الفصل التاسع
رفعت حياه بصرها الي صاحب الصوت لتهتف بصدمه :مروه... انت اي اللي ملبسك كدا... وكنتي فين الساعه دي
مروه بتوتر :هحكيلك كل حاجه بس قومي قبل ما حد يصحى
تحركت معها حياه حتى وصلت لغرفته... لتدلف مروه تغير ثيابها الرجاليه بأخرى نسائيه وعادت تجلس جوارها صامته
حياه بملل:هتتكلمي ولا اقوم انام.... لو مش حبه تتكلمي بلاش
مروه بنفي :لا لا... انا محتاجه اتكلم... بس هتسمعيني للآخر
هزت حياه رأسها ايجابا ونظرت لها بفضول
مروه :كريم حربي الصاوى
حياه بعدم استيعاب:مش فاهمه؟
مروه :كريم يبقى ابن حربي اللي قتل عمي.... ابتسمت وهي تتذكر كيف تعرفت عليه لتقص عليها:كنت باخد كورس وانا في سنه اولى وكان بيتأخر لحد بعد المغرب.... وكريم كان بياخد كورس بردوا بس بيخلص قبلي... كنت انا وهو ساكنين في نفس العماره مع طلبه تانين... معظمنا من الصعيد ...كنا اسره واحده.... اتعرف عليا صدفه من واحد صاحبه قاله اني من بلدهم... هو وقتها جاه كلمني وقالي انه هيوصلني كل يوم طالما طرقنا واحد... رفضت بسبب التار اللي بين العيلتين بس هو قالي ان ملهوش علاقه بالكلام دا... وانه عيب في حقه نكون من نفس البلد ورايحين نفس المكان وكل واحد ماشي لوحده... وافقت... كان بيفضل ماشي ورايا لحد اما اطلع العماره وادخل السكن فيدخل هو سكنه... لحد اما بقينا نتكلم في الطريق... ووقتها...
حياه :ووقتها حبيتوا بعض
هزت مروه رأسها ايجابا لتكمل :عمرنا ما فكرنا في المشاكل اللي بين عليتنا... ولما كنا بنيجي هنا ويبقى عايز يشفني... بلبس اللبس اللي انت شفتيه دا
حياه بتسأل:يعني انتِ كنتي بتشوفيه دلوقت
قصت لها مروه مهاتفتهم واخباره لها بالهروب معه لتكمل :مردتش اكلمه بعدها يمكن ينساني... بس هو بعت مسج وقالي اننا لازم نتقابل ونتكلم... وانه نزل برغم رفض والده عشان يقابلني... كان لازم اتكلم معاه... كنت حاسه اني هموت لو مكلمتوش
لتتساقط دموعها كأنها نهر... ضمتها حياه وهي تربط على كتفها هاتفه :ان شاء الله خير
مروه ببكاء:اخويا هيقتل حبيبي يا حياه وانا مش عارفه اعمل اي؟
حياه :عمار مش قاتل عشان يعمل كدا
مروه :يعني انت مش عايزه تاخدي بتار باباكي
تنهدت حياه قائله :كنت عايزه... بس حاليا معنديش استعداد حرب تفضل دايره بين العيلتين... وحد تاني يتقتل .... قتل كريم ولا حتى حربي مش هترجعلي بابي
ابتعدت عنها حياه وهي تهتف :عمار قالي ان في قاعده هتحصل وواضح انها قاعده صلح
مروه :يارب يا حياه.... لتكمل بتسأل :صحيح انتِ جيتي ازي وأمته.... انا كنت فاكره عمار بيهديني لما قال انه رايح يجيبك
حياه :لاء دا موضوع طول وانا مش قادره... لتكمل بتذكر وهي تضرب جبينها :يا خبر... عمار... سلام
مروه بتسأل :رايحه فين مش هتنامي
حياه :منا رايحه انام
مروه :تنامي فين؟
حياه بعفويه :مع عمار
أنت تقرأ
حياة
Romanceوحيده تتقاذفها الحياة تتوالى عليها منحدرات الأيام يقتلها إنتظار العوض و تصبر لأجلة و لأن الله لا يخلف وعداً يأتى لها عوضاً يشبه كرمه.
