​​ဘေးအိမ်မှာ ဂဏန်းညပ်​နေတယ် [ Unicode/Zawgyi ]

အပိုင်း - ၉ အလွမ်း​ဖြေ

" အလွမ်း​ဖြေ "

ဇန်နဝါရီလ ၃ ရက်​နေ့

အချစ်​ပျောက်ဆုံးသွားပြီး
ဇန်နဝါရီ ၁၉ ရက်​နေ့ ​နေ့ခင်းပိုင်းမှာ
အချစ်ငှက်​လေး​တွေပြန်လာပြီး အိမ်​လေးဟာ
အသက်ဝင်လာခဲ့သည် ။

​ကောင်​လေးပြန်လာတာ ကျုပ်မသိမှာများ
စိုး​နေလားမသိပါ  ။ ပြတင်းတံခါး​တွေဖွင့်ကာ
တစ်အိမ်လုံးလည်း လင်းထင်း​နေလို့​နေပြီး
အရင်တိတ်ဆိတ်​နေတဲ့ အိမ်ခန်း​​လေးထဲမှာ
အသံ​လေး​တွေ လွင့်လာ​တော့၏ ။

၂၀ရက်​နေ့ မနက်အ​စောပိုင်းတွင်
ကြား​နေကြ alarm သံ​ကြောင့်နိုးလာသည်။
ဘာအလုပ်မှမရှိ​​သော ကျုပ်သည်Alarm မ​ပေးတတ်။
စဥ်းစားစရာပင်မလို ​ဘေးအိမ်က Alarmသံ
​ကြောင့် နိုးလာရခြင်းဖြစ်သည် ။ ​ခြေသံများ ၊
​​ရေချိုးခန်းဝင်၍ ​ရေချိုး​နေသံများ​ကြောင့်
အိပ်မရသည့်အဆုံး ထလိုက်ရသည် ။

ပြတင်းတံခါးကို ​မော့ကြည့်တတ်သည့်
အကျင့်ရ​နေ​သော​​ကြောင့် ညအိပ်ထား​သော
ဝတ်စုံအား လဲ​နေရင်း ကြည့်​နေလိုက်မိသည် ။
ပုဝါတစ်ထည်ကိုယ်​ပေါ်ပတ်လို့ ပြတင်းအ​ရှေ့မှ
ဖြတ်သွားသည် ။ ​ရေချိုးခန်းမှာလည်း တစ်​ယောက်က
ချိုး​နေ​သေးသည် ။ ​ကောင်​လေးပြန်​ရောက်​နေတာ
ရာနှုန်းပြည့်​​​သေချာ ။

ခွဲခွာရတာ ၁၇ ရက်ကြာ​​လေ​တော့
ထမင်းဟင်းများလည်း အတူချက်၍
လက်စုံ စားချင်ဟန်ရှိသပ ။ အမယ်စုံချက်ပြုတ်
​ကြော်​လှော်​ပေး​နေသည့် ဂဏန်းအသံကလည်း
​ပျော်မြူး​နေဟန် ။ ဒီလို ချက်ပြုတ်​ကျွေး​မွေးသူမျိုး
ရှာ​ပေဦး​တော့ . .  

" ငါလို လူကို သွားရှာပြီးချစ်လိုက်ပါဦး "

" အမ​လေး သူ့လိုလူပဲရှာချစ်ရ​ဦးမယ် ​နေစမ်းပါ "

" ရှာနိုင်ရင် ရှာကြည့်လိုက်​လေ "

" ခင်များလိုလူ​တော့ ထပ်ရှာ ချစ်မ​နေ​တော့ဘူး "

​​
​လေထု တိတ်ဆိတ်သွား ။

ကျုပ်မှာ ဘယ်ဘက်မျက်စိနာ​နေ၍
​ဝေဒနာကို ခံစားရင်း သီချင်းနား​ထောင်​နေ
ချိန်ဖြစ်သည်။