج موقف ...
لبست صدريتي بس جانت مشكوكه بس ولا اضل هيج لفتني المرى بعباتهة وصعدتني بالسيارة  .. .وهي كعدت بالصدر تمددت بالسيارة ومحسيت بروحي بعد فتحت . عيوني اني نايمة بغرفه...
وين اني رفعت راسي ولكيت نفس المرى كاعدة يمي ويمهة بنية تقريبا عمرهة بال30بس البنيه شكلهة جانت تبجي.
.. كتلهم وين اني  .. ردت البنيه .
مها (زوجه عمار) : حمد الله على سلامتج...
.اية : وين اني ..  فدوة اريد اروح لبيتنه ..
ام عمار: يمه لا تخافين .. انتي بالحفظ والصون ..
اية: ليش جبتوني هنا ..
ام عمار .: انتي نمتي ومحسيتي بروحج حتى من نزلناج محسيتي بروحج كلنه خليهة على راحتهة .. .
اية :اريد اروح لاهلي .. وكمت ابجي ..
ام عمار ..: انتي شسمج يحلوة اهلج وين ..
.اية: اسمي اية .. وعنوانه كذا.....
مها :،حافظه رقم امج نخابر عليهة..
اية: ايي حافظته ... انطيتهم الرقم .. ودكت عليه ..
ام عمار :  الو ... مرحبا..
دلال (عمة اية ) : تفضلي عيوني ..
ام عمار: انتي ام اية ..
دلال : ايي كولي .. اية بيه شي
ام عمار : لا عيوني مبيهة شي بس كون احد يمج ... مااريد تبيني لاحد شصاير .
دلال: عيوني احجي محد يمي مو هبطتيني اية بيهة شي الله يخليج احجي .
ام عمار : لا خية. لا تخافين. مبيهةشي ان شاء الله بس تعرضت لحادث.. وجبناه يمنه ترتاح ياريت تجين بس انتي حتى نتفاهم ..
دلال.: يمه بنيتي ... خوما بيهة شي ... وعلى شنو نتفاهم ...
ام عمار : راح انطيج  العنوان وتعالي..
اية:اني هنا  خفت شراح يسوون بينه وليش كالت ندعمت  وليش متريد احد يدري ..

فوك خوفي وقهري خوف ماادري شيردون يسوون بينه ....   فكرت اهرب منهم بس شلون
بعد شوية اسمع صياح .. وبنات يصرخن ..
اني تهسترت .. الام راحت تركض.. هي والبنيةواني مااعرف شسوي... اسمع الام تصرخ  .. كلت خلي اشوف شكو....
كمت اباوع .. وجان الكه الولد الي اعتدئ عليه دينضرب ومنو ديضربه نفس الولد النقذني وديحاولون يفرقوهم ..
اني تفاجأت يربي وين اروح يعني هذا الحيوان ابنهم ... وين انطي وجهي ..
بعدين انتبهت خابرت عمتي وكلتلهة لاتكولين لاحد يعني راح يكتلوني اني وعمتي  ... شسوي يربي ... وين اولي وجان تدخل عليه البنية ...
مها.: لا تخافين ..دخلت وسدت الباب ...
اية: الله يخليج والله مااكول لاحد بس خلوني اروح ... وضليت ابوس بايدهة ... وابجي .
مها : لا تخافين احنه وياج   .. منخلي يوصلج .... لعد شجابه هنا .
مها: مو هو اخو زوجي... . الي اجاكم وجابكم لهنا .هو زوجي واخو الجبير .. لا تخافين ترجعين لاهلج معززة مكرمة بس منريد فضيحه ونسترهة بيناتنه
حضنتني وكامت تبجي.. .. انتي تعرفينه..
اية : الله وكياج مااعرفه وعمري مشايفته .. مدري شجابه عليه ليش اني من دون البنات.. .
مها.: يله الله كريم الله يحلهة بستر ان شاء الله
دقائق وهدأ البيت. ظلت مها يمي معافتني وهي تحاول تهديني لكن خوفي كان ماله مثيل .كانت لحظات خوف وارتباك كنت مرعوبة بكل معنى الكلمه وخصوصا من شفت نفس الشخص الي انتهك عذريتي .. بكل قسوة وجردني من شرفي

وبعثر كرامتي .. بنفس البيت وبيني وبينه امتار مجرد تفكير انو راح يهجم عليه مرة ثانية خلاني مااسيطر على نفسي بدة جسمي يرجف حسيت درجة حرارتي دتنخفض جسمي بارد مثل الثلج غمضت عيني .ومحسيت بشي بعده ..
صحيت على صوت عمتي بدون ماافتح عيني ..حسيت بالأمان كلت معقوله الفات كوله كابوس وصحيت منه  ....

وللحكاية بقية ...