حياة

اقتباس

صباح الخير حسيتكم مبسوطين بقالكم كام فصل كدا قلت اما ابسطكم اكتر 😂😂

جلست على الفراش تنتظر قدومه... فقد اقتربت الساعه من ال١٢ مساءا
هتفت بحزن :ارجع بقا يا عمار عايزه اصالحك

مرت ساعه أخرى... لتشعر به يوقف سيارته... اخذت تدور في الحجره تعيد الكلام الذي ستخبره به لكنه تأخر في الصعود

خرجت من الغرفه تبحث عنه لتجه لمكتبه بعدما بحثت في كل ارجاء المنزل دلفت لتجده يستلقي على الاريكه اقتربت منه تتحدث ببكاء :عمار

لم يجيبها بل استدار للجه الأخرى
هتف بعد فتره بصوت اجش :اطلعي نامي يا حياه انا مش طايق ابص في وشك
اغلقت عينها بألم تتقبل كلماته لتتحدث بحزن:انا كنت عايزه...
تحدث بحده تلك المره :قلتلك اطلعي بره اي مبتفهميش كانوا عبط اوي لما قالوا متجوز عيله... فين العيله دي؟... يا خساره يا حياه... يا خساره يا ريتك فضلتي عيله احسن

امتلاءت عينها بالدموع لتهرب من أمامه بينما هو عاد يستلقي مره اخرى.... اخذت تبكي وهي تضم اقدامها الي جسدها فقد كتبت هي نهايتهم التعيسه بسبب غبائها